عزت النفس شنو الحل معاهاا ؟؟

صعبة جداً هالصفة ,

لأنها طبع في بني آدم

وهو غصباً عنه مو برضاه

هذي جزء من [MARK="CCCCCC"]شخصيته[/MARK] !..

*

عندي ولدة خالة , ولد صغير في الإبتدائية

عزيز نفس وايد , وايد , وايد

بشكل متعب بصراحة

وهالطبع فيه من يوم كان نونو صغير

وكاهو اليوم يكبر , [MARK="CCCCCC"]ولا زال هالطبع فيه .., [/MARK]

*

و واضح إنه زوج صديقتج

هالطبع فيه من زمان

مب توه ,

وإنتي قلتي من بداية زواجها للحين !..

*

عنده عزة نفس , بشكل مبالغ فيه حبيتين , غير عن كل البشر ههههه

لأن عزة النفس والكرامة

لها حدود بعد ,

مب في كل المسائل .. قال ( عزة نفسي , عزة نفسي )

*

أنا بقترح على صديقتج [MARK="CCCCCC"]حل واحد[/MARK] ,

وماكو غيره

إذا كانت تبي تصلح حال زوجها

وتخليه يتغير ويخف عن هالطبع

تتبع مقال ( طنش , تعش , تنتعش ) إي والله صج !.. (y)

*

لأن كثرة الدلع , الإعتذار الدائم بسبب ومن غير سبب , الرومانسية الزايدة حبتين .. إلخ

كل هلأشياءات

راح تخلق بداخله عزة نفس وجبروت أكبر من الموجودة عنده حالياً

*

وهي المطلوب منها [MARK="CCCCCC"]تخففها[/MARK] !..

مب [MARK="CCCCCC"]تشعلها[/MARK] وتزيدها

*

ذكرت لج في البداية إن عندي ولد خالة فيه هالطبع من يوم يومه .. من صغره

تدرين لين هاج , وصرخ وزعل , وبكى

أمه شنو تسوي فيه ؟!..

سابقاً

كانت تراضيه وتهدىء أعصابه وكان يتمادى ويتعبها

حالياً ..,

تسكت عنه وتسفهه , ولا كأنه شي صاير

وهو منه ومن نفسه يجي , وكون طبيعي .. بدون ما يتعب أمه !..

*

صح إن طبعه هذا هو يسري بدمه

لكن!..

أمه قدرت تسيطر عليه وتهدىء أعصابه

بدون ما تتعب هي قلبها

من خلال ( [MARK="CCCCCC"]التجاهل[/MARK] )

*

هي أمه ,

مو مقصرة عليه .. حب , حنان , تربية , إهتمام

لكن!..

إذا السالفة وصلت لطبعه الخسيس

تتجاهل وبس ,

*

وهذا إلي المفروض صديقتج تقوم فيه !..

إنها تتجاهله ولا تعور قلبها ولا تشيب راسها , ولا تتعب تفكيرها ليل نهار

تؤدي جميع واجباتها الزوجية بلا تقصير

تهتم في بيتها وفيه

تهتم في مآكله , وشربه , وراحته

والأهم إنها تهتم بنفسها وبشكلها ولا تهمل نفسها مطلقاً

*

إذا طلع فيها وسوى حركات ( عزة نفسي )

تواصل معاه الحياة طبيعية , بس بالتطنيش والتجاهل

مرة

مرتين

3 مرات

صدقيني في النهاية هو نفسه بيمل من روحه

وبيصير طبيعي معاها

لأنه بيحس بداخله ( طبعي ما عاد يآثر فيها ويجيب راسها )

فراح يصير خوش آدمي وياها

بدون حركاته إلي متعود يسويها

*

زعل منها ؟!.

لا تراضيه , ولا يراضيها بعد

خل هو يراضي روحه بروحه

*

نفش ريشه وقال جذي وجذاك ؟!.

ما عليها إلا تتجاهل

*

تجاهلها مو بس بيريح بالها

إلا راح يخف من حدة هالطبع إلي فيه

*

لا تبكي

ولا تسوي لها مناحة

ولا تبالغ في الرومانسية والدلع .. وهو يفشلها

*

خلها تكون طبيعية ولا تصنع

[MARK="CCCCCC"]وتآدي المطلوب[/MARK]

عجبه!.. زين

ما عجبه .. يشوف حل حق نفسه

/
\

والله يهديه إن شاء الله ويصلح حاله