السلام عليكم ورحمه الله وبركاته
كيفكم يا بنات
حبيت انزل لكم تورتي بمناسبه عيد زواجي وكانت جميله اوي وسهله خالص
يلا نبتدي
الاول انا جبت خليط كيك العلالي عشان تكون النتيجه مضمونة وكمان عشان مكنش عندي وقت كبير احضر الكيكه
هنا علبه الكيك والصينيه وفيها ورقه زبده
طبعا عجنت المكونات حسب التعليمات اللي علي العلبه وهي سهله اوي
وحطيتها في الصينيه ولازم تهزي الصينيه شويه عشان متطلعش الكيكه حته عاليه وحته واطيه
هنا بعد ما استوت وانا عملت كيكتين زي بعض عشان التورته
هنا بقه جينا للفنش انا جبت دانيت بالشوكولاته وكيس شوكولاته كرات كده جاهزة وزجاجه سفن اب ودي عشان هسقي بيها الكيك قبل ما احط الدانيت عشان بيخلي طعم التورته روعه وزي المحلات بالظبط وكمان سكر بودر
هنا الكيكتين وسقتهم سفن اب
حطيت علي الطبقه الاولي من الكيك علبتين دانيت ووزعتهم
هنا حطيت الطبقه التانيه من الكيك
وهنا خلصت حطيت الدانيت تاني بس علي الكيك كله ومن الجوانب كمان
هنا رصيت الشوكولاته الكور اللي كانت في الكيس
وكتبت بيهم رقم 3 عدد سنين زواجي
هنا حبيت اكسر حده اللون البني ورشيت سكر بودره علي الكور الشوكولاته
وده من جوة بعد ما اتقطعت
ودي حته للحبايب
وطعمها جنااااااان وعجبت جوزي جدااااااااا
يارب الطريقه تكون عجبتكم
عاوزة منكم طلب بس اللي يدخل الموضوع يدعيلي بالذريه الصالحه عاجلا وليس اجلا يارب
:):):):):):):):):)