شنو ممكن اعطيها غير الحليب؟؟؟؟؟

هلا عيووون شلونها قصودة ؟

ارنوب اليوم كمل 3 شهور ماشاء الله ، و اعطيه من اسبوعين منقوع التمر و كلش يعجبه !

طريقته : أذوب 3 تمرات في 120 مل ماء فاتر و بعدها أصفيه من النواة و قشر التمر اللي ظل و اخليه بالمرضعه يشربه .

قبل مااعطيه بحثت عنه ، و النتيجة كانت انه جيد للرضع بس بعضهم يتحسس منه او يسبب له اسهال .

انا جربت و الحمدلله ماصارت هالاشياء .

فلو حبيبتي تسوين للأمورة لاحظيها بعد ماتشربه ما يصير لها شي .

مشكورة انوثه فديتج
بس انا اعطيها منقوع التمر حبيبتي
كنت ابي شي ثاني...يصير مثلا شي مهروس؟؟؟؟ لانه اهلي يقولون عادي عطيها اكا انتي يوم صغيره عطيناج,,,,

بنتي اعطيها سيريلاك بالارز زين ومايسبب امساك او اسهال

عيون بنت عون ..

تقدرين تضيفين كسرت بسكويت الخاص بالاطفال في مرضعه ..
وعصير برتقال مخفف في بالمااي ..!(كلام دكتور )

وفي ناس كثير يبدائون يذوقون عيالهم من هذا السن مثلا تذوويق اكثر من اكل ..!
ال سيريلاك اول شي ابدائي بالارز ..

وموفقه ..!

saro0o;9919880:

هلا اختي مامتي تقولك شربيها عصير مخفف برتقال (طااااازج)انتبهي مو معلب )يعني تحطي ربع عصير والباقي مويا >>عشان يعطي الطفل مناعه والسيرلاك نوع الارز اللي لونو ابيض عشان هذا خفيف على الطفل ومفيد والقمح لمن انشاءالله يسير عمرها 6شهور. انتبهي من العسل . ممكن كمان موز مهروس بس اعطيها مرررره شويا عشان تعرفي ممكن يكون عندها حساسيه بعد الشر . وكمان لمن توديها للتطعيم اطلبي من الدكتوره كتيب اكلات الاطفال .
انشالله اكون افدتك ويارب تتربى في عزك
امووووت في الصغاااار :o

حبيبتي قولي لامج ترى البرتقال الطبيعي حتى لو مخفف يظل ثقيل على الاطفال اللي بهالعمر

حبوبة بنتج صغيرة افضل تنتظرين على الاقل تكمل خمسة اشهر وبعدين ابدأي يالسيريلاك

انا بقولج مع بنتي شنو عطيتها

لما كملت 3شهور اعطيها منقوع تمر و عصير مخفف

واحط بمميتها قطعه بسكوت الاطفال مع حليب

و بديت اوكلها بعمر 4شهور بضبط بديت

بالخضار كل يوم نوم خضار

مثلا اليوم كوسا مفيوحه و مهروسه و شويه ملح عليها

ثاني يوم عطيتها جزر و ثالث يوم جزر و كوسا

و بعدين باميه بروحها و يعني كل خضرا بروح عشان تعرفين اذ فيها حساسيه ولا لا

و الحين اسم الله عليها اخلط لها خضار كله مسلوقه وتاكلها

اعطيها عيش يكون لين و ابيض بدون اضافات بس ملح و شويه دهن العيش احطه بلخلاط

ومع روب اعطيه

و اعطيه روب بروحه و اعطيها فواكه يوم تفاح يوم موز يوم خوخ مهروس طبعا

و اعطيه بسكوت مع حليب و جاي

ليلحين ماعطيتها سيريلاك الاكل كله من بيت

و اي اعطيها مرقت لحم طبعا بدون لحم ولا مرقه دياي مع العيش

ان شالله لما تكمل 6 شهور و نص بعطيها عيش بدون ما احط بخلاط

واعطيها شوربه

و ع 7 شهور بشوف لها سيريلاك ان شالله

وايد تحجيت مو بس هذا لي اعطي لبنوتي

ام ملاك محمد;9921851:
حبيبتي قولي لامج ترى البرتقال الطبيعي حتى لو مخفف يظل ثقيل على الاطفال اللي بهالعمر

بالعكس سنها كلش مناسب بس اهم شي يكون مخفف وبدون سكر او قليل جدا !!!

خضار مسلوقة في البداية كل شي بروحه وعقب تقدرين تخلطينهم لها
فواكه مسلوقة خليها لها في الخلاط وسوي لها رز لين والماي تبعه
السيريلاك ابتدي معاها اللي على رز والقمح اجليه لعقب

شلون اعلم ولدي على المرضاعه :( ياريت احد يساعدني

بنتش صغيرة على الاكل

صبري لما تكمل 6 شهور بعدين اكليها

إذا اكلتينها احين ما بيصدها شيء في الكبر بيطلع

اكثر الناس الا صادهم سكري وفشل كلوي من الاكل المبكر

لا تستعجلين عليها ما عليش من كلام الناس اهم شيء مصلحة بتش

بنت BH;9924052:
بنتش صغيرة على الاكل

صبري لما تكمل 6 شهور بعدين اكليها

إذا اكلتينها احين ما بيصدها شيء في الكبر بيطلع

اكثر الناس الا صادهم سكري وفشل كلوي من الاكل المبكر

لا تستعجلين عليها ما عليش من كلام الناس اهم شيء مصلحة بتش

مشكورة ع المشاركه
بس غريب كلامج
الحمد الله انا واخواني امي كانت تاكلنا ولا صادنا اي شي.. ومو بس اخواني حتى اقربائي
يمكن انتوا ماتأكلون الطفل الاكل المناسب عشان جذي يتضررون لما يكبرون...

مشكووراااات حبيباااتي ع الردود الحلوه
وياريت كل ام فينا تدخل وتكتب شنو بدت تأكل اعيالها وفي اي سن عشان يكون مرجع لي ولكم للأستفاده..

عيون بن عون;9926917:
مشكورة ع المشاركه
بس غريب كلامج
الحمد الله انا واخواني امي كانت تاكلنا ولا صادنا اي شي.. ومو بس اخواني حتى اقربائي
يمكن انتوا ماتأكلون الطفل الاكل المناسب عشان جذي يتضررون لما يكبرون...

هذا مو كلامي هذا كلام دكتورة الا تعالج بنتي

وعايلتنا الحمد الله ما فيها هذه الامراض

وبعد اخذت احتياطي واكلت بنتي لما كملت 6 شهور

زين;9923871:
شلون اعلم ولدي على المرضاعه :( ياريت احد يساعدني

للأسف ولدي الاول حاولت معاه بعد ما كمل ال 4 شهور و ما نفع لأنه تعود ع الطبيعي و بس !

بس ما جربت حلمة المرضعه اللي مثل حلمة الصدر ، وحدة نفعت معها !


هالمرة أخذتها درس و عطيته من ثاني يوم ولادة .. !

انا مع اختي بنت BH الاكل بعد 6 شهور،، وهذا الكلام طبيا،،صحيح كلامها
انا اختي ما اكلتها الا بعد ست شهور والحمدالله ماشاءالله عليها ما عليها كلام
وصحيح ما في شي يظهر الحين كل شي في الكبر ،،،
والوحدة ليش مستعيلة عالاقل ،، هم لو كلو ترى باالنهاية بعد يبون الحليب
واخر شي بياكلون ان شاءلله وبيملون من الاكل ،،

زين;9923871:
شلون اعلم ولدي على المرضاعه :( ياريت احد يساعدني

هلا اختي حاولي تجربين له هالمراضع الي تكون نفس حلمة الصدر تقريبا
واغلب الاطفال يتقبلون ايفنت جربيها وان شاءالله تنفع وياه

ماقصرتوا يالغاليات ع الردود
وعساااااااكم ع القوة

الأكل للطفل لما يوصل الست شهور...كل الأطباء ينصحون بذلك...الطفل لا يحتاج غير الحليب في مرحلة الست شهور الأولى .....معروف هذا الشي ....أستغرب منكم لما تقولون شو نأكل الياهل....حبيبتي أنتي لوأكلتي قبل أوانه فإنتي تخلين النكرياس والكلى تشتغل قبلأوانها وتتعطل لما يكبر ويصير يال قبل أوانها ..............على شو مستعجلة...........بيآكل لما يكبر...الحين ما يبغي غير الحليب وأسألي أي أخصائية تغذية للأطفال ..