افضل صالون للمناكير في البحرين

حلم العذارى;9937918:

عزيزتي ..,

كل صالون تروحين له تلاقين هالخدمة متوفرة عندهم !..

وأنا أعشق أسوي ( منيكير & بديكير ) كل شهر , وفي كل مناسبة

لكن يعتمد على المنطقة إلي إنتي عايشة فيها

أنا جربت الغالي والرخيص

*

مب شرط كل صالون له أسمه وشهرته , يسوي لج بنفس المستوى

ساعات حتى صالونات عادية تسوي لج شغل عدل وأحسن حتى من شغل الصالونات الراهية

*

عموماً ..,

تجاربي في المنيكير & البديكير متنوعة

سويته في صالونات بالمنامة ,

سويته في صالونات يم بيتنا ,

سويته في صالون (لطيفة) , في سوق واقف

والأسعار تختلف !..

أرخص صالون سويت فيه كان ب 2.500 دينار حق البديكير + 1.500 دينار حق المنيكير

كان قريب من بناية شغلي

في الحورة - شارع المعارض

*

وسويته في صالون (لطيفة) في خطوبتي

شغل حلو وعدل!..

*

بس الله وكيلج

ماكو على آخر مرة سويت فيها

صج صج صج صج شغل عدل وفلة !..

أرتحت وأستانست وايد

حطت لي أنواع وأشكال من الكريمات والسكراب , ونظفت لي قاعة الرجل من قلب صارت مثل نعومة الأطفال !..

جد حبيت هالبديكير

وهو الأفضل في نظري لحد الآن ( وبدوام على هالصالون على طول ) , وهو قريب من بيتنا

بكم ؟!. 3 دينار

*

إذا تبين شغل عدل وراهي ..,

عندج صالون ( لوليتا الجميلة ) في القضيبية خلف أشرف

صالون متخصص فقط في الأظافر والعناية الخاصة ( بديكير + منيكير )

شغل روعة ومضمون 100%

بس طبعاً أسعارهم مرتفعة وغالية

بس من تدشين المكان بتشوفين شقد راقي ويريح الأعصاب

أنا ناوية أروحه بإذن الله , لو صارت لي مناسبة .. ولقيت الوقت الملائم

ويستاهل تروحينه إذا إنتي عروس

*

عموماً ..,

هذرت معاج وايد هههههه

بس روحي صالون قريب من بيتكم , ومعروف بحلاوة شغله

قولي لي تبين أي منطقة ؟!.

وبساعدج

حبيبتي شسمه هالصالون و هل باقي خدماته ممتازة او بس المنكير و اللي يشتغلون فيه بحرينيات او اجانب و الف شكر لج