عزيزاتي بنات عروس
من زمااااااااااااااااااان ما نزلت موضوع بهذا القسم
واللي بصراحة احبه موت لاني القى التشجيع والترحيب من البنات فيه
اليوم موضوعي عن دمج التركواز و البني واتمنى يعجبكم
اول خطوة حطيت الكونسيلر تحت عيوني لان عيوني بصراحة تحتاج ليه
واستخدمت هذا من لوريال
الخطوة رقم 2
وزعت كريم الاساس على وجهي كامل
واستخدمت بعد من لوريال ( بصراحة من قبل نصحت فيه ولا زلت لانه عجيب وملمسه مخملي وناعم )
الخطوة رقم 3
استخدمت هاذي البودرة وحطيتها تحت العين ( عشان لما يطيح من الشدو يطيح عليها وبعدين امسحة و تظل في لمعه تحت العيون )
الخطوة رقم 4
استخدمت الشدو المطفي ولونه بني وحطيته عند زاوية العين الخارجية ( وطبعا حطيته بصبعي لانه يصير اضبط بالنسبة لي )
وهاذي صورته
الخطوة رقم 5
استخدمت الشادو البني بس هالمرة لمعته مو طبيعيه وحطيته في نص جف العين بس مو واجد ( وهاذي صورته )
الخطوة رقم 6
استخدمت التركواز المخملي القوي وحطيته في زاوية العين الداخلية ( وهاذي صورته )
وطلعت العين جذي تقريبا
الخطوة رقم 7
حطيت لي الكحل من فوق العين بس ضعيف ومن داخل العين وطبعا المسكارا
وراح تطلع النتيجة جذي ( انشاء الله )
الخطوة ر قم 8
حطيت لي مرطب للشفه
وبعدين حطيت لي من هاذي الحمرة اللي هي عبارة عن لون وردي فاتح جدا
وبعدين حطيت لي من قلوز لوريال وهذا لونه بس يجنن وريحته فظيعه
الخطوة الاخير للشفايف و لتثبيت حطيت من هذا القلوز وطبعا من لوريال ( احب هالماركة موت )
وفي النهاية بتطلع الشفايف تقريبا بهالشكل
واخيرا استخدمت هذا اللون حق الخدود ( الوردي طبعا وفيه لمعه بس ما تبين )
وعليكم انتوا تتخيلوا لون الخدود هههههه
وبس
هذا هو دمجي الى التركواز والبني
اتمنى انه عجبكم واستفدتوا منه لو شوي
طبعا بس اللي يعجبها موضوعي تقيمني
وابغي اعرف رايكم ترى يهمني
تحياتي
يمنع وضع الصور الشخصية الرجاء التقيد بالقوانين
