حكايتى مع المس

مساء الخير بنات

انا كنت عروسه معاكوا فى المنتدى وكنت بجهز معاكوا لغاية ماتجوزت من 3 شهور تقريبا

انا حاليا زوجى مسافر وانا عند اهلى

حصلتلى حاجت غريبه اوى وهو لسه هنا

حلمت انى عروسه والناس ذبحولى بقره او عجل وانا اخدت نصه الامامى عندى فى الثلاجه كتجهيز لبيت الزوجيه وتبقى نصفه الخلفى وكان شكله جميييييييييبل جدا ولحم احمر صافى وكميه كبيره مش مقطعه والناس بيقولولى خديه وانا بقول مش عندى مكان بس جوايا نفسى اخده..

من قبلها بفتره كن بحس بدوخه وغممان نفس وكنت فكراه حمل بس ماطلعش حمل وكنت بحس ببعد عن زوجى او بعض القرف بس كان بسيط وعادى

فى يوم من الايام صحيت من النوم وكان جوزى بيلبس هدومه ورايح مشوار وأول مابصيتله قلبى انقبض جداااااااا وحسيت اننا هانتطلق اوى حاجه هاتحصل تبعدنا عن بعض.
وفضل الاحساس ده ملازمنى وفضلت مخبياه جوايا
لغاية قبل سفره بيوم وكل اهلنا عندنا بيسلموا عليه حسيت بخنقه جدا ودخلت القوضه وقعدت اعيط عياط هستيرى ومش طبيعى وانا ماعرفش مالى
كل احساسى ان فى حاجه هاتفرقنا.ومش السفر.
وبعد سفره استمر البكاء الهستيرى ليل نهار لمدة خمس ايام متواصله وانا ماعرفش مالى

لعاية مافى يوم كلمت صاحبتى لانها تعرف شيخ ييجى يقرا على

صاحبتى قبلها حلمت انها فى مكان مع صديقه ليها وصديقتها حامل وحوالينا ناس وحشه اوى وهى بتدافع عنى وفاجأه مالقيتنيش حواليه وشافتنى راكبه عربيه وفى شئ زى النار ماسك راسى.؟

المهم كلمنا الشيخ فى التليفون وسالنى على بعض حاجات وقالى انه مس عاشق وقالى اقرى سورة البقره كل يوم لغاية ما اروحله فى المعاد
اما رحتله قرا على وماحسيتش بحاجه بس بعد ماخلص قرايه حسيت بعض حرقان ووجع فى ايدي الشمال وصداع نصفى فى الناحيه الشمال
الشيخ اكد كلامه وادانى ايات للحرق اقراها كتير كل يوم الصبح وباليل وايات للعشق اقراها على ماء واشربه ورقيه واقرى سورة البقره كل يوم والمحافظه على الصلاه والاذكار وادهن جسمى بزيت زيتون مع زيت نعناع مقرى عليه سورة البقره واشرب ماء قران واستحم بيه

بعد مامشيت على البرنامج تعبت كتيييييييييييير بس كنت بتحسن نوعا ما
يومين اكون كويسه ويومين لا وهكذا.
على اساس امشى على البرنامج اسبوعين وبعد مارحتله بعد اسبوعين كنت اتحسنت لكن هو قالى لسه نكمل كمان اسبوعين ومن بعد مارجعت من عنده وانا جسمى بيوجعنى من جوه اوىىىىىىى وقلبى مقبوض وحاسه بهم وخزن فظيع وخنقه وكتير اوى بعيط
وبدأت احس باليأس جدا وان مفيش فايده وبعدها بكام يوم كنت تعبانه اوى كلمته وقلتله انى ماشيه على البرنامج وكمان بزود عليه كتير من عندى حسيته استغرب وقالى اكتر من قيام الليل والدعاء وانى ابطل تفكير ويأس واخلى نفسيتى احسن



انا مشكلتى انى بحس بلحظات بيأس جدااااا وببقى عايزه اموت واخلص من احساس الخنقه واليأس ده .وده بيكون غصب عنى والله لكن اوقات بكون كويسه جدا

طول الوقت مش قادره اكل ولو كلت اتعب اوى احس ان جسمى بيوجعنى جدا وعندى غثيان وهم فظيع

المهم انى اصلا عروسه جديده وصعبان على نفسى اوى انى عايشه فى كل الهم والحزن ده
نفسى اقبل على الحياه ويكون عندى امل فى الدنيا لانى مش عايزه اعمل اى حاجه فى حياتى وماخرجتش من البيت من شهر تقريبا
لان كل اما اخرج يجيلى وجع الجسم ده وبحس انا من كتر الوجع عايزه اقطع جسمى زى المدمنه


انا سعات بشك فى نفسى انى مش عندى حاجه وان دى حاله نفسيه

بس بجد بجد مفيش اى حاجه ممكن تسبب الحاله الفظيعه دى
لانى تقريبا مش عندى اى مشكله فى حياتى

قلت للشيخ انه ممكن يطلع الشئ ده هو وانى تعبت قالى ممكن اعمل كده بس هايرجع تانى وانه مش عايز يدينى مسكن وخلاص عايزنى اجمد واخلص منه انا.

ده كتير على اوى انا تعبت جدا جدا لانى حاسه انى ميته بجد مش بحس باى مظهر للحياه.
انا طول الوقت بصلى وبدعى وبصلى قيام ليل وبقرا قرأن كتير جدا غير سورة البقره وبقول الاذكار والايات الى هو ادهالى وبحط الزيت وحاسه انى يعملللل كلللللللللللللللل حاجه ومش فى اى بارقة امل.

انا بأه مش عارفه اكمل فى نفس طريقى ولا اروح لحد تانى يعالجنى هو واخلص ولا انا أصلا مش عندى حاجه ولا ايه؟

ارجوكوا الى عندها خبره تفيدنى لانى مشتته جدا وتعبابه اوى بجد وصعبان على حالى والى عاملاه فى اهلى وجوزى وكل الناس.