بعد التشجيع اللي لقيته منكم في اطباقي المختلفه :D
حبيت انزل لكم عشانا اليوم
وهو بصراحه اول مره اسويه :D
وكان يمي يمي بشهاده شيخ الشباب :cool:
المهم
هو فيليه هامور بصلصة حاره
نبدأ بتتبيل الهامور بعد غسله
التتبيله عباره عن
5ملاعق طعام زيت + 4 ملاعق طعام ليمون + 2 ملعقتين عصير بصل
هنا صورة فيليه بعد الغسيل ووضع اول مقدار من التتبيله
هنا صورة البهارات وكيف تبلنا بها الهامور
البهارات عباره عن
كمون بودره رشه
فلفل احمر حار بودرة ربع م ش
كركم ربع م ش
ملح نص ملعقة شاي
ونغطيه ببلاستيك وندخله الثلاجه لمدة 3 ساعات مع قلبه في نص المده
انا خليته يوم كامل :D
نجي اليوم الثاني
نشتغل على الصلصه اول شي
عباره عن
هرده (طحينه ) ثلاث ارباع كوب
روب ملعقتين طعام
عصير ليمون 2 م ط
ماء نص كوب + ملعقتين طعام
رشه من كل من ملح كمون و كزبره
ونخلطها ونخليها على جنب
نكمل توابع الصلصه
نحمس على نار هادئه بصلتين متوستطين مفرومين فرم ناعم بمقدار ثلث كوب زيت زيتون
انا حطيت علق فلفل صغير لان احبه سبايسي
و بعد مايتحمر البصل على نار هادئه احط حبتين طماطم مفروم
وزعيها ولا تخلطينهم ،، غطي المقلاه وخليها دقيقتين او اكثر شوي لين تذبل الطماطم
وجهزي البهارات
انا حطيت بهارات من كل نوع على كيفي كل اللي في الصوره حطيته
بعدين افتحي المقلاه واهرسي الطماطم
هذا شكله بعد الهرس نسيت احط قبل الهرس مع اني مصورتها
المهم بعد الهرس
حطي البهارات واخلطيه لثواني وهذا شكله
وحطي عليهم 3 م ط صلصة الطماطم
واخلطي لمدة دقيقه
ثم ضيفي صلصة الطحينه
قلبيهم شوي مب اكثر من 10 ثواني وطفي النار
وخليهم على جنب
الحين نجي نقلي الهامور في 5 ملاعق طعام زيت زيتون انا بصراحه ماكفاني حطيت مقدار زياده من عندي
هذي صورة وحده شبه مستويه ووحده مب مستويه
لاتنسون اتصفونهم من الماي اللي فيهم قبل القلي
وهني بعد ماستووو
:D
في النهايه عقب ماتخلصين قلاي كلش ملش
اخذي من زيت القلاي نفسه ملعقة ونص وحطيه مع الصوص واخلطيه
الزيت اللي قليتي فيه السمج
وعقب حطي الصلصه في الصحن ورصي عليها السمك
ترى نسيت اصوره مع الصنوبر المقلي و اوراق النعناع كتزيين
وهني وعافيه
بنات ابي منكم دعواتكم ان اموري تتيسر واروح وارجع بالسلامه:D
وتقييم الموضوع اذا عجبكم :cool:
ترى تعبت فيه :tongue: لحد ينقل بدون تقييم ولاشكر ولاهم يحزنون
وسي يوووو
