بالله عليكم تساعدونى ولو بالدعاء

ربنا يفرج همك يااااااااااااارب
ادعي ربنا جامد وانتي واثقة من الاجابه
وان شاء الله يفرج همك ويريح قلبك

kitty_kity;9947386:
ربنا يفرج همك يااااااااااااارب
ادعي ربنا جامد وانتي واثقة من الاجابه
وان شاء الله يفرج همك ويريح قلبك

والله انا مش بسيب فرض الا لما بدعى فيه ودايما لما بقرا قران بدعى بس انا اكتر سبب مخوفنى هو امى خايفة عليها قوى ونفسى بابا يراعى الله فيها ولو مرة ويرحمها عشان ربنا بيرحم لازم هو كمان يرحم
وربنا يكرمك لردك وتخفيفك عليا

بصي يا حبيبتي استهدي بالله و ربنا يعينك و ماتفتكريش انك لوحدك ابدا كلنا أخواتك وعلى فكرة انا ظروفي متشابهة معاكي انا والدتي رحمها الله من و انا في تالته اعدادي و اخواتي كلهم و لاد وكبار و متزوجين و مش عايزة اقولك مراتات الاخ دول بيبقوا ايه من رأيهم اللي يعوزه البيت يحرم على أختك قصدي الجامع و الحمد الله ربنا موقفلي أخ ليا هو اللي مربنى و دلوقتي بيجهزنى و الحمدلله و برضه بجهز و تعبانة جدا في التجهيز و محدش بيرضا ينزل معايا و أصلا مبحسش اني حد فرحانلي لكن ربنا عوض عليا بأخويا و حماتي بعتبرها مكان ماما و هي بتعتبرني بنتها و لما بحتاج انزل بقولها تنزل معايا و هي مش بتضايقنى في الشراء و لا بتتشرط عليا و لا حاجة و ادعوللي ربنا يكرمني و أتجوز و أخلص لحسن اليتم ده حاجة صاحبة قوي ربنا ما يحكم بيه غلى حد أبدا
انا بحكيلك نبذات عشان ماتفتكريش انك لوحدك في الهم و الكرب
لكن انا راضية و الحمد لله وصابره
يس مش هكدب عليكي و أقولك انى ماكنتش بعيط و لا بقهر نفسي و لا بيصعب عليا حال نفسي عارفة دايما بحس انى مكسورة و حتى ضحكتى حزينة مبقتش بعرف أضحك و الله
بقولك ايه فكرتينا بحالنا
اضحكي و قوللي يا باسط
ولو احتجتى اي حاجة انا معاكي و ربنا يهون

الله يفرج همك يارب حبيبتي لازم تستغفري كثير وما يجي فرحك الا والدنيا صايره حلوه وانتي فرحانه بالتغيير اللي راح يصير

يا حبيبتى ربنا يخليلك مامتك يارب ويديها الصحه والعافيه الزعل على فكره بجد وحش اوى وبي؟أثر على الصحه جامد خلوا بالكوا من بعض
واستغفرى ربنا كتير اوى اوى اوى واقرى سوره البقره وخلى مامتك تقراها هتمنع عنك كل شر ان شاء الله
وماتزعليش نفسك مفيش حاجه مستاهله الزعل دا كله ومتحطيش عشم فى حد خليكى معتمده على ربنا وربنا يكرمك ان شاء الله
ولو على خطيبك لو انتى مقلقه صلى استخاره كتييييييييير اوى اوى اوى بجد وربنا يقدملك اللى فيه الخير
ولو فيه الخير ربنا هيسرلك امورك معاه ولو شر ربنا هيبعده عنك
وخلى بالك من ماماتك وعاملى باباكى بما يرضى الله لانه والدك برضه مهما كان وربنا صدقينى هيعوضك خير
ولو عايزه اى حاجه فى تجهيزاتك خشى معانا فى ركن التجهيزات والبنات كلهم اخوات واصحاب هيفيدوكى اوى اوى ان شاء الله

بجد انا زعلت اوى واتاثرت
ادعى ربنا فى صلاتك دائما وربنا يشفى والدتك ويفك كربك وبالنسبة لخطبيك حاولى تبينى له انه بتتضايقكى لما مش بيفتكرتك رغم انك المفروض اقرب حدله ولو انتى من اسكندرية انا اقدر انزل معاكى واساعدك فى مشاويرك

ربنا يفك كربك يا جميييل...
وسبيها لله ومتزعليش نفسك...
الايام بتمر واكيد فيها الحلو والوحش...
ركزى فى الحلو وادعى ربنا انه يبعد عنك الوحش...
واكثرى من الصدقات والاستغفار...
والله مفعولهم فوق السحر...
وربنا يسعدك دنيا واخرة يا قمر

رائعتي خطيبكِ ليس بالبخيل ان شاء الله ولكن الرجال تفوتهم مثل هذه الاشياء إهداء الخطيبة .... وعلى فكرة ابشرج خطيبك ما له علاقات نسائية هههههه ضمان من العتب

والله يسعدج يا الغالية ويفرحج ويسر امور زواجج وتفرحين وتفرحين امج

وبالنسبة للوالد كثير من الاباء من مثل نوع ابوج ادعوا له بالهداية .... والله يخفف
على امج ويهون عليها يا رب واصيلة يوم انا تحنن قلبكم على ابوكم وعلى بر الوالدين
راح يجزيها الله كل خير ان شاء الله تعالى


العتب

صباحووو
ربي يفرج همك ويعينك عاللي انتي فيه
الاخوات قبلي ما قصروو معاكي
الاستغفار والدعاء وقيام الليل
ادعي ربي يجنن قلب ابوكي عليكم وعلى مامتك خاصة
وبالنسبة لخطيبك انو ما بيجيب لك هدايا والحاجات دي لا تشيلي هم بكرة يتعود وانت عوديه على الا تبغيه
وادعي انو ربي يسخركم لبعض
واما الجهاز انا كمان وحده بنت عند اهلي وماما تعبانة ما تقدر تلف كتير وربنا كان معانا ووفقلي اهل الخير من خالاتي وعماتي وصحباتي واتزوجت الحمدلله واحلى جهاز كان

بس انتي استغفري واقرأي سورة البقرة وربنا معاكي

بصى ياقمر انا عارفة انك متضايقة وكل واحد شايف ان مشكلتوا اكبر مشكلة فى الدنيا بس عاوزكى تعرفى ان كل واحد بياخد نصيبوا ومفيش حد عندوا كل حاجة وحد تانى مش عندوا ولا حاجة وربنا مش بيظلم حد ابدا وبيدى كل الناس قد بعضها بس حاولى تبصى للناحية الايجابية يعنى زى ما معاملة باباكى مضايقاكى فى مامتك اللى بتعمل كل اللى تقدر علية و بتيجى على نفسها علشان تسعدك وفيه كمان اخواتك و قرايبك و جيرانك اكيد فى ناس منهم بتحبك بجد ويتمنوا سعادك وهيفرحولك وبالنسبة لمامتك ربنا اكيد معاها وهيعوضها وكمان ياقمر فيه خطيبك اللى بيحبك ونفسوا يسعدك وربنا باذن الله هيسعدك فى حياتك معاة ويهيعوضك بحنيتة عيلى عن حنية باباكى و علشان موضوع الهدايا يعنوا هو مش جابلك حاجة خالص طول ما انتوا مخطوبين يعى ولا هدية يوم ميلادك ولا فالاتين ولا عدية ولا حاجة خالص وكمان فى حاجة انى ممكن تعرفى منها لما بتخرجوا مع بعض بيوديكى اماكن كويسه ولا بيسترخص ولا اية لو كل دة كويس وتمام يبقى يمكن مش باخد بالوا او شايف انوا لسة مش المفروض يجيبلك دلوقتى لانك لسة مش مراتوا انتى ماتعرفيش هو بيفكر ازاى
المهم ياجميل ماتخليش حاجة تبوظ فرحتك قولى لنفسك انا هفرح يعنى هفرح كدة وش :21_214:ولو احتجتى اى حاجة ادخلى قسم التجهيزات وكلنا معاكى واحنا كلنا اخوات
وليكى وليا ولكل البنات ياريت نستغفر على قد ما نقدر ونقرا سورة البقرة و يس والواقعة يا بنات لانها باذن الله بتوسع الرزق وربنا معاكى ومعانا كلنا بنات بليز ادعولى ربنا يرزق خطيبى ويكرمنا ويجمع بينا قريب باذن الله على خييييييييييير

ربنا معاكي ربنا يفرج كربك وهمك يارب
بس متفتكريش ان انتي لوحدك كده دي حكايتك بسيطه جدا جنب ناس كتير قولي الحمد لله من قلبك والله يا حبيبتي انا عندي واحده صاحبتي مامتها ماتت وهي في ابتدائي وباباها مات وهي في اعدادي واختها اتجوزت بعد وفاه باباها علي طول وفضلت هي بنت وحيده في البيت مع اخواتها الولاد المتجوزين ومش ممكن تتخيلي مراتات اخواتها كانو بيعملو فيها ايه ودايما يقولو لاخواتها دي بتخرج مع ولاد ومش بتروح الكليه (مع انها محترمه جدا وعمرها ما عملت حاجه زي كده) وفي ولاد بيكلومها في التليفون وطبعا اخواتها بيقسو عليها لان الكلام صعب وسمعه اختهم تهمهم منعوا عنها التليفون وخروجها للكليه حتي بقي للضروره واول ما خلصت كليه مراتات اخواتها بقوا يهينوها ويقولولها لازم تشتغلي بسرعه علشان تجهزي نفسك ولا هتاخدي من قوت ولادنا وفعلا يا عيني بقت تشتغل كل حاجه واي حاجه واول واحد اتقدم لها وافقت عليه مع انه مش مناسب ليها خالص بس علشان تخلص من اللي هي فيه . وطبعا مراتات اخواتها كانو قايمين بالواجب معاها بالنسبه لاصحابها مانعينها تزور حد ولا حد يزورها والله كانت بتكلمني قبل فرحها بيومين بقولها بتعمل ايه قالتلي بعمل الكحك والبسكويت والبيتيفور والحاجات اللي هتجيلي يوم الصباحيه قولتلها انتي اللي بتعملي ؟ قالتلي امال امي ولا ابويا اللي هيعملولي ؟ وطبعا جهازها كان قليل متتخيليش اد ايه
ووالله مع كل اللي هي فيه ده كانت فرحانه من قلبها وبتقول ربنا مبيكتبش شر لحد يمكن شفت ايام وحشه علشان هشوف سنين حلوه بعد كده وعمري ما شفتها حزينه ولا مهمومه وفعلا والله ربنا عوضها خير ودلوقتي عايشه في منتهي السعاده مع جوزها ما شاء الله
احمدي ربنا ان عندك ام دي بالدنيا حتي لو كل حاجه ناااااااااااار كفايه ان هي جنبك ربنا يخليهالك يارب وميحرمكيش منها

بصي بجد قولي الحمد لله
بالنسبة لوالدك زي ما والدتك بتقولي اتقي الله فيه
مش عشانه (( لان انا مقدرة اللي بتقوليه)) بس عشانك انتى
كل انسان بيتحاسب علي اعماله هو.......... فانتى راعيه ومش تزعليه وقوليلو انتى الكلمه الطيبه ((حتى لومن ورا قلبك ))

والدتك ربي يحفظهالك ويعفي عنها هو وجميع امهات المسلمين والمسلمات ويخليهالك ويباركلك فيها
ممكن انتى تنزلي علي مرتين مرة تلفي انتى وتاخدي فكرة والمرة التانية تاخديها معاكى وانتى بتشتري
منها لا تكونى زعلتيها ولا تعبتيها ومنها انك تفرحى قلبها بانها نزلت مع بنتها وهى بتشتري جهازها

(( ربي ييسرلك امورك ويتتملك علي خير ))


بالنسبة لخطيبك لا تملكى غير انك تدعي ان ربنا يهديهلك ويكون زي ما انتى عوزاه
لان لا انت ولا انا ولااي حد يعرف اللي بالنفوس فادعي رب النفوس ان يهديه ويرزقه ويكونلك نعم الزوج



وانتى مش تستسلمى لكل الظروف دي لان بجد مفيش حد هيحس بيكى

فانتى خافي علي نفسك ومهما حصلك في الدنيا دي اعرفي كويس ان ربك هيعوضك خير عنه ان شاء الله

فمش تزعلي مهما حصل

وربي يفرج كربك وكرب كل المسلمين والمسلمات
ويسعد قلبك دايما ويبعد عنك اي سوء

ربنا يفرج همك عزيزتى يارب ويسعد كل أيامك ويخليلك أمك يارب

ربنا يهدي باباكى يا حبيبتى و يباركلك فى مامتك و يسعدها
وخطيبك ابقى وضحيله واحده واحده الى بيزعلك
انا كنت بسكت الاول مع خطيبي وازعل و اقعد اعيط
دلوقتى بقيت بسمع كلام بابا كان زمان دايما يقولى لما حد يزعلك او ياخد حقك اتكلمى وقولى كل حاجه بصراحه بس وانتى مبتسمه
يعنى مش خبط و خناق لا ع المتغطى و وسط الكلام و بدلع بيفهم على طول

ربنا يسعدك ياقمر ويفرحك يارب

yoyo butterfly;9948085:
بصى ياقمر انا عارفة انك متضايقة وكل واحد شايف ان مشكلتوا اكبر مشكلة فى الدنيا بس عاوزكى تعرفى ان كل واحد بياخد نصيبوا ومفيش حد عندوا كل حاجة وحد تانى مش عندوا ولا حاجة وربنا مش بيظلم حد ابدا وبيدى كل الناس قد بعضها بس حاولى تبصى للناحية الايجابية يعنى زى ما معاملة باباكى مضايقاكى فى مامتك اللى بتعمل كل اللى تقدر علية و بتيجى على نفسها علشان تسعدك وفيه كمان اخواتك و قرايبك و جيرانك اكيد فى ناس منهم بتحبك بجد ويتمنوا سعادك وهيفرحولك وبالنسبة لمامتك ربنا اكيد معاها وهيعوضها وكمان ياقمر فيه خطيبك اللى بيحبك ونفسوا يسعدك وربنا باذن الله هيسعدك فى حياتك معاة ويهيعوضك بحنيتة عيلى عن حنية باباكى و علشان موضوع الهدايا يعنوا هو مش جابلك حاجة خالص طول ما انتوا مخطوبين يعى ولا هدية يوم ميلادك ولا فالاتين ولا عدية ولا حاجة خالص وكمان فى حاجة انى ممكن تعرفى منها لما بتخرجوا مع بعض بيوديكى اماكن كويسه ولا بيسترخص ولا اية لو كل دة كويس وتمام يبقى يمكن مش باخد بالوا او شايف انوا لسة مش المفروض يجيبلك دلوقتى لانك لسة مش مراتوا انتى ماتعرفيش هو بيفكر ازاى
المهم ياجميل ماتخليش حاجة تبوظ فرحتك قولى لنفسك انا هفرح يعنى هفرح كدة وش :21_214:ولو احتجتى اى حاجة ادخلى قسم التجهيزات وكلنا معاكى واحنا كلنا اخوات
وليكى وليا ولكل البنات ياريت نستغفر على قد ما نقدر ونقرا سورة البقرة و يس والواقعة يا بنات لانها باذن الله بتوسع الرزق وربنا معاكى ومعانا كلنا بنات بليز ادعولى ربنا يرزق خطيبى ويكرمنا ويجمع بينا قريب باذن الله على خييييييييييير

ربنا يسعدك يارب ويكتبلك الخير ويوسع رزق خطيبك يارب
انا خطيبى مخرجتش معاه الا مرة او اتنين مرة منهم كانت فسحة والتانية كان بنشترى حاجات للشقة
بس لما خرجت معاه كان كويس ومكنشى بخيل وودانى مكان كويس
اما بخصوص الهدايا فهو لا خالص مبيحبليش اى حاجة فى اى مناسبة ولو قلنا عشان مسافر فده بيزعلنى ان اوقات بتقبى فى مناسبة وحد من اصحابة نازل ومش بيفتكرنى ولما بيجى هو يدوب هى هدية وحده وبس وبيفضل عليها لحد مابيجى يسافر تانى مرة ومعرفشى ليه بيستخسر فيا كده مع انى بجبلة هدايا وببقى كويسة معاه وعمرى ما قلتلة كلمة تجرحة او تضايقة عشان اقول ده بيشيل منى

الحب هو الحياة;9947565:
بجد انا زعلت اوى واتاثرت
ادعى ربنا فى صلاتك دائما وربنا يشفى والدتك ويفك كربك وبالنسبة لخطبيك حاولى تبينى له انه بتتضايقكى لما مش بيفتكرتك رغم انك المفروض اقرب حدله ولو انتى من اسكندرية انا اقدر انزل معاكى واساعدك فى مشاويرك

ربنا يكرمك يارب على ردك واهتمامك
انا للاسف مش من اسكندرية ومليش نصيب اشوفك واتعرف بيكى ياريتنى كنت منها كنت قبلتك بس انا كفاية عليا احساسك وربنا يقعدلك الخير اللى بتعملية ويقدمهولك

انا مش عارفة اقولكم ايه كلكم بجد انتوا خففتوا عليا باحساسكم ودعائكم وكلامكم والله انا قريت لاامى كل كلمة من كلامكم ومتعرفوش هى كمان ارتاحت قد ايه وفرحت بيكم وباحساسكم ودعائكم وقعدت تدعلكم كلكم وانا فرحانة بيكم ومبسوطة انى عرفت ناس ولاد اصول فعلا وكويسين زيكم وحسيت ان الدنيا لسه فيها ناس طيبين وفيهم الخير زيكم ويارب يسعدكم جميعا ويوفقكم ويجعل لكل وحده فيكم السعاده والستر والصحة وربنا يفقكم وياريت كل وحده فيكم تفتكرنى تدعيلى بظهر الغيب ويدعيلى ربنا يوفقنى مع خطيبى ويكون فيه خير ليا وربنا ما يحرمنى منكم يارب

ربنا يكون فى عونك وعون مامتك
صدقينى مامتك ماتزعليش عليها
ربنا هيعوضها خير ان شاء الله
ان ماكنش فى الدنيا
فالصبر ربنا يجازيها عليه الجنة ان شاء الله
وماحدش عايش فى الدنيا دى مرتاح صدقينى

وخطيبك واضح انه مش بخيييييييييل خالص
وما اعتقدش انه بيستخسر فيكى
اكيد فيه سبب انتى مش واخدة بالك منه
يمكن يكون محرج من حاجة الله اعلم
حاولى تخليه ياخد باله
الفتى نظره بشكل غير مباشر

واهم حاجة عليكى بالدعاء
ادعى ربنا وكلك يقين فى الاستجابة
وخلى مامتك دايما تدعيلى مافيش بعد دعوتها
ربنا يخليهالك ويحفظها من كل سوء

واحنا كلنا هنا اخوات واصحاب
وفى وقت حابة تفضفضى انا موجودة وكل البنات هنا كويسين الحمد لله
مابيتأخروش عن حد

أولا ياقلبى ربنا يشفى والدتك ويعافيها ويحفظها لك من كل شر واذى ويهديلكم والدكم ويصلح حاله ويتقى الله فيكم.
بالنسبة لوالدتك صحيح هى فى كرب شديد بس صدقينى فى حديث عن الرسول صلى الله عليه وسلم أنا مش فاكرة نصه دلوقتى بس معناه إن الست اللى تصبر على زوجها لها الجنة.
تانى حاجة بالنسبة للتجهيزات سامحينى ياحبيبتى والله الشاهد على لو كنت فى مصر دلوقتى كنت ما اتأخرتش عليكى وكنت وقفت معاكى فى تجهيزاتك كلها..لأنى برضه زيك إن شاء الله مسافرة مع زوجى فى السعودية.
مش عارفة أقول لك إيه بخصوص خطيبك لأنى مش عارفة إيه السبب فى الموضوع بس اللى عايزة أقول لك عليه موضوع الهدايا ده مكلف جدا وممكن يكون عارف إن أهله مش هيسكتوا له لو ما جابش ليهم هدايا كتير لكن عارف إنك بنت حلال ومش هتهتمى بالموضوع ده أوى.وممكن تكون أسباب تانية بس أنا ما أعتقدش إنه بخل لأنه بيصرف والبخيل مش ممكن يصرف لا على مراته ولا أهله.
بالنسبة لموضوع السفر وخوفك من إنه مايبعتش لك بعد ماتتزوجوا من حقك تشترطى عليه فى عقد الزواج الشروط اللى إنتى عايزاها وفى حالة عدم تنفيذها يفسخ عقد الزواج يبقى إشترطى عليه إنك تسافرى معاه أو بعده بفترة وجيزة وبعدين لو هو معاه إقامة يبقى عملية إستقدام الزوجة سهلة يبقى الأحسن لو هينزلك أجازة قريب قبل الزواج تكتبوا الكتاب ويأخذ القسيمة معاه ويقدم لك على الإستقدام وبعدين يرجع لك وتتزوجوا ويخلص لك ورقك وهو معاكى لأن الموضوع متعب جدا وخاصة إنك لوحدك وهتلفى كتير أوى علشان تختمى الأوراق وتوثقيها.حاولى تتكلمى معاه وتناقشى معاه الموضوع ده.
وبعدين بالنسبة للأصحاب سامحينى أصحابك دول عرفتيهم فين فى الكلية !!!سامحينى مش كل صداقات الدراسة بتكون صداقات حقيقية وبعدين الصداقة اللى مش بتنشأفى الله مش ممكن تدوم يبقى عايزة أصحاب بجد ويخافوا عليكى ويبقوا واقفين معاكى فى السراء والضراء هتلاقيهم فى أماكن طاعة ربنا هتلاقيهم فى المساجد ودور التحفيظ وحلقات الدروس الدينية .ربنا يوفقك ويسعدك ويهنيكى ويرضيكى دنيا وآخرة ويطمنك دايما على والدتك.