الحمل والضغط العالى

السلام عليكم يا دكتور

اولاً جزاك الله خيرًا على مساعدتك لينا وجعله الله فى ميزان حسناتك

ثانيًا: انا لسة عارفة انى حامل الحمد لله.. انا مشكلتى ان اوقات ضغطى بيعلى جدًا ومن غير ماحس.. يعنى فى مرة اكتشفت بالصدفة ان ضغطى وصل لل160/95 , لكن الطبيب لم يشخصه على انه مرض جوايا وقالى ساعتها ان ارتفاع الضغط ده كان حالة نفسية. ونصحنى ساعتها بالبعد عن التوتر وتقليل الملح فى الاكل وبالبعد عن المخللات وشرب الكركديه

أنا خايفة يا دكتور ده يتكررلى تانى وانا مش حاسة. خصوصا ان التوتر والقلق عادى فى الحمل خصوصا مع اعباء الحياة ومشاكل العمل.

أنا عايزة اعرف ايه المشاكل اللى لا قدر الله ممكن تنتج عن زيادة ضغطى لو لا قدر الله ارتفع تانى عليا اثناء الحمل؟ وازاى اقدر اتجنب الموضوع ده؟
ولو فى نصيحة حضرتك توجهالى

أنا متشكرة جدًا يا دكتور