خطيبي بخيل

عزيزتي ..,

فترة الخطوبة

هي فترة تعارف بين الطرفين

تشوفين كل الصفات الإيجابية والسلبية

ومن ثم يتم الزواج بعد ما ترتاحين للشخص ولأطباعه الحسنة

*

إنتي لا زلتي على البر , وما تزوجتي !..

*

وأنا أكره صفة عندي

إن يكون الرجل ( بخيل )

لأنج بتعانين وبيشيب شعر راسج من بخله

ويا ليت بعد إنتي بس!..

إلي بتعانين معاه

أولادج ..,

بيشوفون الضيم والقهر من هالبخل !..

وحرام جداً يعانون من أب بخيل

*

إذا أنكشف لج المستور وبين كل شي من البداية

حمدي ربج بدل المرة آلف مرة

لأن في ناس تتزوج على عماها وما تكتشف الشي إلا في الزواج

وإنتي أكتشفتي أسوء صفاته

*

إنتي مخطوبة وكشفتي كل شي ..,

إذا قابلة تعيشين معاه في هالوضع , أوكي براحتج

بس تقبلينها على أطفال المستقبل ؟!..

فكري بعقلج وسوي موازنة

*

وعرفي إن ( البخل ) صفة شبه وراثية

أو طبع أكتسبه من صغر سنه!..

يعني يستحيل عليج في يوم وليلة تغيري البخل فيه , لأن البخيل ما يتغير أبد

لأن غالياً ما يكون هالطبع فيه من صغر سنه وخلاص .. صار جزء منه

*

وغير مشكلة البخل!..

سيطرة أمه عليه

أوف , أوف

يا كره هالصنف من الرجال

نسميهم في الخليج ( ولد أمه , دجاجة أمه .. إلخ )

وهالنوعية راح تعانين وتتعبين معاه في البداية علما يتغير

والتغيير ما راح يتم إلا من بعد الإنجاب , وأعطيج إحتمال 50% يتغير

بس طبعاً بمحاولاتج المستمرة .. والمستمرة

*

يعني تخيلي كل أسرار بيتج , وحياتج , وسواليفج

كلها توصل لأمه ببساطة

وغير إنها بتحشر نفسها بكل صغيرة وبكل كبيرة

وبتكون معاكم بكل شي .. وما بتترك لج أي خصوصية

*

تقبلين على نفسج تعيشين هالحياة ؟!..

عزيزتي ..,

أنا ما أشجع على الطلاق

بس إنتي توج على البر ( مخطوبة ) والله كشف لج حقائق الأمور

( بخيل , ولد أمه .. إلخ )

شنو تبين أخس من جذي بعد ؟!..

*

أنفصلي عنه وريحي بالج وقلبج

/
\

والله راح يعوضج بإنسان أفضل منه 1000 مرة

وراح يكون أفضل من صفاته

لأن صفات خطيبج صعبة , عسرة , ما تتغير إلا عقب ما إنتي يشيب راسج وتتعبين معاه وتجاهدين جهاد

تسوى عليج ؟!.

مجرد خطيب

غيره يجي بداله .. وايد

ولا تقولين أحبه ( العقل أولاً ) وتركي قلبج على جنب