شجرة بيتى وقعت

.* اميرة *. 12-07-2009 46 رد 3,198 مشاهدة
.
السلام عليكم ورحمة الله وبركاته

انا عارفة ان العنوان غريب بس هى دى الحقيقة صحيت الصبح الساعة 6

على صوت مخيف وقوى قمت من نومى وانا خايفة وبترعش لاقيتها على

الارض من غير سبب اللى كانت شامخة وقوية وقعت فجأة من غير مقدمات

نزلت شغلى وانا بصالها عينى ماتشالتش من عليها بودعها وبقولها كنتى


اللى بيضلل على بيتى فى عز الحر كنتى اجمل منظر بشوفه كل يوم الصبح

بحب وردك ولونه الاحمر بحب ورقك الاخضر فى عز الشتا والمطر نازل يرويه

بحب صوت عصافيرك اللى كل يوم بتصحينى كنت براقبك يوم بيوم وانتى

بتكبرى وبتقوى بتمدى جذورك اكتر

بس ........ معلش اعذرينى عمرى فى يوم ماسقيتك ولا راعيتك كنت

فاكراكى هاتعيشى اكتر من كده كنت باجل رعايتى ليكى كل يوم واقول بكرة

ماهى موجودة

حسيتها بترد عليا وبتقولى دلوقتى افتكرتى؟ كنت بديكى ومافكرتيش

تراعينى ولا تحسينى

انا مهما كنت شجرة الحقى اللى بجد حواليكى وبتاجلى التفكير فيهم

فهمت قصدك فهمته بجد زعلانة وندمت على

الوقت اللى فات

يارب سامحنى انا غلطت فى حقهم

يارب قوينى عشان اقدر الرد الجميل للى بجد عاشوا عشانى ربنا يديهم

الصحة والعافية يارب ادينى القوة عشان اكون بارة بيهم ومايجيش يوم ابدا

اندم .... يارب احفظلى ابويا وامى واعيش العمر تحت رجليهم


شكرا ياشجرتى الحبيبة اديتينى اعظم درس فى حياتى
r
موضوع جميل جدااااااااااااا يا اميرة

وفعلا هي دي الحقيقة

انا جدي لما مات حزنت كتير كنت فاكراه هايعيش ليوم فرحي وهايعيش معانا اكتير

ولما مات قولت يا رتني كنت اقعد في حضنه اكتر يارتني كنت مدديت ايدي ليه اكتر

ولغايت دلوقتي بندم كتير وبيوحشني كتيررررررررررررررررررررررر

الف الف الف الف رحمة عليه هو وجدتي واموات المسلمين
ب
اااااااااااااااااااااه موضوع صعب اوي بس بجد ياريت الناس تاخد بالها علشان النهايه فعلا بتيجي في ثانيه ومن غير مقدمات
ربنا يرحم ماما ويغفر لها ويدخلها الجنه بغير حساب ولا سابقه عذاب
.
تسلموا على مروركوا وردكوا اللى اسعدنى
&
موضوع في قمه الروووعه..تسلمين حبوبه..
.
Green salad

يسلم قلبك يارب

وميرسى على التقييم
*
موضوع جميل اوى

فاكرة ان قريت المعنى ده قبل كده

بس مكنش بصدق اوى كده

كلامك ادى للموضوع عمق خاصة ان الحاجة اللى بتحصلنا

او بتحصل لحد قريب منا دايماً بتكون اقرب للتصديق واحساس فيها بيوصل اوى

لازم ندرك المعنى ده لأن دايماً منعرفش معنى الحب إلا لما ندوق معنى الفقد

غريب الأنسان ميحسش بغلطه الا لما يلاقى عواقبة وخيمه

يارب محدش فينا يوصل للمعنى ده ابداً


جميلة يا اجمل اميرة :)
.
ميرسى يااحلى يارا على ردك نورتينى
ع
يعطيك العافية مو بس لامنا وابونا في كثير بحاجة لنا ويحبونا واحنا مهملينهم ما نحس بوجودهم الا لمن نفقدهم شكرالك غاليتي
.
عروس وقمر عندك حق
ميرسى لردك الجميل
ر
عجبتني جدااااااا
ف
يسلموا عزيزتي
مانعرف قيمة الشئ الا اذا فقدناه
.
روزة روزة و فراشة*حبيبها تسلمو على ردودكوا الحلوة
ع
كلامك جميل يا اميره
طبعا من صفات الانسان ان مش بيقدر قيمه الحاجه اللي في ايديه غير لما يفقدها او يجرب نفس المعاناه اللي عشها الطرف التاني
انا معرفتش اد ايه امي تعبت فيا وفي تربيتي وتربيه اخواتي غير لما جبت بنتي
بجد عجبني اسلوبك اوي ربنا يخليك كل احبابك
s
موضوع حلو اوى تسلم ايدك وفعلا هى دى الحقيقة الواحد مش بياخد باله من حجات كتير اوى حواليه المفروض يديها اهتمام اكتر من كده لما امى توفت حسيت بكده اوى الله يرحمها
ا
موضوع حلو اوى يااميرة تسلمى ياقمر
ن
احساس قوى جدا ورساله ربنا بيبعتها لنا علشان ناخد بالنا واهم حاجه نفهم الرساله لازم نخلى بالنا من والدينا دول نعمه كبيره سبحان الله ربنا يبارك فيكى يا اميره موضوع رائع واحساس مرهف
ا
مشكوره على موضوعك الراقي يااااااااعسل
والله يعوضك بشجره ثانيه
.
تسلم ايديكوا على ردودكوا اللى فرحتنى وعطرت موضوعى

ربنا مايحرمنا من كل اللى بنحبهم ويقدرنا نوفى حقهم يارب
ن
يعطيك ألف عافية
والله يحفظ لنا أحبابنا
X