كل هذا من الرضاعه !!!

كل هذا من الرضاعة والله


أنا شعري بالهبل يتساقط والدورة جاتني بعد سنة يعني لما صار عمر بنتي سنة وشهر نزلت الأخت

ف شي طبيعي حبيبتي..

معروف الرضاعه تسبب تساقط شعر
وحتى الدورة الشهريه ممكن انها مانتزل بسبب الرضاعه

اذكر اني قريت عن هالموضوع مره..

هو السبب انه خلال الحمل في هرمون معين يزيد او شي جذيه فشعر الحرمه يستوي قوي و ما يتساقط .. وبعد الولادة يرجع لطبيعته ويعوض عن فترة الحمل .. فمثل ما تقولين انه بس يرجع حق مستواه الطبيعي ويعوض عن التساقط اللي ما صار فترة الحمل انه يتساقط الحين..

وعن الدورة انا طبيبتي قالت لي احتمال كبير بعد الاربعين ما تنزل الدورة الين سنه كامله .. الا نادرا..

حبيبتي هذا كله من الرضاعة
ولوما ترضعين طبيعي راح تنزل الدورة
بس خلي في بالج البويضات تكون موجودة يعني يصير حمل حتى لو مانزلت الدورة

كلام الاخوات صحيح
الرضاعه تسبب تساقط الشعر وانقطاع الدورة

اني عانيت هوايه بعد ولادتي الأولي بسبب شعري
حتى صرت أنانيه وفطمت ابني بعد 6 أشهر :(

ان شاء الله ناويه بعد الولادة اخذ فيتامينات ومقويات للشعر
بلكي تنفع ويايه ويخف التساقط ...!!

انا شعري بعد يطيح وايد
والدورة صاير عندي خربطه فيها يقولون بسبب الرضاعه...

ما قصرتو بنات
الله يعينا كل هذا عشان خاطر اطفالنا
الرضاعه الطبيعيه احسن من الحليب الصناعي و معلش نتحمل تساقط الشعر في سبيل صحة افضل لعيالنا

و انقطاع الدورة مأرقني خايفه احمل و انا ما ادري ان شاء الله تنزل باسرع وقت حتى اقدر امشي على نظام معين لمنع الحمل بدون حبوب او تدخل طبي

و اشكركم من كل قلبي على ردودكم اسعدني تواصلكم

اي الرضاعه تسبب تساقط الشعر بالهبل خاصة الشعر اللي في واجة الرأس

وانا لما ارضع بعد كم شهر تجيني الدورة واعرف وحدة سنتين ما تجيها الدورة مدام اهي اترضع

ماقصرةا البنات


كل هذا من الرضاعة

وشعري صاير خفيف

بشكل مو طبيعي

خايفه بعد 10 سنين اصلع

*um_jihad*;9987789:
السلام عليكم ورحمة الله وبركاته


بنات عندي سؤالين ياريت المجربه او الي عندها خبره تجاوبني


1- انا ارضع بنتي طبيعي و ملاحظه ان شعري قاعد يتساقط بشكل كبير و لما سالت جارتي قالت لي يمكن من الرضاعه ... بس ما صدقت عدل ياريت بنات الي رضعت تجاوبني هل تساقط شعرها ؟؟؟


2 - بنتي كملت 3 شهور و ماشيه في الشهر الرابع و الى الان ما جاتني الدورة !!
كل هذا من الرضاعه بعد ؟؟؟


بانتظاركم خواتي

حالتي مثل حالتج ,, ,,
شعري يتساقط وحتى القرعه بينت وقالوا لي هذا من الرضاعه وبعد فتره كل شي يرجع طبيعي
واني خايفه ,, شعري طويل لكن ضعيف وخفيف ولا في لمعه ,, يعني اخترب :confused:
وتوني قبل يومين ماخذه زيت جدايل مال عبد الصمد القرشي ( مانع تساقط الشعر ) وبجربه
اشوف الكل يمدحه

وأما الدوره جتني بعد 4 شهور بالضبط توها ذاك الشهر لأن ولدي توه مكمل 5 شهور
وماادري تجيني هالشهر بعد أو لا !! ,, والبعض تجيهم بعد سنه أو حتى سنتين
يعني طول فترة الرضاعه ما تجيهم الدوره ,, وهالشي بعد يختلف من وحده للثانيه

,,,, الله يعيننا

انا سمعت ان الرضاعه تسبب تصاقط شعر بس عن الدوره مدري

سمعت من الرضاعه ========أجر وعافيه