اريد التخلص من الاكتئاب والوسواس معا

حبيبتي مرض الاكتئاب مرض العصر الجمييع يعانون منه تقريبا بس بدرجات متفاوته والحبوب والادويه تاثريها وقتي وعلى كثر ما تحسن الحاله تدهور شغلات ثانيه غير الادمان اللي ممكن يصير لج عليها فاحسن حل حبيبتي تقربي من رب العالميين واقضي وقتج بالعباده والصلاة والقرآان والاستغفار وبتحسيين تدريجيا حزنج وبكائج كان يخف انا نفسج والدكتور قال بيوصف لي حبوب بس انا رفضت واللحين احاول اعالج نفسي بنفسي
* اول شي زاد قربي من رب العالميين(ألا بذكر الله تطمئن القلوب)..قبل كنت احس بالضياع لانه محد يسمع لي ..محد يحس فيني ..محد يهتم ان كان فيني شي..امور كثيره مضايقتني مثل حالتج مثلا مع مرض زوج اختج..بس حسيت انه الشكوى لغير الله مذله وعمرج ما بترتاحيين لا لما تشكين لدكتور نفسي ولا لين كليتي حبوب ..واللحين انا دائما بيدي السبحه واستغفر وادعيي ..

*حاولت اغير من نظام حياتي انظم لي طلعات حتى لو بروحي اقعد باي مطعم لو اشرب كوفي او اكل اسكرييم وطالع في الناس والدنيا واحاول اندمج معاهم واضحك...

*قمت افكر في الامور بايجابيه بدل نظره السلبيه المرافقه لمرض الاكتئاب واحسن الظن بالناس قد ما اقدر عشان نفسي قبل لا يكون عشانهم..

*اتجنب المواضيع اللي تكدر وتحزن واحاول دائما افرفرش واضحك ادور نكت واقراها ادور قصص مضحكه واقراها...

*حطييت في بالي انه لكل داء دواء وخصوصا الامراض النفسيه بيد الواحد يتغلب عليها ويحاول يخفف من حدتها قبل لا تزييد..

*ومافي اي ضرر في حالات اللي انتي منهاره فيها تراجعيين الدكتور بس لا تخلينها عاده عالجي نفسج بنفسج بذكر الله والتقرب له روحي حلقات ذكر ومحاضرات دينيه خصصي برانامج عائلي مع اسرتج تحفظون فيه سور قرءانيه وتسمعونها لبعض او تقرون قصص الانبياء وتتناقشون في احداثها..

*تجنبي تقعديين بروحج وقت اللي متضايقه صيري اجتماعيه خالطي الناس روحي عزوماتهم ومناسباتهم ..

وماعلييج إلا العافيه حبيبتي والله يشافييج عاجل ليس آجلا يارب ياكريم

حبيبتي انتي

الدوااء وحده مو كافي

حافضي على الصلوات ،، مو بس الفروووض

افرشي سجادتج وقعدي صلي لين ترتاحين وادعي ربج يسهل عليج
اقري قرآن كثر ماتقدرين

حطي على ااذاعه القرآن الكريم وخلي القرآن يشتغل بغرفتج وفي بيتج 24 ساعه

تمعني في الآايات والسوور ،، خشعي في صلاتج ،، ياتج البجوه ابجي عادي طلعي اللي فيج
استغفري ربج ودايما ذكري الله و سبحي

االادويه لحالها ماراح تكفيج ،، لاتظنين ان هذا الدوااا احسن من الي قبله ،، او هذا مفعوله اسرع

تقربي من الله وانسي الادويه ،، لاتعتمدين اعتماد كلي عليها ،،

وقت فراغج قعدي اقري كتاب ،، اي كتاب ،، سوي لج برنامج وستايل يديد لحياتج
جددي حياتج مع عيالج ،، اخذيهم ملاهي ،، لعبي وياهم ،، اخذي لهم فلم كارتون وشوفيه معاهم وسوي لهم البوب كووورن ،، خليهم يحسوونج بينهم ،،

حبيبتي لاتعتمدي عالادويه ترا كثرتها راح تدمرج ،، صلاتج صلاتج صلاتج هي اللي راح تشفيج مع الدعااء

وادعي ان ربج يشفي زوج اختج وجميع مرضى المسلمين ،، وحطي ببالج ان الله اذا احب عبد ابتلاااه
انتي صبري اختج وقولي لها ان الله مانسااهم ،، عليكم بالدعااء والله يفرجهاا

كله مقدر ومكتووب ،،

ربي يمسح على قلبج الراحه والطمأنينه ويشفي كل مريض

السلام عليكم و رحمة الله و بركاته

غاليتي اقري قرآن كثير و بالذات سورة البقرة في المنزل و نفي على نفسج و في أرجاء البيت

ترى القرآن راحة للقلب و شفاء له و الله عز و جل قال في كتابه (( ألا بذكر الله تطمئن القلوب ))

و شغلي القرآن بالبيت و تقربي من الله عز و جل بالطاعات و الصدقات و ربج كريم جواد رحيم بعباده

و عسى ربي يشافيج و يعافيج و ييسر أمرج و يصلح بالج اللهم آمين

ناطرة الباقين ومشكورين الي ردوا علي

انصحك بسورة يس والفتح وراح تشوفين النتيجه ولاتنسين الاوراد اليوميه

مشكورة الاخت نسايم على الرد وينكم بنات انا محتاجه لكم

الغاليه انصحج بالبقره وآل عمران لانه الرسول عليه الصلاة والسلام وصانا عليها والله يشفيج يارب

اختي الغالية
انا اتوقعت انو كثير يردون عليكي لا تكثري من الأدوية لأن نظرة المجتمع ليها خاطئة
المرض نفسي زيو زي اي مرض تاني وطبعا قدرة الله وبذكر الله ثم بفضل الدواء ان شاء الله تتحسنين
انا كنت تعبانة من عشر سنين وخفت من الأدوية النفسية الين ما تراكمت وصارت حالتي صعبة بعد ما كنت انسانة كويسة
المهم رحت طبيبة ووصفت لي سبرلكس وبوسبار بس انا ما كان عندي اكتئاب كان عندي قلق وقلة ثقة بالنفس وخوف يمنعني من مواصلة حياتي
الصراحة مرة الحمد لله اتغيرت وكملت حياتي
و حتى الدكتورة قالت لي 3 شهور واوقف
لكن ما ستمريت على العلاج والحين تعبانة ومو زي اول والمشكلة ما تتخيلي اني ما اقدر اخد الدواء يعني انساه وما ادوام عليه وهو شي غالي فاذا غلق استني اليم ما يجيني فلوس
واللي طمني انو ما يتوصف بوصفة طبية
ادعي لي اسير كويسة ويارب تتشافين انا وانتي الله معانا