زوجي وأمي و الوظيفة

اولا يا اختي رحم الله امك وجميع اموات المسلمين واسكنها فسيح جناته
وثانيا يا اختي موضوع المصروف ما فهمت هل هو يصرف عليكي او ما ينفق عليكي لانك توظفتي؟؟

على كل حال...وظيفتك يا اختي بتخليكي ملزومة تصرفي في البيت ولازم تحطي خطوط عريضة بينك وبين زوجك في هالموضوع..

ومسألة التزام زوجك وتفقه في الدين شي حلو ولازم تشجعيه وتعاونيه يلتزم اكثر وانتي معاه...

الله يصلح حالكم ويوفقكم دنيا واخره

اشكرك على ردك بس شكلي ماعرفت اوصلك المشكلة
بسم الله عليها امي الله يحفظها هي على قيد الحياة الله يطول في عمرها وانا بأشتكي من زوجي لمن اقعد افضفض له عن مشاكل اخواني مع امي هو يزيد همومي مو يخففها عني ويحب يتكلم في اخواني وامي وبالنسبة للوظيفة انا ابغى اعرف كيف وضعي معاه تعرفين انا ماابغاه يعتمد علي وبعدينماالاقيه غير متزوج علي (لاقدر الله)
ارجو اني اكون وضحت المشكلة

اول شي الله يوفقج مع زوجج ويهديه لج اختي
وثاني شي نصيحه لج يا اختي اي شي يخص اهلك لا تقولينه لزوجك لانه فيه رجال كثير مثل زوجك مثل ما قلتي يصطاد في المويه العكره عاد شللي حادك تسمعي كلمه منا ولا منا من زوجك عن اهلك ومشاكلهم وتتكدرين عندج شي متضايقه من وحدة امك اجتمعي مع اخوانك وخواتك وناقشوا هالمشكله مسكينة امكم من لها بعد الله غيركم ولا تاخذكم الحياة عنها حاولوا اذا انشغل واحد منكم الثاني يعوضها مو الكل يهملها تجمعوا عندها وزوروها واكيد انكم موب مبقصرين عنها
اما بالنسبة للعملك مبروك وتستاهلين الطيب وزوجك لو كنتي موب موظفه لو عندك فلوس تغطي الشمس ملزوم بصرفه عليك انتي وعيالك من لبس واكل وخلافه ومنتي ملزومه تحطين من راتبك شي الا اذا كنتي عن طيب خاطر تساهمين يا اختي الرسول قال كلكم راع وكلكم مسؤل عن رعيته اجل اذا ما صرف اهوه عليكم من بيصرف ؟؟؟؟ والله يهديه لك ويجمع بينكم على الخير

اول شي اغلب الرجال يستغلو هدا الشي المفروض ما تقوليله علشان لا
يمعيرك ويحسبها زله ومدام هو كدا لا عاد تقوليله شي وثاني شي قوليله
انو يعتبرك انك ما اشتغلتي لا تقوليله ما ابغى اعطيك من فلوسي لا
قوليله انا اعرف ان شغلي ما راح يفرق معاك وانك رجال ما ترضى حرمه تصرف
على نفسها وعليك
واذا لحظتي انو راح يعتمد على راتبك اصرفيه على نفسك او قوليله انك داخله جمعيه ولمي الفلوس
او اعطي امك كل شهر لو شي بسيط ومساله الراتب تعتمد على ايش راح تعوديه والله يوفقك

يارب يفرج همومكم مثل مافرجتو همي
شكرا للرد

مرحبا الغاليه ..

بحاول .. ارد على كل نقطه .. لانك الغاليه جمعتي المشاكل كلهم في مشكله وحده..

بالنسبه لمشاكل اهلك يا الغاليه الرجال يختلفون في الادوار والشخصيات .يعني يا اختي مب كل ريال ينقال له اسرار بيت الزوجه مهما علت ومهما كبرت ... قولي الزين وخشي الشين..

ودامك تعرفين طبع ريلك هو درس لك ان هالمره ... ما تقولين له شي ومثل ما قلتي .. انصحيه وقت الشده ووقفي معاه ولا تعامليه مثل ما يعاملك ..ولا حتى تردي عليه بالاهانه واحسبيها اجر عندالله وبيعرف غلطه مره ثانيه .. وحاولي كل ما يفتح موضوع يجرح اهلك او يعايرك سكريه او غيريه

بالنسبه لامك بريها واوصليها واقعدي معاها ... واتصلي في اخوانك وكلميهم وحثيهم على برها في كبرها تراها محتاجه لكم الحين وما تقدر تقول لكم هدو بيوتكم وتعالو بس لازم تعاونوها في الشده مثل ما عاونتكم بالرخاء... ويا اختي الغاليه ان كان التقصير من اهلك .. اقصد اخوانك فلا تخلي التقصير يجي من صوبك .. وابذلي الجهد الجهيد في وصل والدتك ... واعتقد انك ام وانتي اكثر وحده تعرفين كيف الام تتعب وتربي وتكبر ..


بالنسبه للعمل ..

الغاليه ... رجال الدين افتو في العمل كثير واغلبهم اجمعو والله اعلم ان حاجه المرأه للعمل هو لمساعده بيتها وزوجها .. لا ضرر فيه ولكن ان كان حاجتها للعمل هو فقط لاثبات نفسها دون الماده ... فالاحرى ان تلتزم بيتها وتقوم بزوجها واولادها .. انتي شوفي ظروفك ... واسألي المشايخ الي حواليكم .. والثقه وان شاء الله يفيدوك .. وانا اقولك دام ملتزمه بحجابك ,, وصاينه نفسك حاولي انك ما تخلين مجال لزوجك للمعاير

معلش زوجك تعلم زود ثقافته الدينيه ... فان حاول يفيدك بما يعلم ..حاولي ان تاخذين النصيحه بقلب رحب ولاتتضايقين منها .. عشان ما يصير عليج مأخذ وخبريه انك فرحانه بنصايحه لك وانك تستفيدن منها .. وابد ابد لا تحسسينه انك مب عاجبك ..انتي بوظيفه مرموقه والصراحه ما بينتي وظيفه زوجك ..لكن دائم بعض الازواج يحسون ان .. حصول زوجاتهم على وظائف مرموقه تشكل تهديد لهم ...

حاول الموازنه بين بيتك وعملك اختي لكن لا يمسك عليكي حجه .. واعدلي ووازني وان شاء الله امورك سهله .. وامر الغيره شي طبيعي يا اختي .. وحاولي ان تتقبلين هالشي .. واي شي يضايقك انتظري وقت مناسب ووقت رايق .. عشان تفتحين الموضوع الي يضايقك مع زوجك..

شي اخير اختي اغدقي زوجك بالحب وخصصي له يوم بالاسبوع او بالشهر .. يوم رومنسي لكي تعوضين الفارق بين العمل والمنزل ولا يشعر بفقدانك .. فالرجل وليس كل الرجال .. يبدأون يعايرون المرأه عند حصول اول تغيير .. وانتي اعرف بزوجك..


الغاليه .. اتمنى لك التوفيق بوظيفتك الحاليه .. وحياتك الزوجيه واهلك

ام جنى

Noor1979;9930508:
مرحبا الغاليه ..

بحاول .. ارد على كل نقطه .. لانك الغاليه جمعتي المشاكل كلهم في مشكله وحده..

بالنسبه لمشاكل اهلك يا الغاليه الرجال يختلفون في الادوار والشخصيات .يعني يا اختي مب كل ريال ينقال له اسرار بيت الزوجه مهما علت ومهما كبرت ... قولي الزين وخشي الشين..

ودامك تعرفين طبع ريلك هو درس لك ان هالمره ... ما تقولين له شي ومثل ما قلتي .. انصحيه وقت الشده ووقفي معاه ولا تعامليه مثل ما يعاملك ..ولا حتى تردي عليه بالاهانه واحسبيها اجر عندالله وبيعرف غلطه مره ثانيه .. وحاولي كل ما يفتح موضوع يجرح اهلك او يعايرك سكريه او غيريه

بالنسبه لامك بريها واوصليها واقعدي معاها ... واتصلي في اخوانك وكلميهم وحثيهم على برها في كبرها تراها محتاجه لكم الحين وما تقدر تقول لكم هدو بيوتكم وتعالو بس لازم تعاونوها في الشده مثل ما عاونتكم بالرخاء... ويا اختي الغاليه ان كان التقصير من اهلك .. اقصد اخوانك فلا تخلي التقصير يجي من صوبك .. وابذلي الجهد الجهيد في وصل والدتك ... واعتقد انك ام وانتي اكثر وحده تعرفين كيف الام تتعب وتربي وتكبر ..


بالنسبه للعمل ..

الغاليه ... رجال الدين افتو في العمل كثير واغلبهم اجمعو والله اعلم ان حاجه المرأه للعمل هو لمساعده بيتها وزوجها .. لا ضرر فيه ولكن ان كان حاجتها للعمل هو فقط لاثبات نفسها دون الماده ... فالاحرى ان تلتزم بيتها وتقوم بزوجها واولادها .. انتي شوفي ظروفك ... واسألي المشايخ الي حواليكم .. والثقه وان شاء الله يفيدوك .. وانا اقولك دام ملتزمه بحجابك ,, وصاينه نفسك حاولي انك ما تخلين مجال لزوجك للمعاير

معلش زوجك تعلم زود ثقافته الدينيه ... فان حاول يفيدك بما يعلم ..حاولي ان تاخذين النصيحه بقلب رحب ولاتتضايقين منها .. عشان ما يصير عليج مأخذ وخبريه انك فرحانه بنصايحه لك وانك تستفيدن منها .. وابد ابد لا تحسسينه انك مب عاجبك ..انتي بوظيفه مرموقه والصراحه ما بينتي وظيفه زوجك ..لكن دائم بعض الازواج يحسون ان .. حصول زوجاتهم على وظائف مرموقه تشكل تهديد لهم ...

حاول الموازنه بين بيتك وعملك اختي لكن لا يمسك عليكي حجه .. واعدلي ووازني وان شاء الله امورك سهله .. وامر الغيره شي طبيعي يا اختي .. وحاولي ان تتقبلين هالشي .. واي شي يضايقك انتظري وقت مناسب ووقت رايق .. عشان تفتحين الموضوع الي يضايقك مع زوجك..

شي اخير اختي اغدقي زوجك بالحب وخصصي له يوم بالاسبوع او بالشهر .. يوم رومنسي لكي تعوضين الفارق بين العمل والمنزل ولا يشعر بفقدانك .. فالرجل وليس كل الرجال .. يبدأون يعايرون المرأه عند حصول اول تغيير .. وانتي اعرف بزوجك..


الغاليه .. اتمنى لك التوفيق بوظيفتك الحاليه .. وحياتك الزوجيه واهلك

ام جنى

ماشاء الله أختى أم جنى كفت ووفت

حبيبتي
صلي أمك وجربي تحكي مع أخوانك وتحنني قلوبهم

وأكبر خطأ انك تحكي لزوجك عن تقصير أخوانك ...
لأنه بينقلب ضدك ويشوف مالك سند ,, ويقول اذا أخوانها كذا يسون في امهم اجل وش يسون باأختهم

اما بالنسبة للوظيفه فحسب تعويدك ’’ اذا عودتيه تصرفي على نفسك والبيت مع الوقت بيلزمك
انا وموب موظفه ومصروفي من زوجي لما عودته اني اشتري ملابس بنتي وملابسي وأشياء البيت من مصروفي اتعود مع انه موب بخيل

اختي ماشاء الله عليها موظفة وراتبها زين ,, بس عمرها ماصرفت منه تحطه بحسابها
وزوجها هو اللي يصرف عليهاا

وذكرت لك هالتجارب علشان تتعلمي وماتندمي اذا عودتيه عالصرف



وموفقه يارب