اعراس مميزة و غريبة

الله يهنيهم يا رب ويوفقهم

الله يهنيهم انا كل الاعراس اللي رحتها كلها تقليديه مافي شي كان غريب يمكن تكون مميزه في الستايلبس شي يميزه عن غيره مممممم لا
تقبلي مروري

السلام عليكم ورحمة الله ..

أنا راح اذكر لكم تفاصيل حفلة حضرتها بس ماكنت حفلة زواج .. البنت تزوجت بدون ماتسوي حفله وبعدين سوت حفله كبيره ..

كانت في أحد الفنادق الفخمه في الرياض ...

القاعه كانت اضائتها خافته ومن زوايا القاعه موجود (( أنوار - لمبات)) على شكل كبسات بس مو قويه خافته وكل دقيقتين ينغير لون الأضاءه يتغير من الوردي إلى الاخضر إلى البنفسجي إلى الأحمر

كام الجو رااااااااااااااااااايق جدااااااااااااا جدااااااااااااااااااااااا مافي زحمة انوار واضاءات تتعب العين ...


بعد ماجلست بدأت التقديمات طبعا اشكال غريبه وتشيز كيك وايسكريمات رهيبه جدا ..

بعدها طلعت العروس على زفة نيسان كنا في شهر نيسان ... وكانت لابسه فستان زواجها ..

وهي تمشي بالزفه تتوقف لمده دقيقه ينزل عليها حلقة من الورود مثبته من الاعلى لخيوط لما توقف تنزل عليها وتوصل لحد خصرها تقريباً ثم ترتفع وتكمل مسيرتها ...


بعد ماخلصتص الزفه دخلت العروس بدلت الفستان الابيض بفستان أنيق وطلعت بزفه اخرى لكن أسرع من الاولى وبدأت بالترحيب بالحضور والسلام عليهم ...


كانت حفله منظمه جداجدا وجميله ...


ماشاء الله تبارك الله ...


الله يهنيهم ...


وشكرااا

امم روعة بصراحة..!
انه كل الاعراس الي حضرتها كلها تقليدية واعتيادية مثل الي تعودنا وسمعنا عنها .. ما فيها شي من الغرابة خخخ ..

مشاءالله حلوه الافكار ^_^
الي حظرتهم اغلبها تقليدي تقريبا
بس حلوه فكرت تنزف ثنتين ^_^ مثلا اخوات او ملكه وزوج كذا
حركه حلوه
ودائما المميز بالي يدورون فيه او كلمات الزفه
واحس اكثر شي يكون فيه تميز الاسلامي
حظرت عرسين اسلامي مشاءالله حلويييين في حركات

مشكورين حبيباتي على مروركم الحلو

وانا ان شاء الله اذا جفت عرس غريب بقول لكم عنه :)

أنه الصراحه مارحت عرس غريب :)

اذا رحت أكيد باقولكم

مشكوره حبوبه

الله يهنى

انا من البحرين رحت عرس ولد خالي في الكويت العروس دخلت القاعه واهيا راكبه على حصان هههه لانها تحب الفروسيه حيل

ما حضرت عرس غريب للاسف
مشكورة يا قلبي على الموضوع

العروسة ميس;9947913:
هاي بنوتات شخباركم :D

ابي كل وحده تكتب لنا تقرير عن عرس راحته مميز وغريب او حتى اذا بتتخيلون بتبتكرون عرس مميز عادي :tongue:

انا ببتدي

عن عرس وحده من رفيجاتي في مرمريز

خل اقول لكم شلون كانت دخلتها دخلت اول مرة <<< ليش هو في مرة ثانية؟؟ :ss:

اي دخلت مرتين المرة الاولى دشت بروحها اول شي دشوا معاها الوصيفات بنتين تقريبا عمرهم 18 جذي
دخلوا اول شي البنات كم خطوة لجدام وبعدين وقفوا والتفتوا على العروس وبعدها دخلت العروس على موسيقى كلاسيك وبعدين طوفتهم وبعدها هم مشوا ورى العروس بخطوات مرتبة لغايه ماوصلت العروس الكوشة صعدت وصعدوا معاها وحده على يمينها ووحده على يسارها صورو مع العروس وبعدين راحو وسط المسرح ورقصوا رقصه للعروس
بعدين قعدت العروس مع المعازيم وصورو معاها
بعد ساعه وربع تقريبا اعلنوا ان بجي المعرس
قبل لا اجي المعرس نزلت العروس رقصت مع خواتها ورفيجاتها وسلمت على المعازيم وطلعت بدون محد يحس لها
قعدت تنتظر المعرس في حجره العروس الخاصه
وفي الصله قالوا للناس تغطوا والكل كان مستغرب شلون يدخل والعروس مو موجودة؟؟
المهم دخل المعرس وقعد على الكوشة وصورو معاه اهله وام العروس وبعد شوي قالوا بتدخل العروس
وشغلوا اغنية مصرية ردحه ماعرف شسمها
المهم
حطو الاغنية والمعرس يطالعها وقعدت ترقص له على طول الممر لي ماوصلت الكوشة دخلتها كانت حدها روعه لان رفيجتي تعرف ترقص المعرس انخبل عليها :D كانت مفاجاة ماتوقع انها بترقص له ولما وصلت الكوشة قام المعرس ونزل من الكوشه وخذ يدها وحملها وقام يفتر فيها بعدين قعدوا على الكرسي حده وناسة :cool: بعدين صورو مع بعض وقصوا الكيكة

وبعدين رقصوا مع بعض على اغنية هادئة
قعدوا الناس لي 4 الفجر

نسيت اقول لكم عن البوفيه
البوفيه فتحوا الساعه 10 ونص ودخل المعرس على الساعه11
البوفيه كان مفتوح كل مايخلص يحطون غيره

ان شاء الله يعجبكم موضوعي وابي تفاعل بنوتات ولا ترى بزعل :sm2441:

كل اللي قلتينه عن الحفلة حلو ما عدا لما رقصت على اغنية ردحة يعني بصراحة ووووووووويع

يعني عروس بليلة عرسها تسوي جذي ليش مو حلوة الحركة كلش

حلات العروس تكون ناعمة

مو تقعد تترقص وتناطط

بعدين شلون رقصت على اغنية ردحة فستانها يساعد يعني

om fager;9948474:
السلام عليكم ورحمة الله ..
أنا راح اذكر لكم تفاصيل حفلة حضرتها بس ماكنت حفلة زواج .. البنت تزوجت بدون ماتسوي حفله وبعدين سوت حفله كبيره ..
كانت في أحد الفنادق الفخمه في الرياض ...
القاعه كانت اضائتها خافته ومن زوايا القاعه موجود (( أنوار - لمبات)) على شكل كبسات بس مو قويه خافته وكل دقيقتين ينغير لون الأضاءه يتغير من الوردي إلى الاخضر إلى البنفسجي إلى الأحمر
كام الجو رااااااااااااااااااايق جدااااااااااااا جدااااااااااااااااااااااا مافي زحمة انوار واضاءات تتعب العين ...
بعد ماجلست بدأت التقديمات طبعا اشكال غريبه وتشيز كيك وايسكريمات رهيبه جدا ..
بعدها طلعت العروس على زفة نيسان كنا في شهر نيسان ... وكانت لابسه فستان زواجها ..
وهي تمشي بالزفه تتوقف لمده دقيقه ينزل عليها حلقة من الورود مثبته من الاعلى لخيوط لما توقف تنزل عليها وتوصل لحد خصرها تقريباً ثم ترتفع وتكمل مسيرتها ...
بعد ماخلصتص الزفه دخلت العروس بدلت الفستان الابيض بفستان أنيق وطلعت بزفه اخرى لكن أسرع من الاولى وبدأت بالترحيب بالحضور والسلام عليهم ...
كانت حفله منظمه جداجدا وجميله ...
ماشاء الله تبارك الله ...
الله يهنيهم ...
وشكرااا

واااااااااااو احسه فن :D اتخيل العرس احسه كلش كشخه

تسلمين حبوبة على مرورج الحلو

انسه اناناس;9955112:
انا من البحرين رحت عرس ولد خالي في الكويت العروس دخلت القاعه واهيا راكبه على حصان هههه لانها تحب الفروسيه حيل

وييييييي ههههههههههههههه يبي لي اسوي نفسها احب الاشياء الغريبه اونة :cool:

تسلمين حبوبة على مرورج الحلو

عذاب;9955237:
كل اللي قلتينه عن الحفلة حلو ما عدا لما رقصت على اغنية ردحة يعني بصراحة ووووووووويع
يعني عروس بليلة عرسها تسوي جذي ليش مو حلوة الحركة كلش
حلات العروس تكون ناعمة
مو تقعد تترقص وتناطط
بعدين شلون رقصت على اغنية ردحة فستانها يساعد يعني

اممممم فستانها كان منفوش انا بروحي مستغربه شلون اعرفت ترقص فيه :ss:
ماعرف اشرح شلون رقصت بس اهيه رقصها حلو
وخلت كل اللي في الصالة يطالعونها جذي :rolleyes: ههههههههههههه
وريلها يطالعها جذي :eek: لوووووووووووووووول

وتسلمين حبوبة على مرورج الحلو

كل الاعراس عاديه

بس مره رحت عرس دخلت العرروس مع ابوها والمعرس مع ابوه كل واحد عند بوابه مقابلين بعض كانوا لين وصلوا الى نقطه تجمعهم بدايه الممر الى يمشون فيه المعاريس يوصلهم للكوشه وابو العروس سلم المعرس يد العروس وبعدين ابتدت الزفه

بحرينيه وكلي فخر;9958270:
كل الاعراس عاديه

بس مره رحت عرس دخلت العرروس مع ابوها والمعرس مع ابوه كل واحد عند بوابه مقابلين بعض كانوا لين وصلوا الى نقطه تجمعهم بدايه الممر الى يمشون فيه المعاريس يوصلهم للكوشه وابو العروس سلم المعرس يد العروس وبعدين ابتدت الزفه

:wavetowel2: حلوة الحركة
حتى الانجلينز يسوون جذي :D

تسلمين حبيبتي على مرورج الحلو

كل الاعراس اللي نروح لها تقليديه ما فيها شي جديد

ومشكوره على الموضوع الحلو

اممم تذكرت رفيجتي على ايام المدرسة

قالت لي عن عرس اختها قالت لي ان اول شي دخلو العروس والمعرس زفوهم

لي ماوصلوا الكوشة

الدبل كانوا محطوطين في بوكس في قفص ذهي داخله حمامتين بيض وملفوف على ريل كل حمامة رسالة

خذوا البوكس ولبسوا بعض الدبل

الرساله كان كل واحد منهم كاتب للثاني قروها بينهم وبين نفسهم ههههههههه

وبعدين طيروا الحمام في الصالة

وقاموا يرقصون على اغنية هادئة


وحبيت اشكر كل وحده مرت على موضوعي وردت علي :)

وانا كتبت في الموضوع حتى اذا مارحتوا اعراس

ألفوا ابتكروا من عندكم :)

الله يهنيهم

عروسنا كلها عاديه

بس عرس بنت عمتي كان حلو وتنظيمنا بروحنا احنا لثنتين كان العرس من سنتين في المؤتمرات

بما انها وحيده اهلها وانا وحيده اهلي فأحنا مثل الخوات فكنا ندور ع حركة غريبه خصوصا ان احنا نحب كل شي غريب

فكانت دخلتها حلوه ع اغنيه كانت مخصوصة لها وبأسمها وبمواصفاتها غناء راشد الماجد مسجله مسبقا

المهم دخلت اهيه وانا وراها وفستاني الي لبسته وقت دخلتها كان مكمل لفستانها مابتفهمون قصدي ادري.. المهم

قعدت ع الكوشة والكل يطالعها وانا في يدي موبايل وكانو موصلين مايك من الكوشه ..

المهم العروس كل شوي تطالع الساعة وتأشر علي >> واوردي احنا مسوين تمثيليه والف وستميه مره تدربنا عليها واشوه الي عرست وافتكيت منها هههههههههه

المهم واشرت علي وانا في نص الممر واقفة ويرن التلفون وتظلم القاعة وتصير اضاءه علي بروحي اطالع الفون واطالعها وانا يازعم خايفه واشل فستاني واركض لها ارد انا يازعم واقول الو .. واطالع الحضور واتلفت يازعم ضايع لي شي .. واعطي العروس (بنت عمتي الفون) وترد تقول الو وانا حاطة يدي ع حلجي يازعم سمع خبر مب زين ..

وابتعد عنها شوي الا اهيه تقول شنوووووووووووو بقوه وتفز من مكانها

تقوله شنو يعني مب ياي واهيه منصدمه ويطيح الفون من يدها ..

وكان في موسيقى نفس الموقف كانت نفس موسيقى الفلم الي احنا اقتبسنا منه الحركة ذي..

وجان تقعد ع كرسيها وتنزل راسها وتظلم القاعة معلنه انتهاء المشهد


دقيقة كامله تمر وكنا نسمع الناس تقول لاحول ولا قوه الابالله واشياء والناس تتحجى

يولع ليت عليها بروحها واهيه تقوم من مكانها وتركض صوب المدخل وانا واقفه مكاني واصرخ عليها ساره ساره .. عشان المايك ماقدر اقوم هههههه

تفتح اهيه الباب الا اهوه يكون واقف بروحة ويمشي خطوتين والشاشات تنقل الحدث من برع المدخل الرئيسي ويلمون بعض ويدخلون بزفة خاصه لهم ..

وانتهى العرس الدراماتيكي

احلى شي كان حجي الناس مايصدقون ع الله يتحجون هالاوادم الا هدها الا مايبيها الا مادري شنو هههه

بس حلوه كانت الفكرة والكل مدح فيها وعجبته..


شكلي انا لازم افكر في فكره احسن من فكرتها

بس سالفة الي رقصت نو واي العن ابو الجرأه شتسوي فالناس هههههههه


الف مبروك لكل العرايس

وتسلمين اختي ع الموضوع الحلو


ذكرتيني بما مضى

ما عجبتني الزفة ترقص جدام الكل الى ريلها عن الاقل تنطر لي راحت وياه الشقة .... جراءة هالحركة

انسه اناناس;9955112:
انا من البحرين رحت عرس ولد خالي في الكويت العروس دخلت القاعه واهيا راكبه على حصان هههه لانها تحب الفروسيه حيل

هههه مرة وحدة في التجمع تقول وحدة اجنبية دخلت بحطان جان تطيح من على الطوشة بالحصان .... بس صعبة احس الحركة وناس تخاف من الخيول بصرخ وبتعفس الزفة والفرس يمكن من الناس والاصوات يتخرع

princess_87;9985477:
عروسنا كلها عاديه

بس عرس بنت عمتي كان حلو وتنظيمنا بروحنا احنا لثنتين كان العرس من سنتين في المؤتمرات

بما انها وحيده اهلها وانا وحيده اهلي فأحنا مثل الخوات فكنا ندور ع حركة غريبه خصوصا ان احنا نحب كل شي غريب

فكانت دخلتها حلوه ع اغنيه كانت مخصوصة لها وبأسمها وبمواصفاتها غناء راشد الماجد مسجله مسبقا

المهم دخلت اهيه وانا وراها وفستاني الي لبسته وقت دخلتها كان مكمل لفستانها مابتفهمون قصدي ادري.. المهم

قعدت ع الكوشة والكل يطالعها وانا في يدي موبايل وكانو موصلين مايك من الكوشه ..

المهم العروس كل شوي تطالع الساعة وتأشر علي >> واوردي احنا مسوين تمثيليه والف وستميه مره تدربنا عليها واشوه الي عرست وافتكيت منها هههههههههه

المهم واشرت علي وانا في نص الممر واقفة ويرن التلفون وتظلم القاعة وتصير اضاءه علي بروحي اطالع الفون واطالعها وانا يازعم خايفه واشل فستاني واركض لها ارد انا يازعم واقول الو .. واطالع الحضور واتلفت يازعم ضايع لي شي .. واعطي العروس (بنت عمتي الفون) وترد تقول الو وانا حاطة يدي ع حلجي يازعم سمع خبر مب زين ..

وابتعد عنها شوي الا اهيه تقول شنوووووووووووو بقوه وتفز من مكانها

تقوله شنو يعني مب ياي واهيه منصدمه ويطيح الفون من يدها ..

وكان في موسيقى نفس الموقف كانت نفس موسيقى الفلم الي احنا اقتبسنا منه الحركة ذي..

وجان تقعد ع كرسيها وتنزل راسها وتظلم القاعة معلنه انتهاء المشهد


دقيقة كامله تمر وكنا نسمع الناس تقول لاحول ولا قوه الابالله واشياء والناس تتحجى

يولع ليت عليها بروحها واهيه تقوم من مكانها وتركض صوب المدخل وانا واقفه مكاني واصرخ عليها ساره ساره .. عشان المايك ماقدر اقوم هههههه

تفتح اهيه الباب الا اهوه يكون واقف بروحة ويمشي خطوتين والشاشات تنقل الحدث من برع المدخل الرئيسي ويلمون بعض ويدخلون بزفة خاصه لهم ..

وانتهى العرس الدراماتيكي

احلى شي كان حجي الناس مايصدقون ع الله يتحجون هالاوادم الا هدها الا مايبيها الا مادري شنو هههه

بس حلوه كانت الفكرة والكل مدح فيها وعجبته..


شكلي انا لازم افكر في فكره احسن من فكرتها

بس سالفة الي رقصت نو واي العن ابو الجرأه شتسوي فالناس هههههههه


الف مبروك لكل العرايس

وتسلمين اختي ع الموضوع الحلو


ذكرتيني بما مضى

حلوة الحركة عيبتني