فديتكم محتاجه رايكم؟؟؟

شنو دشي بقوة ؟!.

شنو أثقلي وتغلي ؟!.

أحنا داشين حرب ؟!. ولا حياة زوجية

*

بصراحة وأسمحي لي

ربعج أبد ما عندهم سالفة

ولا تسمعين كلامهم أبد

شنو دشي عليه بالقوة , وشنو أثقلي ؟!.

*

حبيبتي ..,

إنتي مقبلة على حياة زوجية , بيت , أستقرار , مسؤولية , حب وعشق , تبادل في كلا الطرفين

*

يعني إنتي محتاجة للعقل الرزين

محتاجة للقلب الكبير

محتاجة تكوني ريلاكس وطبيعية

بدون تصنع وكذب وتمثيل ومبالغة

*

عزيزتي ..,

عرفي إن الرجل مثل العجين

وإنتي تشكلين هالعجين بيدج

الحين هو عايش حياة العزوبية ,

طلعات , وروحات , وجيات

بس لكن!..

في الزواج

عرفي إن كل شي بيتغير

بيكون مستقر في بيته ومع زوجته

*

وعرفي إنه ما بيحبج ولا بيحب بيتج

إلا منج ومن أسلوبج

إنتي قادرة تسيطرين عليه

بالحب , والهدوء , والطيبة , الكلمة الحلوة , الأسلوب الحسن

*

وإنتي تقدرين تكرهينه فيج , وفي البيت

بتعاملج الغلط معاه , بلأهمال , بالثقل المبالغ فيه , بالعنف والدفاشة

*

إنتي عروس !..

عيشي معاه أيام عسل

لا تخلينه يمل منج ومن البيت

*

ليش تثقيلين عليه وتتغلين ؟!.

إنتي زوجته , حلاله

تصرفي معاه بشكل هادىء وطبيعي

*

عامليه بالطيب , يعاملج بالمثل

صدقيني!..

قلب الرجل ما توصلين له إلا بطرقج وأساليبج الحلوة

*

إنتي أهم شي درسي شخصيته عدل

عرفي شنو يحب ؟!

شنو يكره ؟!.

شنو أطباعه

شنهي شخصيته .. فهميه و وصلي لقلبه

وهو بعد بيفهمج وبيقدر يوصل لقلبج

*

أما هذي إلي نصحتج دشي عليه بالقوة ؟!.

ما ادري من وين تفكر

شنو يعني قوة ؟!.

وين راحت رقة البنت ونعومتها

دشي بالقوة

والله ياخذج من أول ليلة يردج مكانج ههههههه

قال شنو قال قوة ..,

تفكير سطحي

*

والله يوفقج , ويسعدج .. وييسر أمورج إن شاء الله

مرحبا الغاليه..


اقولج شي .. الي قالت لج هالحجي .. يا تبي تهدم بيتج يا انها مب معرسه انها انسانه شخصيتها ضعيفه اصلا ...مع زوجها ... وتبي تفرغ الباقي فيج...

كلام الاخت حلم العذاري كان واضح ..

وما بضيف الا الشي اليسير .. الغاليه البنت تكسب زوجها من البدايه بإظهارها ما تربت عليه من بيت اهلها .. والبنت هي معدن اهلها ... يعني الغاليه .. انتي ما تربين بزر .. انت بتعيشين مع ريال ..

الريال له صداقات روحات جيات .. وله حياته الخاصه والحياه الزوجيه مب اجبار كل شخصين انهم يتعلمين على اطباع بعضهم بعض

بوضح لك اكثر ..يعني الغاليه .. مع الوقت راحت تعرفين متى تتكلمين ومتى تسكتين لو عصب .. لو زعل متى تراضينه متى تفتحين معاه موضوع .. في النقاش .. متى تطلبين منه في وقت هدوءه ومتى تنسحبين في وقت انزعاجه ..

بتغلطين اول حياتج مره واثنين وثلاث ... واكبر غلط انج تسمعين حق الي يحرضج على زوجك ..غلط غلط غلط .. اسمعي كلام العقل واسكتي وقت الغضب .. ودايما اول سنه اصعب سنه فيها الاحراج وفيها التعثر كأنكم طفل يتعلم المشي ..

بتتعودون على بعض هو بتعود عليج وانتي بتتعودين عليه ... وبقولج شي حطيه في بالج الريال ما يبهره بس جمال البنت وحسنها وجسمها ... الريال يحب البنت الي تعرف شنو تبي يحب البنت الي شخصيتها واطباعها حلوه .. يحب البنت الهادئه .. اغلب الريال يحب البنت الي ما تهذر بكلام ما له معنى وتشحن راسه بامور هي تقدر تحلها بنفسها ..

حبي اهله وامه وابوه .. واكسبيهم واهله .. ولا تذكري مساوء .. اهله خصوصا اهله .. مهما بلغت الاذيه ان وجدت..وان استلزم الامر .. الفتي نظره بتصغير الموضوع في وقت راحته .. ورخاءه..

الحياه الزوجيه محد يقدر يعلمك اياها .. ممكن نعطيك افكار معلومات .. لكن ما نقدر نعطيك .. الا اليسير .. والباقي كله عليك ..

ماشفتي زوجك ... او ما كلمتيه مب شي مهم .. ياما ناس عاشو حب وخطوبه وبعد ما عرفو ازواجهم ...

االغاليه انتي مب داشه حب ... فدشي بكل نعومه وحب ...وخلي الباقي على الله .. ولا تنسى انك تحمدي الله على كل نعمه متاحه لك..

ام جنى

ال

ما شاء الله البنات ما قصرو ا

اكسبي زوجك باسلوبك الحلوه ومعاملتك الطيبه معه

لو شاف منك كل شي حلو هو راح يقطع اي شي يضايقك

والله يوفقك يارب ويسعدك ..

السلام عليكم و رحمة الله و بركاته

حبيبتي هذا زوج و شريك حياتج و عمرج شنو تنصحج صديقتج اثقلي و لاتعطينه وجه بصراحة

هزلت؟؟!! :eek:

هاذي الله يصلحها بتهدم بيتج :mad:

حبيبتي الرجل كالطفل:wink: يحب الوحدة تدلعة و اتسمعه الكلام الطيب و لسانها ينقط عسل و يحبون الزوجة

الصالحة المطيعة

دلعيه و عامليه مثل الطفل و دلليه حبيبتي ترى زوجج جنتج و نارج

و عيشي معاه أحلى عيشة ترى العمر مرة وحدة صح

و خلج هادية و ناعمة و سوالفج حلوة معاه و بعدين ليش سوالفكم رسميات ؟؟:tongue: لي متى

يعني متى بطيح الحطب :wink:على قولتنا الكويتيين لازم تتعرفين عليه أكثر و تفهمينه و يفهمج

خليه يعشقج:15:

بأخلاقج و حنيتج و طيبج و رومانسيتج طبعا

و عسى ربي يجمعج بزوجج بالمودة و الرحمة

عامليه بما يرضي الله ...
الحلول اللي قالوا عنها صديقاتك غلط ,,,
وكون انك تبغي تعوديه على اسلوبك لالالالالالالالالالالالالالالالالالالالا انسي (مو انه ضعف منك)
بالحكمه واللين والمعامله الحسنه وطلب العون من الله ,,,واستشارتك لامك لازم حبيبتي ,,,الدعوه مافيها حياء ,,,وعطيه حقه كامل حتى هو بدوره يعطيكي حقك اللي وصى فيه الاسلام للطرفين والله يوفقك ,,,
وانتي بتكوني عارفه لزوجك زيييين ,,,المعامله اللي تناسب زوج بنت عمك ,صديقتك ,بنت جيرانكم , تختلف عن زوجك ....افهمي اسلوبه واللي يبغاه وكوني ذكيه وتعاملي معه عن طريقها ...مو عن طريق زوج اختي او زوج صديقتي ,,,
ارجو انك فهمتي قصدي ؟؟؟ والله يوفقك يا عسل
ترى اغلب خراب البيوت تجي الاخت , الصديقه ,او اي شخص مقرب ..وتقول سوي كذا وسوي كذا ..انا اسوي مع فلان وعجبه ,,واذا سويتي مع زوجك ما يعجبه الاسلوب !!والقهر ان الزوجه ما تكون فطينه وتفهمها وهي طايره وطبعآ البعض مو الكللللللللل ,,بعض الزوجات .
وتجنبي المقارنات ترااااااااهاااااااا خرااااااب البيوت .. زوج اختي جاب لها زوج صديقتي حط لها ..وهاذاي الحركات تفقع الزووووج فقع ,,,

انا نصحتي بسيطه
اول شي كل شي بالتفاهم
وثاني شي لازم لما تستشيري احد يكون عندة خبره
وكلام زميلاتك كانك داخله حرب