ولدي رغباته غرييييبه..ارجو المساعده

السلام عليكم ورحمة الله وبركاته

بادخل في الموضوع على طووول



ولدي عمره خمس سنوات
يحب افلام الكرتون الخاصه بالبنات
وخاصه الباربي وتوابعها
ويحب الالعاب اللي فيها تلبيس عرايس
ويعشق كل شي وردي أو احمر
لدرجة انه دائما يطلب الايس كريم بطعم الفراوله عشان لونه بس
واكتشفت انه مايحب نكهة الفراوله اصلا
ويتمنى اذا كبر يصير بنت
ويلبس فستان
ويصير شعره طويل

ويتكلم في رغباته بكل جديه

ولا يحب لعب الاولاد
ويكره العنف
واخر طلب طلبه مني
تخيلو










يبغاني اشيل الشعر اللي بيده



ولما قلت له لا يا حبيبي انت رجال عيب تصير زي الحريم
سألني : ليش انتي تشيلين الشعر اللي بيدك ؟؟
جاوبته: انا حرمه ولازم تصير يدي نظيفه وناعمه
مو زي الرجال لازم يصير جسمه في شعر لأن هذا دليل القوه
ما عجبه الكلام وقال:انا ابي تصير يدي ناعمه ما احب تصير خشنه


والله اني تعبانه نفسيا منه
وخايفه عليه
مع ان ابوه يحاول يطلعه معاه عند عمامه في كل فرصه مناسبه
وياخذه احيانا للمسجد
وكل مره بروح بيت اهلي اخلي ابوي "جده" ياخذه معاه للمسجد أو البقاله


الله يجزيكم كل الخير ويبلغكم في عيالكم
اللي عندها فكره ممكن تفيدني
فلا تبخل علي فيها