سؤال عن إمساك الأطفال..

مبروك عليج البنوتة.. جوفي أختي بنتي تفس حال بنتج.. أول ماولدتها كل شي طبيعي وعقب 3 أسابيع دخلت الصناعي والحمدلله ماحصلت مشاكل بس يوم كملت شهرين صار عندها إمساك بس مادري يعني هو ماتعملها تكرمين الا كل 3 أيام بس يطلع عادي مو جامد.. وللحين على هالحال.. بس الشي اللي يخفف أحيانا سكر محروق في ماء او شراب بونيسان مال هملايا.. وإذا مافاد كلش أضطر أحط فازلين في قطن أذن وأحط لها تكرمين عند فتحة الخروج لأنها تموت من التعصر...

مشكورة اختي عالرد..

الحين توه سيرها بطنها ماشالله بس كان سائل ومب جامد.. هل هذا معناه مثل ما فهمت من كلامج انه ما كان فيها امساك؟ بس انه طبيعة عملية الخروج عندها متغيره؟

يعني لو امساك بيكون خروجها يابس؟

هلا حبيبتي فتون..

الحمد لله يوم مشى بطنها بس انا عندي حل حق الامساك سريع وفعااااااااال مجرب .

شوفي أختي روحي عند العطار أو حتى السوبرماركت بعد متوفر أخذي ( مرقدوش ) وحطي شوي في فنيال وحطي معاه ملعقة صغيرة سكر خلطيه وعطي منه الياهل والله صدقيني مفعوله كلش زين ولايضر وايريح الياهل ويخليه ينام .
الله ايعافي بنوتش ويخليها لج .

نفس مشكلة بنتي
الحين عمرها 3 شهور
اول ما كملت شهرين صار يصيدها امساك 8 ايام
و لما وديتها المستشفى عطتني الدكتورة تحامل
قالت لي اعطيها التحاميل اذا كملت 7 ايام من الامساك لان اكثر من 7 ايام مو زين للطفل
لا تحاتين انا تعودت على بنتي مرات يومين و مرات 3 ايام بس مجرد توصل 7 ايام خلاص اعطيها التحميله
و عقب 10 دقائق من التحميله يمشي بطنها و ترجع طبيعيه
بس الافضل ان الطفل ما يتعود على التحميله بس للضرورة اعطيها

ابراره..

هلا اختي.. مشكورة عالرد.. المرقدوش يعطونه اليهال من عمر الشهر؟


--

ام جهاد..

مشكورة عالرد.. وان شالله ما يطول موضوع الامساك هذا يكسرون الخاطر هاليهال..

هلا ياقلبي
يمكن يكون نوع الحليب ثقيل عليها او مايناسبها عادي في البداية تكون مرتاحة وبعدين يصير امساك
او انتي كثرتين من الحليب وقللتي الماي
في نوع من الحليب تمام وخفيف ومايسبب امساك ولد اختي كان يعاني من الامساك المزمن ونصحت اختي فيه
كوني كنت مسؤلة عن الاطفال (ممرضة طفل سليم) والحمد الله للحين ماشية عليها والحين عمره سنة و6شهور ومايعاني من امساك
الحليب هو برومييل
واي معلومات انا في الخدمة

ماتشوف شرالبنوته عطيها سنوت مع سكرنبات000ويوم عطيها نعناع مع سكر نبات

مشكورين يا خواتي.. ما قصرتوا :)

[GLINT]:oاختى سلامة لطفلك لكن انا اقولك خبرتى فى الحياة 0(f)0000 تغير الحليب :oاوتخفيف الكميه (f) اعطاء الطفل عصير البرتقل مخفف فى الماء (f)تنظيم عدد رضعات الطفل وما يشوف شر[/GLINT](x)(x)

الله يخلي لكم البنوته وتتربى بعزكم ,,
أتوقع في هالفتره طبيعي الطفل يصيده امساك , والعيب مو في نوعية الحليب
لأنه لو في الحليب كان بين من البداية
وعن تجربتي مع ولدي اللي عانيت وياه نفس المشكله
عطيته عصير برتقال مخفف بماي ومضاف له سكر نبات
أو خيار الشمبر ( البكتر الهندي) ,, كان بس يشرب منه ما يكمل يوم إلا ومشاه بطنه

وان شاء الله ما عليها شر

عزيزتي طبيعي جدا وضع بنتج في هذا السن عادي يومين او 3 ما يمشيهم بطنهم ..والدليل انه يكون عادي مب جامد..بهال طريقه يسمن الياهل :)
اذا طولت اكثر من 3 ايام ممكن تحاتين بس بعد ما انصحج باي شي غير الحليب تدخلينه لبنتج في هذا السن...وحتى التحاميل وايد صغيره عليها..اذا طولت اكثر من 4 ايام استشيري الدكتور

هذا حال كل الاطفال

بنتي نفس الشي ولاتخافين اذا كملت 10 ايام ذيج الساعة خافي انا بنتي اتم 3 او اربع ايام وعقب تمشيها بطنها ومايكون جامد يعني شرات بنتج انا يوم بنتي كانت في شهرها الاول كنت اعطيها ينسون مع سكر نبات ويمشي بطنها على طول . وسلامت بنتج