!!دخيييلكن ساعدووني!!

حبيبتي كل الريايل جذي اول الزواج خبرج هم من قبل يكلمون فاللي في بالهم ان مافي شي يربطهم خصوصا انكم توكم متزوجين حاولي تشغلينه معاج اغلب الوقت وخلي عنج التفتيش لانه لو هو يسوي غلط كان ماخلى تلفونه باي مكان او من غير قفل،، ودام حلف صدقيني يمكن يبي يتغير ويفضى لج لا تضغطين عليه ودخلين هله وهالسوالف توكم في بدايه حياتكم دخلتي هله اجل لي صار شي كبير الله لا يقول شبتسوين خلي المشاكل الصغيره بينكم وحاولي تحلينها بحكمه وصبر والله يخليكم لبعض ان شاء الله:)

وطمنينا عليج

كاني شفت موضوع مثل كذاا وفي موقع مملكة بلقيس ابحثي عنه بقوقل وتلاقينه هوة للاسرة والتاهيل والاستشارات يارب يفيدك وادعيلي

الغاليه نصيحه مني لا تفتشين في تلفون ريلج وريحي نفسج بيي يوم وبيمل بروحه

لاتخربين بيتج بايدج لانج جالسه تخربينه وتمللينه منج
راقبيه من بعيد لبعيد بدون مايحس وحاولي الموضوع مايطلع لااهلج او اهله ماراح يفيد بشي الا اذا كان هذا اخر حل
الله يخليكم لبعض ويبعد عنكم المشاكل

بصى ياحبيبتى بالنسبة لموضوع العلاقة الجديدة اعتقد إنه حسب كلام زوجك اللى ينفع المرة دى إنك تأخدى رقم تليفونها وتحاولى تبحثى عنها وتروحى تهدديها إنها لو ما بعدتش عن زوجك هتفضحيها فى مكان عملها أو عند اهلها وزوجك لو فعلا مقيم معها علاقة عمره ما هيقدر يعاتبك بالعكس ممكن يزيد حبه لكى لأنه حس بحبك له وكمان عرف إنك قوية ومش سهل تتهاونى مع اى واحدة عايزة تخطفه منكى ..ولو هو فعلا صادق وإنها هى اللى بتطارده يبقى إنتى ربتيها وتحترم نفسها وتبعد خالص عنه.
وبالنسبة لموضوع الشيخ سأراسلك على الخاص

مشكوووورين على ردودكم و تعاونكم معاي ..انا بصراحه مابغي اخرب بيتي..لكن الله يهديه يسوي الأشيا اللي تخليني اتنرفز.. و اغيظ..و اكره شي انه يجذب علي..صعب ان الوحده تعيش مع واحد و هو شوي شوي يطيح من عينها بتصرفاته..و انا مابغي اوصل لهالمرحله..انا ما صدقت اني رديت اثق فيه من اول يديد لكن ما اعرف ليش يسوي جذيه..ادري المفروض ما افتح تلفونه و هذي خصوصياته لكن يوم تشوفين شي غلط ما تحسين بقهر؟! و مليووون شي يدور في بالج..ليش و كيف و على اي اساس و انتي في شو مقصره؟؟ من جي مستغربه من اللي يسويه و يقولي العكس..

..ادعولنا بالهدايه و ان مشاكلنا تنحل انشاالله..

حبيبتي الغاليه
لا تزعلي نفسك كثير ترى الزعل ما بيتعب احد غيرك انتي جالسه تحرقي بدمك وهو مرتاح ومستانس
هاذي اول نقطه وثاني نقطه احب اقولها لك ان اغلب المتزوجات جديد يعانون نفس مشكلتك وهي بقايا
خيانه وصياعة الماضي بس احب ابشرك بشرى ساره يمكن ماجات في عقلك من قبل
رغم انه يكلم واكيد قبل لا يتزوجك كلم ونكر ليه تزوجك انتي وما تزوج ولا وحده من الي كلمهم؟؟؟
اكيد لانك شريفه وعفيفه وبنت اصول والانسب ان تكوني ام عياله.
فكري هو شكثر دفع تكاليف زواج لك وقرر ان تكوني المراه الي يسكن معها وتكون ام اولاده.
يعني بالعربي انتي الاصل والاساس ولو كنتي قويه بيكون اساس حياتكم قوي ومتين
وما بيهزه هالخرابيط.
اول شئ لازم تتغيري شوي بيني له انك متمسكه فيه اكثر وغرقيه حب ودلع وحنان
اشغلي وقته كل لك وفيك من غير ما يحس علشان ينشغل عن هالخرابيط
الجوال انسيه نهائي جعله يحترق ياربي لا تفتشي فيه نهائي علشان لا تحرقي قلبك
اعتبري ولا كأن شئ صار واشغليه بكل حاجه حلوه معك ومتعيه بحياتكم الحلوه بحيث
ان مايكون عنده وقت لغيرك وحتى هو بيتغير وبيشوف ان اى بنت غيرك ما تسوى ظفرك.
اوهميه انك معطيته كل ثقة العالم علشان يحترم هالثقه ومايخونها.
دائما قولي له مالي غيرك وانت مالك غيري وانا متأكده ان ما بيجي يوم وتخذلني.
اعطيه الثقه علشان يصونها ويعمل لك ولزعلك منه الف حساب ويخجل منك.
حبيبتي الامور هاذي يبيلها صبر وحكمه وهدوء وتفكير نقي.
والله يسهل امورك ويسخر زوجك لك ويبعد عنكم اولاد الحرام.
تحياتي