ابغى افضفض من الشغالة

السلام عليكم ورحمة الله وبركاته
قبل أسبوعين تقريبا نزلت موضوع ( الأيام الأخيرة لشغالتي) و هذا الرابط
http://forums.3roos.com/t468704.html
المهم والله يابنات أنا فكرت في كلام كل من رد علي وقلت يابنت الطيب أحسن و وأحسنو ان الله يحب المحسنين وأخذتها السوق عشان تشتري , تدرون كم يوم نروح السوق ؟ أربعة أيام وأنا وزوجي والأولاد نقعد نستناها تنقي وتشتري وقلنا حرام مسكينة المهم أنا كلما تشوفني لوحدي تجيني وتقولي كم باقي من فلوسي عشان أبغى اروح اشتري , مرة ذهب ومرة تمر ومرة جوال (على فكرة الجوال قالتلي خلي بابا يشتري بعدين قلت أحسن هي تنقي بنفسها وأخذتها عشان تنقي قالتلي انتي اختاريلي واخترتلها واحد حتى كمان اللون قالتلي انتي اختاري (قلت يابنت هذه واثقة من ذوقك) المهم انا زوجي مرتبط بأعمال كثيرة هذا الأسبوع وحنا عندنا مناسبات وسفرها بعد بكرة جاتني اليوم تقولي وديني السوق اشتري ذهب قلتلها والله بابا مو فاظي معليش انتي اشتري من بلدك قالت طيب والتمر قلت أنا اقوله يشتريلك قالت لا أنا ابغى اروح قلتلها اشوف اكلم بابا , حضرتها مااعطتني مجال وراحت لأهل زوجي تقولهم ودوني السوق بكرة معاكم وجاتني تقولي انا ابغى بكرة اروح السوق معاهم قلتلها طيب انا بكرة عندي عزيمة (وتعرفون كيف لمن تكون العزيمة في بلد ثانية وكيف الكوافيرة يعني مافي وقت وانا ابغى اخليها مع ولدي عند اهلي ) طبعا هي ماهمها
والله فيني ضيقة شايلة هم افتشها
آسفة على الاطالة بس محتاجة افضفض والله خايفة منها لأنها طول ماحنا في السوق وهي تقولي اشتريلي مثلك ومثل اولادك تصدقون اول مرة الاحظ انها كانت تراقبني وتراقب لبسي عشان كذا خايفة
شكرا لحسن اصغائكم