شلونكم يا اغلى عرايس
طبعا انا وايد مقلة بمواضيعي بهالقسم لاني اصلا مقلة بحفلاتي الرومانسية بسبب وجود عمار و حلا (ربي يحفظهم لي ) و مشاغلي معاهم
بس بعدين قلت مابدهاش << بالمصري
و بما انه يوم 6 جولاي يوم عيد زواجنا قلت خليني اسوي كم حركة اكسر الروتين فيها و استانس و اونس ابو الشباب
طبعا الافكار كلها من هالمنتدى الراقي ربي يخلي لنا
فهذه هيه حفلتي بالصور و التفصيل الملل عشان عيونكم
اول شي اشتريت كيكة طبقات على شكل قلب:15:و حشيتها فراولة و كاسترد و غطيتها بكريمة و حطيت فراولة على جنب و سويت بالشوكولاة البودرة رقم 3 (عدد سنين زواجنا) طعمها اممممممم
و هذه من جنب
بعدين اشتريت فواحة معاها شموع دوائر و شمع صغير معطر
و اتعدلت لبست هاللبسة البسيطة عبارة عن فستان بدون علاقات و جاكيت خفيف فوقه مع لينجيز اسود دانتيل :wink:
من قريب
مع هالساعة و الحلق
و سشورت شعري هو موديله الكاريه الجديد طلع مثل هالصورة
و مكياجي بالضبط جذي
و اتعطرت من هالعطور
و حطيت لزوجي هالوردة بروبه و لان حمامي وااااااااااايد صغير ما قدرت اسوي فيه اي حركة حلوة:confused:
بعدين اجى زوجي من الشغل ما بينت له شي دخل سبح و بدت المعركة خخخخخخخخخ لو داخلة سباق مارثون كان فزت لان لازم اضبط كل شي قبل لا يطلع
اول شي رحت لغرفة النوم و نثرت هالورد على سريرنا على شكل قلب و حطيت بداخلة الهدية و شهادة التقدير
و بما انه ورانا سفر فما قدرت اشتري هدية غالية:o فاكتفيت بشي بسيط و يفيده و هو كاب من نايك
و هذه شهادة التقدير طبعا اختي انوار الحب ساعدتني بتضبيطها لقتها من النت و كتبت عليها اسماءنا
و بعدين ركضت للمطبخ جبت الكيكة و ضبطت القعدة بالصالة بهالشكل
و هذه بعد
و بعدين سكرت باب الصالة علي انا و اولادي
هو طلع من الحمام شاف الوردة و راح لغرفتنا شاف الورد و الهدية و الشهادة بعدين اجى للصالة شاف التعديل وجه صار بالضبط جذي :D:D:D:D
فبعدين عطاني هديتي
و انا اشتريت فيهم
نعال تكرمون من الدو
و اكسسوار لولو وايد عجبني
من قريب
و بوك
و اهم شي خلخال (حجل) من كولكشن فرفشة
من قريب
و جذي تكون خلصت حفلتنا البسيطة و فرحت فيها ابو عمار و كسرت الروتين باشياء بسيطة و ما كلفتني الا مبلغ بسيط
بس صراحة اكثر واحد استانس هو عمار لانه لعب بالعصير و الكيك و كل ساعة يطفي الشموع و يقولي ( عموري عنده عيد ميلاد):ss: شايفين الرومانسية
امانة بنات لا ابي تقييم و لا شي ابي دعاء خالص الله يحفظلي و يهديلي ابو عمار و عمار و حلا و يحفظني لهم:tongue:
حقوق الموضوع محفوظة لعروس.كوم فقط 2009 @