شنو أحسن موبايل ؟؟؟؟؟

السوني اريكسون ما انصحك فيه

شكل بدون مضمون .. ماعرف شلون اقول :S

جربي سامسونج يمكن يعجبك

بالعكس سوني اريكسون من افضل الجوالاات
عندك سوني c905
روووووووووووووووعة

سوني آحبه من زمان غيرت من نوكيا وخذيت سوني مرتاحه عليه بس ألحين حابه أغير من جذي فكرت في بلاك بيري بس ياريت إلي عندها بلاك بيري تقولي عنه زين ولا مو زين وإشلون عن مواصفاته معقد ولا سهل

وفي سوني أركسون قالت لي عنه صديقتي بس ماتعرف رقمه تقول وايد حلو سعره في حدود 300 دينار بس ماعرفت أي واحد تقصد

مشكورين على آرائكم

صراااااحه اقولك نوكيا وبس من ناحيه شكل ومضمون صديقاتي خذوو سوني وتوهقو فيه وردو على نوكيا حتى راعي الموبايلات نصحني بنوكيا وقالي هو الافضل ولاكتر مبيعا(y)(y)(y)

سوني منزلين كذا جوال وكلهم حلوين..انصحج تاخذي الوكمان اليديد الاحمر..W955



واذا تحبين الجوالات الكبيره بحجم البلاك بيري

في جوال سامسونج تفجييييييييييير لووووووول

..اتعب وانا امدح فيه وباللمس عجييييييييب

وكاميرته 12 ميغا بكسل



طراز M8910 بكاميرا 12 ميجا بيكسل اوتو فوكس و فلاش زينون و فلاش LED للفيديو و عدسة بقطر 28 ميليمتر بزاوية رؤية واسعة و تسجيل فيديو 720x480 بيكسل و بجودة 30 إطار في الثانية وشاشة touch screen 3.1 بوصة .

ويدعم M8910 Samsung نطاقات GSM الرباعية و EDGE و نطاقات UMTS و HSPA الثنائية كما زود بنظام تحديد
المواقع الجغرافية GPS، وستطرح Samsung الجوال M8910
بالأسواق الأوروبية

أواخر الشهر الحالي وبجميع أنحاء العالم شهر آب 2009 دون أن تحدد الشركة سعراً له حتى الآن.

وتعد شركة Samsung إحدى الشركات الرائدة عالمياً في مجال الإعلام الرقمي والاتصالات و حلول التقنيات، وتشتهر كواحدة من أسرع العلامات التجارية نمواً في العالم. حيث بلغت نسبة مبيعات الشركة المجمعة في العام 2007 نحو 105 مليارات دولار.
ويعمل لدى الشركة نحو 150 ألف موظف في 134 مقر في 62 دولة. وتعدّ Samsung " للإلكترونيات المصنع الرائد للتلفزيونات الرقمية ورقاقات الذاكرة والهواتف الجوالة وشاشات TFT-LCD.


هذي المعلومات اللي حصلتها عنه


والخيار الثالث (اي فون) احلى من البلاك بيري

ومبروك مقدما...

بصرحة انصحك بنوكيا

الصراحة اختي انا انصحج بابلاك بيري

لانه عندي ومجربته ووااايد حلو وسهل

والي يقولون انه حق رجل الاعمال وبس غلطانين اهما يقولون جذي عشان فيه BBMالي اهو ماسنجر بلاك بيري

وهذا يسهل عليهم كرجال اعمال وبس لااكثر ولا اقل!!!

اتمنى انج اقتنعتي فيه ومبروك مقدما:)

تقبلي مروري

مشكورين حبيباتي وماقصرتو

الله يعطيكم العافيه إن شاء الله باخذ برايكم وبروح أشوفهم أحسن (y)

مرحبا ما ادري جايه متاخر والا بالوقت

البلاك بيري وايد عملي بس مع الاستخدام بطاريته تصير شوي تعبانه لازم تشترين وحده جديده
والا كتلفون وايد حلو وعملي احسن من النوكيا

والسوني اريكسون كف ووفت اللي حط لج الووك مان الجديد حلو يعطيها العافيه

وانتي روحي وشوفي بعينج وقرري

مو متأخره فديتج آنه كل ساعه أطل على موضوعي عل وعسى ألقى ردود أكثر


وايد داش راسي البلاك بيري بس ما بي أستعيل لأنه سعره مو رخيص ومابي أندم إذا خذته بعد بجوف إذا حصلت ردود أكثر

:wink:

نوكيا وبس

مادري ليش ما أحب النوكيا من جربت السوني أركسون وآنه محاربه النوكيا :ss:

السوني إلي أقصده رقمه x1 شفته في الموقع عجبني وايد بس ماعرف إذا زين أو لا ياريت إلي عندها تفيدني وتقولي أي أحسن هو ولا البلاك بيري أدري إشياب لي ياب بس بعد تعرفون الحريم وتفكيرهم :tongue:

اختي مراوي السوني اللي تتكلمين عنه نظامه وندوز موبايل يعني تقولين كمبيوتر

يعني بيصير معقد وايد اذا انتي مو متعوده عليه الا اذا حابه ومجربه النظام اللي فيه

صديقتي عندها وردت على جهازها القديم لان تمللت من كثر التعقيد وهي بس استخدامها بسيط للجهاز

واما بالنسبه للبلاك بيري بقولج المختصر المفيد

حق وناسه وشات حلو ان على طول بيكون في يدج واذا عندج احد عندهم الجهاز بتستانسين لان بتكونين على تواصل وياهم بخدمه البلاك بيري وهو حلو للبرامج وغيره يعني بالاخير عملي

بس انه شخصيا او اذا انتي من النوع اللي بالكيمرا والسايز للتخزين يكون كبير والمواصفات هاذي اهم ما انصحج فيه لان كيمرته بالنسبه للي موجود بالسوق ضعيفه ،، وغيره من الشغلات

يعني بالاخير الراي رايج ومايصير احد ينصحج اخذي هاذي او ذاك لان انتي اللي تعرفين كيف يكون استخدامك للجهاز

مسامحة طولت عليج (f)

فديتج ماطولتي ولاشي آنه حابه أستفيد من خبراتكم

برجع اليوم وبروح الستي وبجوفهم إثنينهم وإن شاء الله أرسي لي على بر :ss: مليت من التفكير تقولين باخذ سياره :tongue: هاي يوم بتزوج مافكرت هالقد :rolleyes:

محد من ربعي عنده البلاك بيري كلهم طايحين في السوني وإلي محيرني إنه إثنينهم نفس السعر أخاف آخذ السوني وإتيي وحده تحطمني تقولي جان خذتي البلاك بيري أحسن دامهم نفس السعر :mad:

آخر سؤال لاتكفخيني من وكيل البلاك بيري عندنه في البحرين ومن وين أشتريه؟؟؟

هلا اختي

الله يسلمج حاله حال التلفونات الثانية يعني الضمان يختلف مثلا كارفور ضمانهم


هاي اسعار البلاك بيري في كارفور وجيان وشرف دي جي واخر شي تيلكوم بس هاي تاريخ 16-7

جوفي المرفقات (f)

مشكوره حبيبتي وماقصرتي باجر من الصبح طيران رايحه الستي :cool:

انا ما انصحج تاخذين البلاك بيري شكله مش حلوو وطبعاا انتي ليدي المفروض ان يكون جوالج بناااتي انصحج تاخذين " w995 " الاحمر لانه واااااااااااااااايد راقي وانا ان شاء اللله بروح في هذي اليومين باخذي واحد ..
وتقبلي مروووري يا عسل ..

انا ابغى اغير جوالي سوني اركسون شكل جنان بدون مضمون

بس محتارة ايش اختار

ايش تنصحوني ابغى نوكيا

بالعكس البلاك بيري حلو خصوصا لما يلبسونه الغطا المللون :wink: