حامل وولدي صغير !

:oعندي ولد عمره 6 شهور ودخل في السابع من كم يوم ...

قبل كنت اتمنى احمل بعد مايبت الاول لاني كنت اتمنى اييب اثنين في السنة بما اني ربيت في اول السنة 2009 ...
بس بعدها تراجعت عن الرغبة ...لاني كل حد يقول بعده صغير ... وفعلا نسيت سالفة الحمل

بس في هالشهر انتظرت الدورة ومايت وتأخرت خمس ايام سويت فحص الحمل المنزلي
وبين الخط الثاني وبصراحة زعلت ... بس اول ماخبرت اهلي كلهم فرحو وخاصة امي
قالت لي حلوين العيال رزق من الله...

المهم يوم الاحد سويت فحص الدم ... وبين هرمون الحمل 212

وبعدها رحت للدكتورة قالت لي ماراح يبين شي بالسونار الهرمون من 2000 وطالع يبين

وقالت شكلج حامل من اسبوغين بس انا اصريت عليها اسوي السونار وبين عندي سماكة في الرحم وقالت لي مبين الحمل من بطانة الرحم ... بس بعده كيس الحمل بعدها قالت بنعيد فحص الحمل .. قالت لازم النسبة تزيد اضعاف ... يعني قال لي 400 او 800
بس طلع معايه 507 ... هل الحمل نشيط ولا النسبة ضئيلة ؟؟؟؟وعطتني موعد بعد 10 ايام

في ولدي الاول تأخرت الدورة يوم واحد بس وسويت فحص الدم وطلع 2020 ماشاء الله وبعدها بيومين عدت الفحص طلع 7000 ...ليش هالحمل قليلة النسبة ؟؟؟

افيدوني يزاكم الله خير