بنات البحرين .. سؤال !!!

ان شاء الله البنات يفيدونج انا ما عندي اي فكره عن المستشفيات الي قلتيهم بس قلت ما يصير ادخل وما ارد عليج

الله يسهل عليج حبوبة وتقومين بالسلامة ان شاء الله

تسلمين حبوبة اتابع في مستشفى العسكري الخاص

وان شاء الله اولد عندهم

هلا اختي عندج الامريكي حق متابعه واايد زين صج المكان صغيرر بس الدكاتره خبره وقديمين انصحج فيه

اما بالنسبه حق الولاده
عندج الهلال في محرق سامعه انه مكانهم وايد زين ومريح

الصراحه احسن دكتورة شفتها الدكتورة باسمه ابو الفتح وعيادتها في مجمع الريم بالرفاع
انسانه راقيه بمعنى الكلمه
وترتاحين لها
وكل شغلها مضبوووط
وتحسين تاخذين وقتج عندها وزياده مو بسرعه بسرعه علشان تدخل اللي بعدج
لان زياراتها كله بالمواعيد وتخلي نص ساعه لكل وحده
يعني مب لوووووووويه وعيادتها راقيه بعد
بس اسعارها شوي مرتفعه
بس انا اشوفها تستاهل العنوة ومب حسافه الفلوس اللي تدفعينها لانها فعلا تريحج
..
وعن الولادة دايما الناس ينصحون يا السلمانيه يا العسكري
لان كل المستشفيات الثانيه مافي نيرسري للبيبي ولا بنك للدم لو احتجتي لا قدر الله
واللي فالتخصصي اغلبهم يسوون لهم قيصريه مادري هل لان مافيهم صبر والا لان العمليه القيصريه ياخذون عليها دبل العمليه العاديه غير ان الام بتحتاج تقعد على الاقل اسبوع فهم يستفيدون
..
انا نصيحتي اقولج حطي على نفسج ومب لازم مكان كشخه علشان البيبي السلمانيه والعسكري خبره واحسن فهالسوالف
انا من سمعت الناس تذم في المستشفيات الخاصه وانا غضيت النظر خصوصا للبكريه اللي ماقط جربت الولاده وماتدري اش بيدور عليها
زهذي نصيحه الدكتورة
واشوف العسكري بعد احسن من السلمانيه
واذا بتولدين على حسابج اكيد لج معامله خاصه منهم
..

انا كنت اراجع دكتوره منى الشرقي بصراااحة شاطره وحبوبة في التعامل
وعن المستشفيات عندج التخصصي او ابن النفيس

عزيزتي الله يسهل لج ولادتج

ان شاء الله البنات افادوج بس رايي من راي العين مليانة..

هلا حبيبتي ,,,
عني اني في بداية حملي تابعت مع الامريكي وكانت الدكتورة كلش زينة ومثل ماقالوا الاخوات انهم خبرة بس ماارتحت للمكان كلش قديم ومايسوى!
عقب احترنا وين نختار وقررنا ع الدولي بصراحة واجد ارتحت فيه والدكتورة ( سنجواني )كانت جدا ممتازة ومعاملة النرسات كلش حلوة وترتاحين .. واهم شي انهم يهتمون في البيبي عدل حتى اني لما اتصل ليهم ابي بنتي كانوا مايرضون لان في ناس في الغرفة ..

وفي النهاية الله يسهل عليش ان شاء الله وتولدين بالسلامة وتقر عينش بشوفة البيبي

دكتورة كيران كانت في التخصصي وراحت ابن النفيس اذا كنتي تقصدينها

الله يسهل عليج ان شاء الله

انا الله يسلمج ولدت من حوالي شهر و نص و بقول لج عن تجربتي وانتي جوفي الله يعجبج

يوم كنت حامل درت على المستشفيات الخاصة اجوف الغرف و اسأل عن الدكاترة

حصرت اختياراتي في نور التخصصي و ابن النفيس و البحرين التخصصي

رحت ابن النفيس ما عجبني المكان مع ان سمعة الدكاترة وايد زينة

و رحت التخصصي والغرف حلوة بس دايما نسمع انهم يولدون قيصير و يستعجلون على الوحدة!

كنت اتابع عند منى الشرقي بس خبرتني انها ما تولد الا قيصرية في نور التخصصي واذا طبيعي يولدونج د.عفاف او د. عبير

بس كل مرة امر على المستشفى ابي اجوف الغرف الفي آي بي يكونون مشغولين و اهم 3 غرف في آي بي بس!

و الى ان دشيت التاسع وانان مقررة اولد هناك بس على آخر شي بديت اوسوس وقلت الحين كل مرة اروح ما اقدر اجوفهم شنو يضمنني ان بيكونون فري وقت الولادة؟!

و مريت على التخصصي وقلت لهم ترى انا في شهري والحين اتابع عند دكتورة غير دكاترتكم واذا ابي اولد هني شاسوي

قالوا لي عادي تيين وقت الولادة و معاج كل اوراقج (اوراق المتابعة والالتراساوند )و تدشين عادي

وهاذي اللي صار رحت لهم ودخلوني على طول و الحمدلله ولدت طبيعي

السلمانية ما اختلفنا انهم خبرة لكن اذا انتي مافيج شي يحتاج متابعة خاصة يعني مافيج سكر أو ضغط والبيبي تمام ما انصحج تروحين يعني بقعدين تولدين و تطلقين او بتقعدين تحاتين اذا بتحصلين غرفة!

صديقتي مسكينة تمت يوم كامل 24 ساعة بعد ولادتها ما عندها غرفة ومحد يقدر يزورها و آخر شي حصلت غرفة صغييرة و طلعوها ثاني يوم

و الله يسهل عليج

انا اتابع في العسكري ومرتاحه 100% الحمدلله
والدكتورة اللي اراجع عندها طمني وتشرح لي كل شي واااايد حبوبة

انا في حملي تابعت في المستشفى الامريكي و ارتحت لهم وااااااااايد
وحتى لو المكان قديم لكن معاملتهم ممتازة

هلااااااا والله حبيبتي شلونج.. انا ترا بعد نفس حالتج بالظبط محتاره حدي

انا الحين اتابع عند سنجواني اللي في الدولي وهي اللي ولدت امي ووايد مرتاحه منها بس مشكلتهم من هالشهر غلوا اسعارهم 60% يعني الولاده توصل 2000 دينار واحس تو مج صار الموضوع نهبة

قلت بغير لكن كيران مثل ما قلتي في ابن النفيس وكأيب وماعرف شلون احس المستشفى مو مال ولاده


التخصصي فرح محد يمدحها يقولون دفشه وربعي راحولها وغيروا فوق انه يقولون دايما تولد قيصري

العسكري شايلته من الحسبه لاني ما اظمن انه الميد وايف مالينهم حلوين حتى لو الدكتوره شاطره لكن انتي في يد الميد وايف اغلب الوقت..

كان الخيار عندي بين الامريكي ومستشفى عوالي.. الامريكي في المنامه ومدخله مادري شلون وغرفه اكره مع انه بانو اللي عندهم وايد وايد زينه..
الحين اعتقد بروح عوالي عطوني باكج اب 1200 دينار للطبيعي و 1500 دينار للقيصريه بس الميد وايف مالينهم يهبلون لانهم بريطانيات اغلبهم ودكتورتهم آنا بعد زينه لكن مشكلتهم ما ياخذون الا عدد معين

السلمانيه بليز لا تروحين لانهم يلعبون في حسبة الوحده والميد وايف مالينهم ابد ما عندهم احساس ولا قلب كل وحده يات ودخلت يدها ولا كله ما عندهم مكان وروحوا ولدوا في جدحفصَ!!

ادري خليتج تحتارين اكثر بس شسوي قلت ما بطلع بدون ما ارد

هلا اختي بصراحة توني والده في الآمريكي ما عليييييهم قصوووور من دكاتره وممرضات هو صدق المكان قديم بس ما حسيت انه قديم يوم شفت العنايه عندهم ومن تطقين الجرس تشوفينهم يتراكضون مو مثل الباقي الوحده لو ما تطلع لهم ما يجون ويهتمون بالبيبي ياخذونه عنج لو ما تطلبينه ما يجيبونه والله يسهل عليش

خلااااص بحرينية توكلي على الله وتابعي في الامريكي كل دكاترتهم الصراحه يمدحووونهم وخبره انا كانت وايد متشجعه لهم حتى مرت حماي بتولد اهناك ان شاء الله..
ومثل ما قلتي اخذي الغرفه الكبيره المشكله انا ولا مره رحته بس اذا احد من هلج شافاها روحي على الاقل صدقيني احسن من التخصصي..
وتوووووووولدين بالسلامه ان شاء الله

بحرينية_حلوة;9960754:

مرحبا بنات و مو بنات :tongue:

شخباركم .. ان شاء الله كل اموركم تمام

المهم بادش في الموضوع على طول .. حبيت آخذ من خبراتكم عن مستشفيات و دكاترة البحرين لمتابعة الحمل ..

يعني ان شاءالله اذا الله كتب ودي آروح التخصصي بس وحدة من قرايبيني ما نصحتني فيه .. تقول ان ما عندهم دكاترة زينين .. انا كنت اعرف وحده هناك زينة بس طلعت من التخصصي الحين .. تعرفون من الدكاترة اللي هناك .. ؟!!! هل في أحد زين او لا

ابن النفيس .. الدكتورتين اللي هناك زينين .. بس المستشفى كئييييييييييب من أدشه ينقبض قلبي ..

نور التخصصي .. شلون .. ؟!!! في أحد عنده خبره او معلومات عنه ؟!!!

الأمريكي .. غرفهم كلش مو حلوة =S

الدولي شلون ؟!!! من زمااان ما رحته

بليز اللي ولدت في اي مستشفى تقول لي عنه و تعطيني من خبراتها ..

الله يجازيكم كل خير ان شاء الله

انتي كانك تتكلمين عن تجربتي بالضبط:)

التخصصي من طلعت عنهم كيران خلاص ما يسوون شي لان فرح اغلب ولاداتها كله قيصري ماتصبر على الوحده على فكره انا بولدي ولدت هناك و المكان حده عجيب حتى غرفه الولاده على البحر ولا كانك بغرفه ولاده و حسافه كيران طلعت من عندهم ولا كان بيكون كلشي تمام المكان و الدكتوره

ابن النفيس مثل ماقلتي يجيب الضيقه و كتمه بس لان كيران عندهم ان شاء الله بروح لها هناك دكتوره فاهمه و واعيه بكل ما للكلمة من معنى ماتستعيل عالوحده ابدا دام امورها و امور البيبي اوكي كلش كنت مرتاحه حتى خوف ولاده ماحسيت فيه

اختي ولادتها الاولى كانت عند فرح و ولدتها قيصريه و قالت لزوجها: زوجتك خلاص مستحيل تولد طبيعي مره ثانيه و كله عندها سيناريو واحد مايتغير لو تسألين اي وحده ولدتها فرح قيصري بتلقين نفس السبب " الجنين نبضاته ضعفت و الحبل السري ملتف على رقبه الياهل " طبعا انتي يا الوحد اذا قالو لك هالحجي حزتها اكيد بترضين بالعمليه رغم ان طبيعي نبض الجنين خلال الطلق يطلع و ينزل

المره الثانيه عند كيران و تمت يومين معاها مااستعجلت عليها دام الامور تشوفها زينه و الحمدلله ولدت طبيعي حتى زوجها يقول لو اشوفها هالفرح جان اقولها اللي قلتي عنها مابتولد طبيعي مره ثانيه هذا هي ولدت طبيعي

الدولي بكلمة وحده .. مستشفى تجاري يعني لو يشوفون الوحده ميته قدامهم ما يدخلونها قبل ما يشوفون الكاش قدامهم أو البطاقه

الامريكي مثل ماقلتي ماحب غرفهم قديمه و تضيق الخلق

باقي المستشفيات ما سألت عنها لان انا كنت ادور كيران وين راحت :)