بنتي عنيدة عصبية مزاجها صعب

الموضوع واضح عطوني الحل تعبت والله تعبت حتى مرات ابكي من كثر ما أنا خايفة عليها بنتي لانها وحيدة حتى تلعب لوحدها الا اذا احد جانا والسبب انها الوحيدة في البيت وفي الحي ما عندنا احد بسنها وين تلعب غير مع نفسها وطول الوقت مع التلفزيون احاول ابند التلفزين ماشي فايدة اروح بس دقيقة ارجع اشوفه مشغل اشيل المحول اتروح للتلفزيون الثاني شو اشيل المحول صعب حطي وشيل حي وشيل وما تجلس الا مقاربة للشاشة بالغصب اشيلها بعد ما اصرخ واعصابي تفلت بالعافية ترد علي والقهر انه وهي عند التلفزيون لو كل البيت ناداها أبدا ما ترد كأنها ما تسمع لين نعصب بس اذا قلت بندو التلفزيون بترد يعني هالكلمة تسمعها لكن شي ثاني لا ما ادري ليش هل هالشي عادي وطبيعي ولا شو السالفة وهذا كوم والعصبية كوم ماحد يقدر يقول كلمة لها الاعصب وصرخت وزعلت مو تعصب على الي مزعلنها والي منازعنها لا بتغضب على الجميع وتصرخ على الجميع وعنادها ياربي على عنادها الي براسها بتشويه بتسويه غصب عنا حاولت معها بكل الطرق قلت لها الي يبكي ابدا ما يحصل الي يباها لكن ابدا هالكلام ما ينفع معها ... وما ينفع معها اني اقول لها بتستوي بنت شاطره وحلوة والكل يحبج ابدا هالسوالف ما تمشي عندا الحين بس تقتنع ان الي يسوي غلط الله يزعل منه هالشي مساعدني بشكل بسيط شوي تخاف لما اقول لها الله بيزعل منج هي ماشاء الله عليها لبقة ولماحة الله يحفظها بس تعصب فيني واخاف هالشي يأثر على مستوى التفكير عندها او هالعصبية تقلل من نسبة التركيز والتلفزيون الجلسة معه بصراحة احس انها تقفل الذاكرة لان التركيز يكون على شي واحد بس عطوني حل ما أبا نفسيتها تتعب لأن هالشي طبيعي يأثر على الطفل كيف أهتم فيها كيف أحافظ على مستواها كما هو وأتقدم فيه للأفضل ........من كثر جلستها مع الرسوم المتحركة تتكلم بالعربي الفصيح في كثير من كلامها وبصراحة أخاف عليها خاصة من الناس تقلد الرسوم بالضبظ وبالعربي الفصيح ماشاء الله عليها هل حدعنده هالمعاناة مثل ماهي عندي وكيف نتصرف مع هالنوعية من الاطفال وشو سبب هالحالة بالضبط وعلى فكرة بنتي ماشاءالله عليه كثيرة الأسئلة بس أحس هالشي عادي مع جميع الاطفال بس لو شي بسيط بطلع عليه كم سؤال حتى أتملل من الاجابة وأخليها تسكت بالغصب بس مرات تصعب علي لأنها وحيدة وما عندها حد يمكن هالشي تعويض بس أنا فعلا خايفة عليها انصحوني ابا حد مختص ينصحني ويعلمني كيف اتعامل معها الحين بس اركز على وجود الله حتى مرة شفت نزلت تحت كانت زواقفة على بالي جلست طاحت اسألها شوفيج ليش جلستي قالي ماشي ماما بس نزلت علشان امسك ايد الله ونمشي سوا للصالة لان كنا في الغرفة فهالشي ساعدني اقولها الله بيزعل ما نزعله بالغصب تسوي الشي الي اطلبه