الاستفادة من ملابس طفلكِ الأكبر ، لطفلكِ الأصغر ..

سبحان الله...أنا توني قاعدة أعدل أغراض ولدي اللي صاروا صغار عليه..ومحتارة إذا أخشهم حق البيبي
الثاني او أتبرع فيه للفقراء...

إي والله يالبيت تردون على إختنا مليكا عشان كلنا نستفيد

والله فعلا الملابس ترى يتغير لونهم.. آنه أمي أذتني في ولدي كل ماقلت باطلع الثياب قالت خليهم حق البيبي الثاني... ويبت بنت.. يعني الحين لازم آطلعم بعد شباسوي فيهم... إذا حسيتي أن ماتحتاجين لكل شي خلاص طلعيهم لأن فعلا يصوفرون خصوصا الألوان الفاتحة..

انا ملابس ابني محمود كنت ومازلت الصغير والكويس اخبيه واخليه رغم ان بعده بنتي شام بس اقول حرام انها تنرمى من غير فائدة فاعطيها لاولاد اختي ماشالله نحنا الملابس عنا بنتوارثها خخخخخ طبعا الشي الكويس
وبين الاخوة مافي فرق اكيد

طريقتي اني اي قطعة اشوفها كويسة بس صغيرة على اولادي اغسلها ولما تنشف كلها ارتبها واعطرها واحطها باكياس واسكرها كويس واخبيها بشنطة السفر بس تقرب سفرتي لسوريا او احد من اهلي يجوني ابعتلهم شنطة الملابس وتكون الملابس فيها حلووووة وماتخرب والله ابدا ولا حتى تصفر اهم شي ان هالشنطة تكون في مكان بعيد عن الرطوبة ويكون نظيف وجاف

في ناس تستخدم كرات النفتالين وتحطها بين الملابس لانها بتبعد الحشرات والعت بس انا مابحب ريحتها ابدا وطريقتي كويسة ومجربة كتيير

مشكورين بنات على تفعالكم .. وياريت نحصل تجاوب أكثر


الدمشقية .. ما عرفت شنو يعني كرات النفتالين ؟؟

كنت افكر بهالموضوع من زمان لكن مع تعاملي مع بنتي اشوف ان ملابسها
ما تدووووووم مع كثرة اللبس وبالاكل تبقع ولا يروح البقع منها حتى لو كانت غالية وللمناسبات
خاصة ادا كانت بعمر اقل من 3 سنوات!!
والحين ما عندي ملابس لبنتي ابدددددددد للتخزين كلهم راااااااااحوا ملح
بس احتفظت لها باول لبسه كذكرى وبس..
ياريت اقدر استفيد من تجاربكم للبيبيات الجايه..

مليكا النفتالين اللي تجي على شكل كرات صغيرة ملونة او بيضاء تجي بكيس نايلون صغير لها رائحة قوية
لطرد العث والحشرات عن الملابس
تلاقيها عند البقاليات او حتى السوبر ماركت بحثت على صور للنفتلين للاسف ماحصلتلك

موضوع مفيد ياليت الي مجربين التخزين يفيدونا

موضوع مفيد واايد ..!
بس انا كل ملابس ولدي الا صغرو وزعتهم ..
واصلا انا مدمنة تسوق حق ولدي ..
يعني البدله لبسها لبسه لبستين بالكثير ..

وبعدها لما صغرت الملابس عطيتها حق ناس يستخدمونها ..
افضل من تظل بدون فايده ولو ربي اراد وجه البيبي الثاني ..!
اكيد راح اشتري له لبس خاص فيه ..

يعني ما عندي شي اسمه تخزين ..!
الا الملابس الا اكبر من قياسه ..
لانو مجبوره اخزنهم لانه ما بيكونو مقاسه ..!
وبعد ما يسمى تخزين لانها فتره بسيطه مو فارق كبير ..!
.. موفقات ..!

هلا عرايس ،، انا اخزن ملابس بنتي مثل طريقة الدمشقية ،، الزين واللي انلبس شوي وما استهلك واجد اغسله واحط فيه كمفورت بعد واخليه يجف واكيسه باكياس واحطه في شنطة سفر ،، واللي احسه ما يتخزن اوزعه على الصغار اللي في العايلة ،، واحين انا حامل وفتحت اللي خزنته مال بنتي واشوفهم كلهم كأنهم توهم مغسلين وريحتهم حلوة واستانست عليهم اني اقدر مرة ثانية استخدمهم ،، وبس
مع السلامة

عن نفسي أحتفظت لبنتي بأول كم لبسه عشان الذكرى مثل ماقالت ريحانتي

وأحتفظت بكم لبسه جديده ماانلبست أو بعضهم لبس خفيف وماتغيروا

ولكن جبت ولد بعدها فشكلي بتبرع بهم للفقراء لان حالياً ماخذين حيز وماني مستفيده بهم أوديهم لناس محتاجينهم يكون أفضل

أو اني بعطيهم للي ولدوا بعدي وجابوا بنات عشان يستفيدوا بهم

بس انصحك أحتفظي بالملابس الجديده بطريقه الأخت الدمشقيه ولما تجيبي بيبي ثاني بيكون عندك ملابس له


لكن لما يكون جنس البيبي اللي بعده مختلف (مثلي )

هنا المشكله ماراح تستفيدي بهم فتقدري توزعيهم مو مشكله


ولكن انا من مؤيدي الأحتفاظ بالملابس




والله يحفظ لك طفلتك يارب

انا عن نفسي ملابس ولدي من كم شهر الى الحين الا يصغرون عليها اعطيهم وحده من الاهل تلبسهم اولادها وهاكذا يعني متوارثر لانه مشاء الله مايمديني اخزن اثياب ولدي كل ما يصغر على واحد اعطيه الثاني وانا ما احب اخزن لانه احب ان يكون كل مولود ليه ملابسه الخاصه لانه احب التسوق وااااجد بس في بعض الاغراض اخزنها ومثل ما قالو الاخوات لذكريات.

للرفععععععععععععع

انا عن نفسي بخزن بالنفتالين ...ولما ييجي الصيف او الشتا بطلعهم في الهوا والشمس خلاص بتروح ريحه النفتالين,,,بس ممكن اجرب طريقه التعطير ازاي بالكومفورت يعني اثناء الغسيل زي مابرنامج الغساله ماشي ولا بحطه لوحده معاهم مش فاهمه
بالنسبه للملابس اللي بتصفر دي بتكون اتعانت بدون غسل ومش لازم تكون قزره بس بقعه خفيفه او شويه تراب او عرق خفيف بيصفروا على طول فلازم الهدوم تتغسل قبل ماتتعان
وانا فعلا عنت الهدوم ولما جت بنت ماستفتدش كتير فطلعتهم لله
كلهم وكانوا كميه كبيره وفرحت ,,,بس عينت الملابس المميزه وللي ليها زكرى عندي ,,وخليت حاجات اعينها لولاد ولادي يلبسوها كهديه يارب يفضلوا موجودين لليوم ده وسلام ههههههههههههههههه

انا عن نفسي حطيت مع الملابس البيضا بودره تللك وكثرتها قالولي ما تخليها تصفر وحطيت إلي يجو مع الجزم وإنتو بكرامه كيس صغير في حبوب وماله ريحه ورفعته وإلى إلحين ما أدري إيش صار فيهم إن شاء الله ماتنعدم

أنا حطيت ملابس بنتي بالشنطة وبعد كم شهر لقيت بقع صفره في الملابس البيضة
بس أذا حطيتيهم في أكياس وغلفتيهم وبعدها حطيتيهم بشنطة مابيختربون...