شلوونكم وشخباركم عساكم مرتاحين
زوجي من جم يووم سافر , ما طول بالسفرة كلها يومين بس طبعا انا حسيتهم دهر (a)
المهم حبيت اني افاجأه بشي بسيط مني , وعلى فكرة ترى كل الاغرض الي بتشوفونها كانت موجودة عندي من زمااااان يعني ما شريت ولااااا شي
المهم مابي اطول عليكم
بس قبل لا ابدي بقول انه الموضوع مجهودي الشخصي وصور خاصة فيني وبس , غير مسموووووح بالنقل بذكر المصدر أو بدوونه
أول شي صور التجهيزات
طبعت بطاقات فيها كلام عن الشووق
وزينتها بستيكرات و أقلام فيها مثل الطوابع
وبعد استخدمت الشرايط للتعليق
وشفت فكرة شهادة الشكر وكانت من فترة في بالي فسويتها
هذا الغلاف الي بالصورة لونه عنابي ماخذته من مكتبة جرير ,حطيت داخله الشهادة
وبعدين خرمت البطاقات بالخرامة وحطيت داخل الفتحات الشريطة عشان اعلقهم
وبعد زينت شهادة الشكر , وزينت الغلاف
عندي قنفه حطيت عليها شيفون أحمر وزينتها بالدبدوووب و كلمة love
وهذي الصورة عقب ما نثرت عليها الورد الصناعي
وهذي شكل البطاقات عقب ما علقتهم بالغرفة
وعالباب عبارة welcome home sweety
راح تلاحظوون الكوميدينو زينتها بعد بالشيفون الاحمر
وحده حطيت عليها برواز مضيء شكله روووووعه وطبعا بعدبن حطيت فيها صورة ريلي
والثانية عليها شهادة الشكر ويمها وردة مضيئة
شكل الكوميدينو أوضح
وصورتها بالاضاءة والظلمة
وبس هذا كان تقريبا كل شي ,حبيت أسوي شي بسيط عشان يحس انه دوووم في بالي حتى وهو بعييد :)
ان شاء الله تكوونون استفدتوا مني ولو شي بسيط وعاد لاتنسوونا من دعواتكم
واذا حبيتوا الموضووع لا تنسوون تقيموني :D
ياريت تعطوني خبر اذا الصور طالعة أو لا :: شكرا ::