تجمع الحوامل اللواتي يلدن في شهر كانون الثاني (يناير 1 )2010 الجزء الثاني

(x) عبير=========13-12

(x)بحرينية عز ========== 5-1


(x)قطرية 22 ===========6-1==== ولد


(x)ضياء الروح ============ 9-1


(x)&* أم علي*&======== 14-1====ولد

(x)حرم السويدي==========14-1


(x)حرم بوليد ============16-1


(x)فشونة===============16-1


(x)صبا الكويت=============16-1


(x)العين المليانة==========19-1


(x)نبض قلبه =============20-1

(x)لولو 2020 =============22-1


(x)جمال الروح============ 26-1

نبض- قلبه

تسلمين فديتج على انج فتحتي التجمع .... ^_^

ويعطيييييييج الف عاااااااااااااافيه ... :)

شكرا لك نبض على الموضوع
وربي يسهل علينا الحمل والولاده ويفرحنا يارب بشوفت النونو

بس ليش خيه فتحتي جزء والجزء الاول موجود ؟

الله يسلممممممج قطووور عقباااااال الجزء العاشر يارب

ضياء الروح هلااا والله كنت لازم افتح تجمع يديد لانه وصلنا فوق ال 1500 مشاركة

صباح الخير يا أحلى مامات ..

شلونكم ان شاءالله يا رب تكونون بألف خير و عافية ..

تسلمين حبيبتي نبض قلبه على التجمع اليديد :)

ماشاءالله انا و حرم بو وليد و فشونه نفس موعد الولادة ..

الله يتمم علينا كلنا يا رب و يسهل علينا الحمل و الولادة ان شاءالله ..

حبيباتي ما أوصيكم على هذا الدعاء ( اللهم اني أسألك حسن الخلق و هون الطلق )

ما في أحد موجود ..؟

هلاااا والله صباااح الووورد

الله يسلمج حبيبتيي حاضرين ويالله شدي الهمه ودشي مو بس اخر الليل ;)

اييي شفتي ما شاء الله كلكم بنفس اليوم عاد ما يندرى منو صج بتولد بموعدها

ضياااااااء الروووح لييش سهراااااااانه؟

وطبيييييت علييكم شتسوووون

مبرووووك التجمع النيووووو وان شاء الله يكون خير علينا كلنا ويتمم حملنا على خير يارب

ماشاء الله الجدول عامر الله يزيده يارب ويانا بعد تفاحة آدم مو ؟؟ لاتنسوها ؟

عندنا 3 ولادت مع بعض ولادتين مع بعض وانا بروحي:confused: يالله نشوف من تولد قبل :tongue:

نبض قلبه حتى انا ريلي مايبي الا فطوووووم على اسم يدته بس انا معاندة :D

انا رقدت اليوم من الساعه 11 بالليل وحملت حلم جني قاعده اسبح لعبة ياهل على شكل

صبي ولابس قبعة التخرج مادري شسالفة ليكون صج فيني ولد ههههههههههههه

انا اول عندي احساس البنت الحين خلااص من جم يوم وانا احس احساس الولد:cool:

ومابقى الا القليل عشان اعررررف (g)

مبروووووووووك التجمع الجديد بس ليش نسيتوا اسمي:(

ان شاالله معاكم ولادتي في 13\1\2010

والله يتمم لي ولكم على خبر يااااااارب:)(f)

هلا فييج تفاحة حبيبتي انا مانسييتج كتبت اسمج شوفي ردي:o

شرايكم حبايبي كل وحدة تدش تقول لنا قصة حملها وشلون بشرت زوجها وأهلها وشنو

كان شعورها وشعور زوجهاا ..


انا ببتدي اول وحدة بقولكم قصتي بالتفصيل دام ماعندي شي:tongue:

طبعا انا تزوجت من سنه و8 شهور تقريبا وأول زواجي حملت من أول شهرين بس الله

ماكتب يتم الحمل وسقطت ب6 اسابيع تقريبا وكان احساسي عادي مادري ليش !

يمكن لاني ماشفت البيبي ينبض او يحرك ايدينه وماتعلقت فيه كلش بس الله مايسوي

شي الا في صلاحه والحمدلله على كل شي ، كل شهر اقول اكيد بحمل وتنزل الدورة

ويصيدني احباط وكل شهر تصيدني اعراض حمل وزوجي يعمل لي فيها دكتور ويقول متأكد

حامل ومليون في الميه ويفائلني بعدين تنزل الدورة ، كنت على طول استغفر بنية الحمل

واطلب من الله مايردني ، طبعا شفت السالفة طولت ! قلت لازم اروح اسوي فحوصات من

جديد انا وزوجي يمكن صار شي لاسمح الله ، ورحت للدكتورة وكتبت لي جميع التحاليل انا

وزوجي وعملناها وطلعت كلهاا سليمة وممتازة بس انا طلبت اسوي اشعة الصبغه قلت

يمكن فيني شي متسكر لا سمح الله في الرحم ، وشهر 3 جاتني الدورة تاريخ 26 وقالو لي

بعد الدورة ب10 ايام تسوينها الاشعه وفعلا سويتها وطلع كل شي تمام والحمدلله ، ونهائيا

ماتوقعت احمل بالهشهر وكنت احاول انزل وزني وخذيت لي جهاز مشي وعشان اضعف يمكن

احمل ، جه تاريخ طبعا 26 /4 مانزلت الدورة ! ما تفائلت نهائيا بس قلت بنتظر بعد يوم

انتظرت يوم وماجتني ويومين بعد بس بتاريخ 28 قلت لازم اروح اخذ تحليل من الصيدلية وطبعا

انا دايما اسويه ورى زوجي عشان لو طلع حمل تكون مفاجأة ، وهو كان في الدوام طلعت من

بيت ابوي قبل لا ارد الشقه ورحت الصيدليه وخذيت تحليل كلير بلو قلت هذا ادق شي بعد

ومستحيل يخطأ ، رجعت وسويته وغمضت عيني وطلعت من الحمام قلت بروح له بعد دقيقه

ههههههههه مادري ليش بس من الخوف ، رجعت رجعت جااااااااان اشووووف برررررررقنت

لا ماصدقت بطلت عيني اكثرررر ، خذيته اركض وطلعت من الحمام اطالع فيه مو مصدقه

لااااااااااااا وبجييييييت بجييي بروحي وزوجي كان طالع من الدوام وقاعد يتصل فيني بس

مارديت علييه من الزهقه ههههههههههههه ، انا قبل حاطة في بالي اسوي له سبرايس حلو

وحركات وعشا وكل شي بعدين اخبرره بس تعرفون نسيت كل شي ومافيني صبر نهائيا

جان ادق عليه وانا ابجي وحالتي حاله يقوليي شنو فيييج خرعتيني تحجي بسررعه

اقوله بقولك شي قال شنوووو وهو مخترع حده اقول انا حاااااااااااامل :confused: سكت شوي

قال شنوووو وهو ميت ضحك يقول عيديهاا قلت له حاااااااامل :confused: ههههههههههه >> اضحك

على روحي هههههههههه

قاليي صججججج الحمدلله الحمدلله انزين لاتصيحييين لاا خلااص انا ياي الحين شوي وعندج

قلت له بجهز نفسي عشان نروح عياده اسوي تحليل دم للتأكيد قالي اوكي واجهز نفسي

عاد من وصل ابتدى الدلع بطل لي باب السيارة لووووووول وركبني :o رحنه وسويت التحليل

وانا على نارر قريت كل الايات والقرءان اللي حافظتهم وماتم دعاء ولا شي ومالي بارض زوجي

يحاجيني كلشش ، جان ينادون اسمي زوجي راح قبلي >>> شكو هو مادري كككككك

قالت مبرووووووك مدام حاامل انا ماشفت شي بس اشوف ريلي يركض في المستشفى

فشلني ههههههههههههههه من الفررحه الكل يضحك عليه وانا مادري شسووي بس اتذكر

قلت الحمدلله الحمدلله :confused:

وبعدين اتصلت في امي بشررتهاااااا وانا اصيح بعد وقلت لها دعواتهاا الغاليه

وطبعا ابتدت توصيات زوجي في السيارة ماتسوين شي ماتتحركين وماتسوقين سيارة

وووو الخ

ووصلت الشقه وزوجي ناده امه وخبرها واااااااي جان تحضني انا وريلي وتصييح ههههههههه

صج فررحه حلووة وعسى الله لايحررم احد من هالنعمه قولوا آآمين :o

عاد اقولكم هذا كلير بلو مايتم الا 24 ساعه كلمة برقنت وياتني الفكرة اصوره قبل لايروح

الحجي :tongue:


شوفو الصورة :tongue:

السلام عليكم
مبروك التجمع الجديد
بدش عقب اسولف واقول قصة حملي الحين انا ادش اشتكي لاني تعبانة عدل
الله يسلمكم ما قلت لكم امي سافرت وهذي يومين اطبخ غدا حق بيت ابوي
اليوم عاد هلكت باقي شوي واطيح حتى صلاة للحين ما صليت من التعب
بصيح من التعب

يعطيج العافيه نبض:)
..
مساكم الله بالخير جميييييييييييييييعا:>

السلام عليكم

شخباركم

خيانه، تكتبون تواريخ ولادتكم وناسيني :( ---------- اتحجج
نبض قلبه الفروض ما تنسيني لنه اني وانتين نفس التاريخ :wink:

اولا مبروك التجمع الجديد وثانيا الله يتمم لكم على خير يا رب




أم علي، الله يعطيش العافيه وبميزان حسناتش خيوه، بس لا تسوين طبخات صعبه وثقيله اا ما تقدرين او شوفي احد يساعدش يكون افضل .

كتبت رد طويل وراح :(


بالنسبة للأحلام، حماتي لما كانت قريب بتولد كانت تحس انه اللي فيه ولد وحلمت فيها انها ولده بنت قمر تجننننننننن واسمها فاطمة ، خبرت بيت عمي ثاني يوم ويوم ثالث ولدت حماتي بفطوم :)

بديتون تجهزون ولا بعدكم ؟!!
لم اشتري هديا لوالدات يصير خاطري اجهز للبيبي بس خاطري اعرف الجنس عشان اتاكد ولو اني اشوف روحي خاطري في اللون الأخضر الفاتح للتجهيزات كلللللللللللها بكل شي كل شي

السلام عليكم هااااااااالوووووووو

شخباركم ماماز عساكم بخيررر نبض قلبه ثثثثانكس ع التجمع الجديد حبوووو ام علي حبيبتي ماتشوفين شر بحرينيه ليش جي اتخلينه انبي انصيييح انا اندمجت بسالفتج ههههههههههههههه

انا بقولكم عني من اول حمل لي الحين وضحكوووا عدلل هههههههههه


بسم الله
انا الله يسلمكم حملت بعد زواجي ماشاء الله تبارك الرحمن بشهر كان برمضان كان خاااااااااطري براس قولاب اذا اتعرفونه حلاه هنديه مثل القيمات بس هذي ليييينه ومتررروسه شيره الا وصيت امي اتجيبها لي الا يوم جابتها وااااي احس ريجي بينزل ههه الا مي اتقول هذي فيها شي هيهيهيهيي وانا خبر خير ويوم اذن هجوم وقولوا من هجم معاي الاخ اخو ريلي ههه مادري انا الحامل وله هو هههه ولا وريلي بعد ماخالو لي شي هههههههههه عليهم بالعافيه المهم ام ريلي بحرينيه هيهيهيهي كان اهلها موجودين عندنا كان برمضان ولد اخوها وبنت اخوها وزوجها واخته اللي هي زوجت ولد اخوها يعني اخو واخت متزوجين اخو واخت المهم ولد اخوها كان عنده ولد اسمه عمر ياااااعمري كان عمره 3 شهور وكان كيوووت وحبوب مايخاف من حد فديته وانا امووووت ع اليهال كله احب اشله ويكون عندي وكاااان خاااااااطري بيبي مع انه قبل العرس اقول حق ريلي ابي بعد سنه هههههههه بس انا وريلي ماقدرنا نبي الحين المهم رحنا فيلاجيو كلنا وبنت اخو ام ريلي كانت مسكينه مسقطه يعني ماعندها بيبي وناس الصراحه قمه قمه في الاخلاق واهم شي مياااانين ههههه مثلي ههههه فني ووووايد المهم يوم رحنا انا بس جي بدون سابق انذار قلت حق زوجي خل ناخذ تست حمل رحنا الصيدليه وخذت ووصلنا البيت ومع انه داخليا انا ماحس اني حامل عااااادي وكان ع موعد الدوره اخر مره كان 16-8 وانا سويت 15-9 ع ماعتقد وسويت الا بققت العين وانا قلبي يرررررقع هااااااااااااااااا شنو خطيييين وااااااي طلعت من الحمام كرمكم الله الا اوري ريلي ريلي جي صار :eek:ههههههههههههههههههههه قال يعني شنووو مع انه كان يعرف هههه بس من الصدمه قلت له حااااامل مو مصدق الاخ الا انادي بنت اخو ام زوجي وهي في قسم تحاليل مادري شنو الا قالت اييي حامل انا مادررررري شلللللون نزلت وقلت حق مرت ولد ام زوجي ام عموووووري وقلت حق ام ريلي وجدت ريلي لموووني وانا اصيييييييييييييييييح:confused: ههههههه
الا ريلي لحين ماسك التست هههههههههه اخو ريلي والشباب جاووو انا وويهي جي :oقال ريلي هاي يعني صج الا ريل بنت اخو ام ريلي قال اي هذا دقيق الا الملقوووف اخو ريلي ههههههههههههه مسكيييين انا كان ودي اسمي فهد قال لي لاتسمين سمي اي اسم قلت اي عشان انت اتسمي اذا تزوجت قام يضحك ههههههه :D بس بعدين ام عمور قالت لي ولدي ويه خير عليج قلت لها اي فددددددددديته عمري هههه واليوم الثاني الاخ زوجي مو مصدق جان يروح يجيب لي تستين ههههههههههههههههههههه لين اقتنع وسويت تحليل دم هني تاكد عدل :tongue: والحمدلله والله راد انه يتوفى ولا وبعدي بشهر يخليلها اللي سقطت بنت اخو ام ريلي حملت يحليلها وجابت احلى سعووود ماشاء الله


بقولكم شي تقريبا وانا بالثالت ماذمر اي شهر المهم في بدايات حملي الاول حلمت حلم غررررررريب بس والله انه حكمه من الله
حلمت انه انا ولدت بالسادس وجبت ولد حلوووووو ابيض وحلو جنه انا رايحه ازوره في المستشفى واسمه شنو اتوقعووووون((عبدالرحمن)) ومن هسبب انا سميته عبد الرحمن وولد اختي اللي قلت لكم الحين سافر المانيا للعلاج صج ادعوو له اليوم عمليته الله يشفيه يارب نفس الشي حلم اني ولدت بالسادس ونفس الشي اخته بنت اختي انه حلمت بالسادس وقاعده اتوري ولدي ع الناس وفعلا صار يوم ولدته انا شفته وخواتي وخالتي وجناتها واهل زوجي جاوو وشافوه :( الحمدلله



الحمله الثانيه بعد مدددده من حملي الاول :D رحنا البحرين لانه اخو ام زوجي توفى الله يرحمه وشفت عموووري كان تقريبا عمره سنه وشفتته وقلت له ويه الخير حبيبي وبس يوم ردينا كنت مخططه اني ابي بيبي الحمدلله كنت رايحه الجامعه الا احس بالم في ظهررررررررري وانا في المحاضره الا في سياره قلت لزوجي ابي تست حمل الا يوم رحنا وخذت كلير بلو الدجيتل هالمره وقالي زوجي روحي الحين سووي رحت الانفس الشي وانا بالحمام شفت النتيجه بريقنينت قمت اررررررررررررجف وابي اصيييييييييح الحمدلله الحمدلله ع هالعوض ياربي عوضنا رب العالمين الحمدلله طلعت وانا اتمخطر وارتجف ام زوجي وريل كانو قاعدين وريتهم وهم جي :eek::eek:هيهيههيهيهيهيههيهيهي وانا طبعا لحين ارجف الا زوجي بدت المحاضره انا هالحمله بكون اشد معاج لاتسوين جي ولا جي ولاتاكلين جي هههههههههههه ووووووبس خبرت خواتي وستنانسوا واهم ن هاي كله امي الله يخليها لي ويارب جميع امهات وابهات امه محمد اللهم امين انا ابوي متوفي الحمدلله المهم خبرت امي وفرررررررررررحت حسيتها صاحت او دمعت لانه كنت اكملها تلفوووون فديتج ياماماي هههه:D:15: ووووووبس


سوري طولت عليكم هههه:15:

بحرينية وفشونه فن قصصكم خليتوني اندمج هههههه

__________-

قصتي ان الدورة ما جت على موعدها مع انها منتظمه فقلت بنتظر يومين يمكن من توتر او شي ، واليومين صاروا 6 ، يوم السبت عادة نتجمع في بيت الوالد ، رحت الصبح وعلى الطريق شريت الجهاز من الصيدلية ، جربته في بيت الوالد وطلع خطين، من الوناسه وديته لأمي الا تقولي ( شنو ده ) !!! واني صرت جي :eek: قلت لها طلعت حامل ، وردت اوووووه مبروك وميته ابي اخبر زوجي مو قادره انتظر ، على العصر سويت روحي راده البيت (بييننا وبيت الوالد 10 دقايق بالسياره ) رديت آخ لي ثياب وكان توه قاعد من النوم ، نطرته يدش تكرمو الحمام يسبح واخت الجهاز ربطته بشريطه وخليته على الكوميدينه اللي صوبه وعليه ورقة مكتوب عليها Please pick me up وتحت الجهاز Congratulations 3rd time Daddy وبسرعه طلعت رديت بيت الوالد وكان بعده يسبح.

بعد مده اتصل علي في بيت الوالد وشلت الخط واني ضحك ، يقول لي تضحكين هاااا، الف مبروك ، رديت عليه، بس ها اللي الله قدرك عليه !!! :eek:


وتوته توته خلصت الحدوته