ساعدوني كيف اتصرف مع ولدي

السلام عليكم .. صباح الخير..
مرحلة يمر فيها كل الاطفال.. وعادي لكن محتاجة لشوية صبر وتحمل..

بما ان ولدك عمره 3 سنوات فهو فاهم وممكن التحاور معاه.. اول شئ ابدئي معاه باسلوب محبب اختاري اي شخصية كاتورنية يحبها وكبريها بورقة وطبعيها بمكان بارز بالصالة ونفس هالشخصية اشتري اتسيكرات من المكتبة او نجوم .. وخبريه بانه اذ سوى شئ حلو راح نحط نجمة لك وكل 5 نجوم = ايسكريم وكل 10= رحلة للملاهي او الالعاب.

او بالاضافة الى هالاسلوب ممكن تستخدمي اسلوب القصة قبل لا ينام يعني حددي اسم طفل يحبه وخليه بطل القصة واشرحي السلوكيات الصحية دون ما تذكري الخاطئة يعني احمد ولد مطيع يسمع كلام امه ويحب اخته ولا يرضى حد يضربها وهو يحبها ودايم يلعب معها.. مع تكرار الايام راح ترسخ بعقله الباطن..

اشغلي يديه بالتلوين.. اعمال الطين.. الكتابة على سبورة.. اعمال يدوية.. التركيبات.. اعطيه مهام في البيت مثلا.. فتح الباب.. الرد على التليفون.. احضار حفاضات اخته.. حسيه بانه جزء مهم بالبيت.. وانك معتمدة عليه وفي كل عمل يقوم فيه اكثري عبارات التشجيع.. يعني هالبطل الخارق.. ياسلام شنو هالولد.. ياربي احب ولدي..
حبيبي .. شوف اثر هالكلمات على نفسيته..؟؟
بالبداية ممكن ما تكون النتيجة قوية بس مع مرور الوقت بتلاحظي .. في كل مرة يسوي سلوك خطا انزلي لمستوى عيونه وكلميه بصوت جاد ومنخفض وخبربيه بالجملة خطا .. ما نسوي جذي اعتذر لناس الي اخطئت اليهم.. وخليه يعتذر..

عندي حل ثاني لو مثلا كسر شئ او رمى الالعاب لا تشتيري الالعاب.. خله هو يلم الالعاب ويتحمل نتيجة الخطأ.. بيتعلم المسئولية... وما بكرر فعله

الحل الافضل والامثل لحالة ولدك الي يعاني من الغيرة من اخته وحاب يلفت الانتباه لكن بطريقته الطفولية هو انك تضميه تحضنيه وهو يلعب.. تلعبي معه سباق.. تتكلمي معه.. شاركيه بوقته هو يعاني من غيرة وحاب يخبرك اني موجود ماما.. ابيك ماما..