والله محتارة

بنات انا متجوزة من اربع شهور وانا وجوزي اخدنا بعض عن حب , المهم من اول ما تجوزنا والمشاكل بينا موجودة وبشكل يومي , انا ما بدي احكي عن حالي كتير بس انا بطبعي هادية وعندي قدرة على استيعاب الموقف وتفهمها بس هو عكسي تماما ومن اي شغلة بيعصب وبيعمل منها قصة وحكاية , انا راح اعطيكو مثال صار معي قبل عشر دقايق اتصل علي من شغله وحكالي اكلتي ؟ انا رديت :لأ , وانت اكلت؟ . رد علي جوزي وحكالي : انت ما بتفهمي انا ميت مره حكيتلك انو ما تردي على سؤالي بسؤال تاني وسكر التلفون بوجهي .
انا بس حبيت اعطيكو مثال بسيط على نوعية المشاكل الي بتصير .
وفي كتير مواقف غير هيك كمان مثلا اذا نعست وبدي انام وهو مش نعسان بزعل وبيعصب , وذا اشبعت وهو لسى ما كمل اكل بيزعل وبيعصب , واذا وكل اشي عنده ممنوع ,وهو الازم يكون على اطلاع على كل امور حياتي , برغم اني ما بعرف كتير شغلات بحس انو مخبيها .
انا يا بنات بدي منكو حل لاني جد تعبت وعصبيتو على الامور التافهه بتوصلو احيانا انو يضربني , انا بدي حل لانو فكرة اني اتركو صعبة لاني حامل بالشهر الثالث وحرام ابني يعيش بعيد عن ابوه , وهم اصلا كان اختياري من الاول ساعدوني بنات بدي اغيره لاني تعبت.:confused: