احب ادش بالموضوع على طول انا انسانة جربت جميع انواع الزيوت وصرفت فلوس شكثر وماكوفايدة الي طول شعلي خشنة والي ينبت وبس يعني ماكو فايدة كاملة حتا التونك بالثوم استخدمت وفي زيوت من كثر نسيت اسمها واحد منهم طلعلي قشرة و سويت خلطة زيت العافية مع الحلبة والحبة السودة طولت شعري ونبتت لكن خشنت بشكل رهييييييب لدرجة قالتلي الصالونة شعرج تعبان حيييل بعدين سالت امي تقول ان الحبة السودة بس علاج يعني مدة معينة وتركيها لان تعالج التساقط اذا استمريتي تخشن وتجفف حتا الحلبة سمعت ان تخشن المهم انا ما اقصد ان الخلطات هذي مو زينة لا يمكن تنفع حق ناس وناس لا وسويت اشياء وااايد واخر زيت اهوا زيت شجرة الاس قالي العطار هذا علاج للشعر وقعدي فيه 4 ساعات استخدمته 4 مرات تقريبا ما حسيت بفرق كلش حتا لمعة ماكو
المهم ما اطول عليكم ... اي صج اكيد تسالوني شعري خشن ولا لا انا شعري خشن وما فيه لمعة بس مو خشن عاد ليفة لوووووول بس من تزوجت صرت تقريبا كلة اسوي ريلاكس كل 6 شهور او اكثر يعني ودايم استشور بتقولون يخرب اقول مااحب اقعد وشعري ناشف ومو حلو مع اليهال بعد ماكو وقت للاهتمام المهم طولت عليكم قبل مدة يعني اكثر من اسبوعين جربت زيت وايد حسيت بفرق من اول مرة والصراحة الشي الزين يبين من اول مرة مو بعد مدة طويلة ويا الله يبين شوي - المهم الزيت موجود في كل بيت وهو :
(زيت عافية - زيت زيتون - خل تفاح )على فكرة خل التفاح اضفت قبل يومين لان المرة الاولى حطيت زيت عافية وزيتون وزيت الخروع طبعا زيت عافية تكون كميتة اكبر وبعدها شوي زيت زيتون مو وايد وشوي حطيت خروع لان خالص هذي الخلطة قبل اسبوعين لكن الي صج حسيت بفرق ان قبل يومين حطيت بس زيت عافية وزيت زيتون تكون كميتة اقل من العافية والخل تفاح قد الغطى ماله بس من دون الخروع والله يابنات ترى للحين ماغسلت شعري ثالث يوم ويجنن ..حطيتة ولبست ملفعي ورحت السوق وبعدها غسلتة عند امي قبل لا اروح بيتي يعني 3 ساعات المهم واستشورت شعري بالاستشوار العادي اكيد بتسالون ليش انا قلت الاستشوار العادي لاني بيصيرلي سنة وماسويت ريلاكس واذا ماسويت ريلاكس ما ينفع شعري هذا الاستشوار ينفعة استشوار المسدس مع الفرشة الي نفس الصالونات زائد السيلاميك الفير ساعات بس هالمرة كنت عند امي ومستعيلة بس والله عقب ماخلصت انبهرت شعري لمعة من غير ما احط سيرم ولا بيبي اويل لي يومين واللمعة فيه وعلى فكرة وكل شعرة بعيدة عن الثانية صاير جنة متطاير من النعومة حتا اطرافة المتروسة تقصف ما يبينون لان طرية مو يابسة مثل كل مرة حتا اذا سويت سيراميك فير تصير يابسة ادري طولت عليم بس من الوناسة قلت خلاص لا زيوت ما اعرفها ولا شي هذا على الاقل اعرف الزيت الي احطة صاير خصل شعري مثل شعر الباروكة بالضبط متطاير ولمعة حتا مو مدهن لي اليوم الثالث ترى على فكرة اليوم موعدي ريلاكس بس بكنسل بخليها بعد شهر او شهرين والعافية مال الذرة انا اخذة من التموين عندنا بالكويت ارخص وفي بالجمعية انا ما اخذ من الجمعية اخذ من التموين المهم وزيت الزيتون لازم يكون طبيعي واصلي انا ما اشتريه في ناس نعرفهم يجيبونة لنا من الاردن ماله اسم لان في علب عادية يعبونة لنا وصاير لونة غامج يميل للون الاخضر واتمنا اني افيدكم والله الي تجرب وتحس بالفرق ابيها تدعيلي
