تمادى ......... موضوعي طويل بس مهم تعال

:confused: اللي تمادى زوجي
تمادى في كل شي

الفلوس مشكله ازليه بيننا من تزوجنا (w)
مديون:( اقساط:( اجار بيت:( سياره خربانه:( كلها اعذاره بس المشكله انه حتى البيت ماعاد يصرف عليه .. يقول ماعندي مدري اصدقه ولا اكذبه
انا ادري ان راتبه 8000
3000 تطير قروض من قبل الزواج مدري في اي ايش:confused: مره يقول اشتريت سياره لابوي ومره يقول لا ماشتريت سياره لابوي ومره يقول مالك دخل فيها :rolleyes::rolleyes:
3000 تروح جمعيات من قبل مايخذها يستلف يستلف واول ماتزل الجمعيه يسدد بها السلف :eek:
2000 ماشوف منها شي وكل ماسئلته قال اصرف بها ع البيت :ss:
وش جبت للبيت والله لا لحم ولا دجاج ولا غيروه حتى اطفال ماعندنا ماغير انا وهو
وتعالو شوفو الازمه وقت يحل اجار البيت كل 6 شهور :confused: قسم بلله انواع القلق والتوتر والفقر
والله ماعطاني ريال ولا جاب لي هديه من تزوجنا للحين
مدري صرت اشك انه يجمع فلوسه من وراي وانا مدري ... فكرت اني اروح بيت اهلي والزمه بحقوقي كامله وحقوق بيته ومالي شغل فيه من وين يدبرها ان شاء الله يبيع نفسه ... بس يكسر خاطري واحن عليه مع اني اشك فيه :16:

تمادى في اسلوب كلامه معي ... لدرجه انه يقولي مره في خناقه صارت بينا (( لو راحتي مالقيتها في بيتي بدورها برى )) يمكن كلامه صحيح بس كيف يتجراء ويقولها لي صراحة وكله ليش لاني كنت تعبانه ليلة خميس ونمت وطلع سهر برى ويوم رجع اول ماناقشته هب فيني :16:

تمادى في نقاشاته معي من اجي اناقشه في اي موضوع مايرد علي الا بالصوووووووووووت العالي يقول اني ماحترمه .. عشان كذا يضطر انه يصارخ علي ... طيب حتى لو تنرفزت وطلعت مني كلمه كذا ولا كذا مو مفروض يسايرني ويتحملها انا ياما تحملت منه افعال مو اقوال

تمادى في استغلال طيبتي وحبي له .. كمثال قبل شوي يقولي عندي اختبار الثلاثاء الجاي ..(( وهو عارف يوم الثلاثا بسافر لاهلي من سنه ماشفتهم )) سالته والسفر .. قال ناجله

قلت والله ماجله واني اسافر وانت اقعد اختبر (( لان الاختبار هذا قد رسب فيه مرتين مايذاكر وقد اجله مره يقول ماله مزاج يختبره .. ويوم جاء موعد سفري والحجز على الخطوط تقفل قال ناجل السفر عشان اختبر .. ويوم حلفت اني اسافر ولا اتحمل معه ثمن استهتاره ... قالي .... اولا لاعدتي تحلفين علي .. ثانيا كنت امزح ماعندي اختبار
طيب اجل ليش تنرفزني .. ثم ليش ماحلف عليك .. ثم ليش اتحمل نتيجة استهتارك

رايكم اوقفه عند حده ولا اصبر
للمعلوميه انا مالي سنه من تزوجت
حامل في الخامس
من تزوجته شيلني هموم ديونه وفقره وفوق هذا خدمة اهله مع اني شاااارطه بيت وحدي وفوق هذا كله حتى الكلام يبي يمنعني اني اتكلم كل ماجات بينا سالفه قال انتي ماتحترميني .......

مثال على قولته اني ماحترمته

مره يسب في عديله اللي هو زوج اختي
ومصخها في السب قلت له هذا صار منا وفينا عاد عاجبك ولا بكيفك <=== هذي الكلمه اللي ماحترمته فيها بلله وش رايكم

الثلاثا الجاي وانا عند اهلي .... هل احط له حد واقوله والله مارجع معك الا بالشروط هذي .. مصروفي ومصروف بيته من تحت الارض تجيبها مالي شغل فيك
وبيتي وحدي مو اهله كل شوي داقين حنك عندي بقولكم موقف صار في النقطه هذي تحت
يتكلم معي باحترام وتنافشني باحترام وماتخبي عني شي (( اسراره مايقولي منها سر واحد يابنات تخيلو كني غريبه عنه مع اني اقوله انا كل شي عني من مبداء ان الزواج مشاركه في كل شي حتى راتبي اعلمه وين يروح كل قرش منه)):ss:

موقف اخته (( مره الساعه 2 ونص بعد نص الليل الا واخته وعيالها فاتحين باب شقتي وداخلين جايه من الرياض لا احم ولا دستور ولا اتصال ولاغيره (( انا في الشرقيه ساكنه ))انا كنت نايمه في غرفتي عندي دوام الصباح ولا انا ولا اخوها ندري واللي جابها اخوه الثاني ساكن عندي في البيت ولا قال لنا حتى هو .. المهم زعلت ولا قمت سلمت عليها ولا شي بس طار النوم من عيني وهي قعدت سهرانه عند التلفزيون الين الفجر وعيالها طلعو اللي في الثلاجه كله وكبكبو واكلو وبعد الفجر دخلت نامت <=== قمت الوقاحه قسم بلله
اليوم الثاني قلتلها باسلوب كويس مفروض دقيتي علينا اعطيتينا خبر على الاقل نجهز فرشكم (((((((((((((( قامت زعلت وعلمت ابوها ... كان ملطوع عندي يتمشى هو بعد وداج عياله في الديره .. وعلمت اخوها التافه الثاني اللي جابها وعلمت زوجي وشالت شناطها وسوت روحها بترجع بيتها وانا لفت الارض فيني ..... وش قلت غلط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:confused::confused::confused::confused::confused::confused: