قرحه عنق الرحم ... بليز بنات

بنات انا صارلي سنه ونص ما حملت رحت حق دكتورة صج ريحيتني بالاول قالتلي اني انا وزوجي سليمين 100% والحمدلله هذا الصج كل شي سويناه سويت فحوصات انا وزوجي وكل شي اوكي و ما نفع عطتني كلوميد وابرة تفجيريه قبل شهرين وهم ما الله كتب المهم ما ادري قلبي قرصني ورحت بروحي حق دكتور وصدمني قالي انتي عندج قرحه في عنق الرحم وانا اشوف انه هذا اول سبب يمنع الحمل .. معقوله يا بنات قالي ممكن تحملين ولكن بنسبة قليلة اذا كانت عندج القرحه.. سويت كي بارد وقالي لازم اسبوعين ماكو جماع ماشي انا في الاسبوع الثاني بنات انا اللي اعرفه انه تنزل افرازات بس انزين اذا قلتلكم انه ينزل معاي دم بس مو وايد شوي مرات احمر واغلبه بني عادي ي بنات ؟؟؟ طبعا انا سمعت من الناس انه لازم 3 اسابيع ماكو جماع بس الدكتور قالي اسبوعين كافي.. يعني عادي الجماع الاسبوع الياي والا يضر ؟؟ لان راح يصير لي 3 اسابيع .. مع العلم ي بنات اني استخدمت كل شي حتى المرا اللي تدهن رحت لها وما كو فايدة

سوري طولت عليكم بس ابي اعرف جم شغله ::

* معقولة يكون سبب تأخر حملي القرحه ؟؟ ...... لان صج بخاطري احمل :(

* جم المده الافضل اني اقعد بدون جماع ؟؟ ..

* ليش الدكتورة ما شافت القرحه من زمان واشمعنه اهوا قالي في قرحه وواضحه ؟؟ هل سببها قله خبرة والا شي ثاني ؟؟