[COLOR=black]السلام عليكم ورحمة الله وبركاته[/COLOR]
[COLOR=purple]شخباااركم عزيزاتي عضوات ومشرفات عروس ؟؟؟
هذي أول مره أحط موضوع بصور ... لان ما عندي خبره :tongue: ...
وامس اكتشفت طريقه كتابة الاسم على الصور ... من عضوه حاطه موضوع في قسم المطبخ يزاها الله خير ...
المهم موضوعي عن سفرتي للعمره .. خواتي فديتهم فاجؤوني بهاي السفره ولا أنا ما كنت ناويه ...
والحمدلله رب العالمين وااايد كنت محتاجه لهاي السفره .... واستانست وايد ...
سافرنا اسبوع ورجعنا ... وما شاء الله وااااااااااااااايد زحححححمه ...
أتمنى الصور تكون واضحه لانها من موبايلي ... وياريت ما تؤاخذوني لاني مثل ما قلت أول مره أنزل صور وعليها الاسم ...
المهم هذربت واااايد صح خخ :o ...
هذي لقطه من دريشة ( نافذة ) غرفتنا في الفندق ... ولو تلاحظون تطل على الحرم ..
بس للأسف من غرفتنا كنا نشوف طرف الحرم بس ...
ونسيت أقولكم .. الفندق اللي سكنا فيه ... هو أبراج البيت ... وينقسم لكم قسم ...
واحنا كنا في أبراج زمزم ....
وهذي نفس الصوره بس في النهار ...
كنا وايد مرتفعين عن الارض ... يوم أوقف أشوف المنظر شوي وأرجع ... لاني أخاف من الاماكن المرتفعه ...
وهذا الممر .. بس الصور مطلعه الممر واسع ... هو في الواقع أضيق شوي ...
وهذي اللفتات ( الاصانسيلات ) ...
بس ما عيبتني اللفتات ... وايد سوتلي ضغط في اذني ... وآخر يومين كان راسي كله يدور منها ....
وهني طلعنا أنا واختي وسرنا السنتر اللي تحتنا وكلنا ايسكريم ..
وكلنا ذره ..
وهذي لقطه على الحرم من مكان المطاعم وين كنا يالسين ...
والفندق يطل على الحرم ... هالحلو نطلع من الفندق و ويهنا على الحرم على طول ...
وهذي صورة زاويه من زوايا طابق المطاعم ...
وهذي صوره ثانيه .. نصف سفينه ... والنصف الثاني في الطابق اللي فوقه ...
مادري شو الحكمه منها بس أنا صورتها خخخخخخخخخخ ....
والحين نيي لصور الحرم من الخارج ....
هذي أول ما نطلع من السنتر اللي تحت الفندق يكون هالمنظر جدامنا ....
وهذي ..
وهذي شوي أقرب ...
وهذي مره على الحرم ... باب الملك عبدالعزيز ...
والحين نيي للصور اللي تشرح النفس ....
بداية الطواف ... وباب الكعبه ...
بعد مره .. شوفوا كيف الزحمه ....
وهني مرزاب الرحمه .. العمود اللي طالع من الكعبه ...
وااااااااااااااااااي كيف منظرها شرح وحلو ..
وينسي الهموم ...
وهني .. تخيلوا معاي ...
كيف الله سبحانه وتعالى .. أمر سيدنا ابراهيم واسماعيل عليهم السلام ... انهم يبنون الكعبه ...
وكيف أبرهه النجس ... كان وده يهدمها وسار ومعاه الفيله ... وكيف ان الفيله ... تسمرت مكانها يوم أمرها أبرهه انها تهدم الكعبه ....
وبعدها الله أرسل عليها الطيور المحمله بحجاره من سجيل ...
باسم الله الرحمن الرحيم :
[COLOR=yellowgreen]( ألم تر كيف فعل ربك بأصحاب الفيل .. ألم يجعل كيدهم في تضليل .. وأرسل عليهم طيرا أبابيل .. ترميهم بحجارة من سجيل .. فجعلهم كعصف مأكول ) .. [/COLOR]
وهني كنا في السنتر ... ويوم كان الامام في الحرم يقيم للصلاه ... كانوا البياعين في المحلات يصطفون في السنتر ويصلون ورا الامام .... بس أخوي قالي ما يجوز جذيه لانهم بعاد عن الحرم والامام ... مادري أنا صورتهم شكلهم وهم يصلون عيبني وصورتهم ....
وهذي لقطه على بوابة سنتر الفندق من خارج الحرم ....
وبسسسسس ...
وان شاء الله تستمتعون وياي مثل ما استمتعت ....
والله يرزقنا ويرزقكم عمره قريبه مقبوله يااااااب ..
واللي يعيبها موضوعي تقيمني ....
تراني جد تعبت من الخاطر ... وظهري انقص علي ....
لاني سويت الموضوع بعدين انمسح ... وهذي المره الثانيه اللي أكتبه ...
أختكم
أم مريم .. [/COLOR]