بس الموضوع هذا وعدت البنات أني أكتبه..
سر اكتشفته مؤخرا من بوبي براون..
كنت رايحة أشتري منهم السيروم فقعدت البنية تقنعني أخذ أساسهم .. قلت لها لما يخلص اللي عندي ..
طيب جربي الكونسيلر .. ممتاز؟؟؟
قلت لها عندي الكونسيلر..
-هي: و شو رأيج فيه؟؟؟
-أنا: حلو وايد بس ثقيل ما أستخدمه الا للمناسبات.
-هي : اشلون تستخدمينه؟؟!!!
-أنا: أحط المرطب و بعدين الكونسيلر و أطبطب عليه بالبودرة الحرة اللي معاه
-هي: وبس؟؟
-أنا: بس !!!
-هي: ناقصتج حطوة مهمة!!
- أنا: شو؟؟
- هي: الكوركتور.. بيعطيج تغطية أقوى و يخلي شكل الكونسيلر أثبت.. ما راح بسيح و يعطيه شكل طبيعي.. و ممكن تستخدمينه كل يوم .. لأنه فيه فيتامين اي
- أنا: معقولة؟؟!!
- سوت كل هالخطوات علي .. من المرطب و بعدها الكوركتور وفوقها الكونسيلر و أخر شي البودرة..
طلعت بالفعل التغطية أحسن و أكثر طبيعية..
شريته و بعدين خبركم الحين حر و رطوبة .. لفينا من مكان لمكان حق 3 او 4 ساعات و بعدها رجعنا الفندق .. و الكونسيلر مثل ما هو ..
و هذا هو السر يا حلوات!!!
و هذول هم الصور
هذا الكوركتور المعجزة.. الدرجة اللي شريتها..
هذا الكونسيلر.. البودرة موجودة تحت..
البودرة ممكن تنحط باسفنجه أو فرشاة
و هاي صورته من النت للتوضيح..
و تم الموضوع...
أتمنى تكونون استفدوا ..