©{« للإستفسارات المتعلقه بمحلات العطور فقط »}©

الرجاء منكم ياعروسات
ابي اعرف وين تنباع عطور هالستون Halston في السعودية

بنات الرياض لو سمحتم فين محلات العطور الحلوة...وتكون مضمونة واسعارها كويسة
وياريت وصف دقيق معلش :)
وشكرا

كيتي
بصي هنا

http://forums.3roos.com/t408494.html (محلات الجمله سعرهم أرخص!!!وهذي أماكنهم عشان عيونكم)

سوال انا من الامارات وخصوصا من بوظبي

بغيت اعرف وين الاقى محلات نكتار زهور الريف في بوظبي

واذا في محل يبيع عطور وكريمات واشياء من ماركة فيكتوريا سيكريت ياليت حد يدلنى دخيلكم

انا ابي اعرف محل جنيد في مجمع الظهران يكون مدخله عند اي بوابه...

لآن رحت من فترة ومالقيته.

خلااص عرفت موقع سيد جنيد وشريت منه عطوور

لحقونى يابنات الامارات وخصوصابوظبي


ابي اعرف وين يبيعون ماركة فيكتوريات سيكريت من لوشنات وعطور وين ببوظبي


الله يخليكم

السلام عليكم شحالكم عرايس الحلوين


حبيت استفسر او اسال ابغى لوشنات حق الجسم تدوم رائحتها وتكون حلوه

سوا عود او ورد او اى شي من الروايح الحلوه

وانا من بوظبي اذا في محل يبيع ياليت حد يدلنى

والله يعطيكم العافيه

تذكرو لوشنات

في محلات تبيع اطقم عطور معاهم لوشنات حد يدلينى ببوظبي وين لان الصراحه باريس غاليري يبالغون والله دايم امى تقول يقصون عليج

فابي لوشنات

انا سمعت البنات يمدحون البدوى شوب بس لما اروح هناك مااعرف شاخذ انا ابي طقم من بدوى شوب يكون ريحته حلوه وقويه

صح وحبيت اعرف وين يبيعون منتجات فيكتوريا سيكريت ببوظبي

وابغى عطور للجسم سبراى يكون فيه لمعه يعني يتكون على جسمي لمعه


بليز طلبتكم يابنات الامارات وبوظبي وبنات الدول اللعربيه

يابنات وين الاقي هذا العطر فيفث من اليزابيث اردن

في اي محل في البحرين الي تعرف ماتبخل عليه بالرد

حاولت ادوره ومالقيت الي عنده فكره تخبرني

السلام عليكم اشحالكم بناات
ابا اسالكم وين احسن محلات العطور بالامارات وبالتحديد
العين دار الزين
وياريت توصفوني المكاان
وشكراا

السلام عليكم..

أبغي أعرف محلات تبيع عطورات تكون أصلية وبنفس الوقت رخيصة يعني باختصار ( رخيص وقوي) .

أني كنت مسافرة بالصيف اخذت عطر من السوق الحرة اب 30 دينار وانصدمت لمن رحت دبنهامز وشفت سعره 40 دينار :eek:

ومنها قررت ما أشتري من هالمحلات الحرامية أمثال دبنهامز والحواج وفيسس.

فقلت ماليي اللا بنات عروس ايدلوني على الأماكن اللي فيها فرق في السعر وعطوراتها اتكون أصلية مو مالت دبي .

وأتمنى أنكم اتفيدوني :)

انه بعد ابي اعرف

محلات امينة محرق

انا ماأثق الصراحة في المحلات لأن احس عطورهم مب اصلية
اذا اسافر اشتري من السوق الحرة او الحواج او المؤسسة الإستهلاكية

حبيبتي انا بقوولج عن محلات ريحته مثل الاصلي بالضبط بس اسعارها اقل ب 5 او 6 او 10 دينار

الضاحيه في محرق معروووف هالمحل

السعد في المحرق روووعه

في مجمع اللولو محل فوووق رحت عنده رووووووعه كله يبيع طقم كامل وفيه بدون بس عجبني لان حطيت لي من عنده عطر قس على دفتي ويومين اشم الريحه

كلهم اصليين ومضمونييين واسعارهم رخيييييييصه

مشكورين بنات على الرد وبحاول أروح هالمحلات اللي قلتوهم مع أن المحرق بعيدة عني

ياريت اللا يعرف بعد محلات يخبرنا ..

عروس البحريين : ياريت اتخبرينا الضاحية والسعد أي صوب ايصيرون بالضبط

واتمنى من البنات اللي تعرف أسماء محلات غير اتخبرنا

ان شاء الله بنات البحرين يفيدونك

انوارة;10600005:
عروس البحريين : ياريت اتخبرينا الضاحية والسعد أي صوب ايصيرون بالضبط

واتمنى من البنات اللي تعرف أسماء محلات غير اتخبرنا

انواره يصيروون في سووق المحرق الضاحيه يصير قبل وامشي شوي بتحصلين محلات السعد بعد يبيعون قمصان نوووم روووووعه وايد حلووه للعرايس :o