عبايات البحرين ضروري

اختي محلات العبايات اكثر شي تلاقينهم في سوق المحرق وجدعلي والرفاع

اسعارهم معقولة...

والموديلات بعد اوكي بس اذا ما كنتي تبين فيهم شغل وايد احسن لج انج انتي اللي تصممين النقش او التطريز اللي تبينه او تقدرين تشترين زيج جاهز
لان معظم النقش اللي يعرضونه محلات العبايات يكون اوفر

اختي سوق المحرق متروووووس عبايات اصلا صار سوق العبي بس بركني السيارة ودخلي من محل لين الثاني عندج حناين وعندج شيلاتي بس غالي يعني على 150 ورايح هذا شيلاتي اقصد اما اللي فالسوق يعني 40 و45 وفي على 35 يعني على حسب الشغل والشوارفسكي..

المكشلة لو بصور لج عباياتي اللي سويتهم في سوق محرق يعني مابيكون اجدد شي طبعا الحين بيكونون منزلين ايدد حق العيدعندج بعد عبايات الوله مشاهد استديو المناعي في المحرق عنده موديلات راااااااقة على 80 ...

وموفقة يارب

بما اني اموت على العبي ومن النوع اللي افصل وايد وعندي خبرة باغلب محلات العبي بالبحرين
دوم افتر ابحث عن شي مختلف و قصات يديده
ما احب الحرير كلش ويخلي العباة تصير كانها قديمه
عندج بالرفاع وبالتحديد في البوكواره اسعارهم تتراوح من 80 الى 200
منهم
الوشاح الراقي بالقرب من بويوسف للبشوت
فيفي زون بالقرب من المنتزة
جنى مقابل بودي شوب
بروق
هذولاء في شارع بوكواره

في المحرق شيلاتي والتوب طبعا سيدتي والاسعار طبعا مثل اسعار الرفاع ويمكن اغلى
وفي كريستال بالقرب من جسميز عراد

اما سوق المحرق موديلاتهم اغلبها تتشابه يعني الموديل تلقينه عند كل اللي يفصلون عبي وخامات العبي مو هذاك الزود
واسعارهم رخيصه تبتدي من 28 دينار
وفي محل في السوق حصلته من ايبوع حسيت موديلاته غير
وقصاته تختلف عن باقي المحلات بنفس الشارع ماعرفت اسمه
بس في صفة الحواج اللي بالمحرق
يصير بالضبط يم اللي يبيعون لوز هالايام <<< فضيع الوصف:tongue:
بتلاقينه يبيع شنطات واذا حصلت اسمه بخبرج

وين يصير محل سيدتي ؟؟!!


ناويه هاليومين اروح شيلاتي .. اني بعد ابي عيابه للعيد بس نا احب التطريز و الخرابيط ابي شي ناعم و راقي ..

والله اني بعد بس بفصل في المنامه في المواطنين ، بشوف لي شي ناااعم وبسيط

سيدتي
يصير امجابل حديقة الكازينو
يم بنك البركة الاسلامي
في صفة مشويات النعيم وصالون لولو ايصير في اخر الشارع
اول الشارع الزنبقه واهوه في اخر الشارع

اتمنى قدرت افيدج

انزين شنو موضة العبي هالأيام ؟
قولوا لنا عااااااااد :S

أنا بعد حابة أعرف شنو دارج هالأيام لأني من إسبوعين فريت المحلات هذا هو ما فيه جديد لا قصه ولا غيره

شهد العسولة;9990460:
سيدتي
يصير امجابل حديقة الكازينو
يم بنك البركة الاسلامي
في صفة مشويات النعيم وصالون لولو ايصير في اخر الشارع
اول الشارع الزنبقه واهوه في اخر الشارع

اتمنى قدرت افيدج

توني اجوف ردج .. مشكوره ..

مس رحت شيلاتي و اني طالعه من شيلاتي جفت محل سيدتي . بس مادخلته ..

عجبتني عبايه في شيلاتي ب 150 دينار .. ناعمه و الشغل اللي فيها راقي بس قصه اليد وايد اوفر كانها جلابيه ..


رحت هوازن بجوف الاغراض يمكن يطلع لي فكره .. كان عنده زيج عريض شوي حلوو بس ما اخدته و اني امشي جفت قطعه مثل الزيج بالضبط و مثل الالوان اخدتها اختي بتسويه اللي الكم فوقه شيفون .. و قنعتني اخد قطعه و اسوي لي مثلها دفه .. مع انه وااايد ناس مسوينها و هناك في المحل شقد ياخدون لعبايات ..

الحين افكر ارجع اخد الزيج اسوي لي دفه ثانيه .. لانه عجبني وايد ..

أختي محلات العبايات متروسة في البحرين بس في سوق المحرق عادية وبتشوفين كل مكان اتروحين نفس الموديلات في المحرق رحتي محل لمسة نور وايد موديلاتها حلوة وغريبة وانا افتريت في اكثر من محل كله دفشين ومتكررين ما عجبني الا عندها اذا نازلة البحرين روحي عندهم بيعجبونج

nondnf ممكن توصفي وين يكون المحل بالضبط :)

هلا أختي محل لمسة نور في المحرق قريب من المطار بالضبط عند كفتيريا أسيل يعني اذا انتي يايه من المطار عقب دوار المطار فيه إشارة اتوديج يمين ماكدونلز ويسار بنك البحرين والكويت لفي على البنك وبتشوفين عيادة الدكتور حسن حاجي على يسارج طوفيها وامشي سيده بتشوفين المحل على يمينج ورقم تلفونهم 17323033

مشكوووره اختي ما تقصرين ان شاء الله باجر امرهم :) ويعجبني شي

محلات طراده في سوق واقف حلوة دفيفه والكرستال لي عنده في الظلام يبرق حده عجيب وموديلاته فان’’

عندج محل اسمه لمعه الماسه فى المحرق صراحه عبايتهم حلوه ومش متكراره بس اشوى غاليه انا من السعوديه ولا اعرف اوصف عدل هذا رقمهم 17323959

نبي نشوف الموديلات الدارجة هالايام..
شنو عندكم الحين؟؟

:)