ياريت انكم تساعدوني

عزيزتي ..,

أنا لمن كنت في المدرسة (ثانوية)

كانوا يتكلمون في موضوع الخطوبة , بس الماما كانت ترفض

وبشكل واضح وصريح بعد , تقول إنها توها صغيرة على هالخطوبة ,

وحتى بعد ما تخرجت !..

كانت تعتبرني صغيرة على الخطوبة

*

ولكن النصيب صار , لا أنا ولا إهي قدرنا نمنعه

حتى صديقاتي ,

قالوا لي غريب شلون أمج وافقت ؟!.

وهي كل تقول عنج صغيرة وتوى الناس ؟!.

كان عمري 19

*

إذا إنتي توج صغيرة , وتدرسين بالمدرسة

لا تستعجلين على رزقج

وأهلج ما بيرفضون ناس والسلام , أكيد إنهم ناس فيهم عيب أو قصور , أو ناس عاديين وإنتي تستحقين الأفضل

*

مب معقولة!..

كل من جا وفتح موضوع الخطبة هو شخص ملائم لج , سوء أهلج قالوا لج أو ما قالوا !..

*

إنتي لين جا لج النصيب بتاخذينه

/
\

بس في حالة كنتي بنت بالغة , 21 وما فوق .. وتدرسين بالجامعة

أنا أفضل إنج تقطين نغزات طيلة الوقت على أمج

أنا تراني مب صغيرة , أنا كبرت

تسولفين على خطوبة صديقاتج , أي شي يحسس أمج

إنج مب ياهل وبيبي !..

يخشون عنج موضوع الخطبة

حتى لو ما كنتي بتوافقين

على الأقل يكون عندج علم ودراية , ولج الحق بالرفض والقبول لأن الموضوع يتعلق فيج بشكل شخصي

*

ونصيحة أخيرة!,

ركزي على دراستج وبذلي مجهودج إنج تكونين الأفضل فيها

وعيشي حياتج مع أصدقائج ,

ولا تشيلين على قلبج هم ما يسوى !..

شلج بهم وغربال الخطوبة ؟!.

*

الحياة في البداية ..,

ومشوار النصيب راح يطول معاج

وما بتاخذين إلا قسمتج ونصيبج , والمناسب لج بإذن الله

*

موفقة :)