بقول لكم موضوعي ؟

الي سويتيه صح هو مثل ماقلتي مايستاهل وخله يزعل ويمد البوز لحد ماتكبر براطمه شوه يعني هو في الاساس لا يسئل ولا منه فايده خليه على الاقل بهل حركه بيحس انج ما انتي غبيه وعارفه انه مراح يرجع الفلوس حسسيه انج غير مباليه فيه ولا في زعله يمكن يحس على دمه شوي
والله يوفقج اختي ويعينج

لا تعطييييينه ولا فلس ..

انتي من الاساس مو رااااضه عنه !!!!!!!

خلااااااص خليه يمد البووز .. قولي له الصراحه انا مو مستحبه اعطييك .. انت وااايد مقصر ويااااااي ومو القبلي .. عطييييييييه كاااش فالويه

وبعدييين هو ليييش يبي الفلوووس!!!!!

لا تعطيه مايستاهل

عزيزتي الي سويته عين العقل.... زوجك ما ينأمن له.... من موضوعك السابق هو طول الوقت ماد البوز خله بيرجع من نفسه ....طنشيه ولا كانك مسوية شي و الله يصلحه و يهديه

دامج موب مستحبه لا تعطينه دامه مقصر وياج
انتي سالتيه حق شنو يبيهم ؟

اساليه ليش بيريد هالفلوس و بعدين اذا كتان الموضوع مستاهل اعطيه ولما هتعطيه حيحس انك احسن منو و بتصور هيغير تعامل معاك حبيبتي و حتى لو ما غير ما تشغلي بالك لانك عاملتيه بطريقة زينة و كوني متاكدة انو في قرارة نفسي بيعرف انك تستحقين معاملة زينة

الافضل إنج ما تعطينه... بيزعل جم يوم وخلاص.... بس لو راحت الفلوس وانتي ما تشتغلين وهو ما يصرف عليج من وين بتصرفين ؟؟؟ الي سويتيه عين العقل

هذولا الرجال مايستحوون

عزيزتى انا من موضوعك الاول ما كنتش من أنصار رجوعك لزوجك بس لقيتك إنتى عايزة تلمى شمل الاسرة فقلت ربنا قادر يحقق لك اللى فى نيتك ويهديلك زوجك .
عموما دلوقتى زوجك بيعرف إنتى عندك فلوس ولا لأ إزاى ..مع نوعية زوجك دى المفروض إنه مايعرفش حاجة عن حالتك المادية خالص وحتى لو معاكى ماتوليش له ودايما اتحججى إن الفلوس خلصت أو إنك رحتى الكوافير وعملتى شوية حاجات استهلكت الفلوس منك ..زمثلا اهلك كانوا مزنوقين وطلبوا سلفية منكى وإنك طلبتى إنهم يكتبوا وصل أمانة بالفلوس لأن الفلوس دى حق أولادك برضه ولازم يعرفوا حقوق امهم اللى بره(طبعا الكلام ده كده وكده يعنى علشان زوجك يفهم ويحس على دمه ولما ييجى يطلب منك فلوس يبقى عارف إنك مش هتفرق معاكى علاقتكم ببعض وإنه هيبقى تعاملك معاه زى تعاملك مع أهلك لأن مادام هو مش امين ومش كويس يبقى لازم اى تعاملات مادية بينكم تكون بأوراق رسمية )حاولى دايما تخبى عنه القيمة الفعلية لفلوسك واتحجى دايما طبعا مافيش مانع لما مثلا ييجى ويطلب منك فلوس كتير زى الالف اللى طلبها دى تقولى له مثلا إن اهلك سبقوه وطلبوا منكى فلوس سلف وإنك سلفتيهم وغنه مش باقى معاكى دلوقتى غير مبلغ صغير(مثلا 300 أو 400)وإعطيه إياه علشان مايعملش مشكلة معاكى ومايشكش إنك بتتهربى من إعطائه الفلوس.
وربنا يصلح حالكم وإدعى دايما بالهداية له وإن ربنا يكفيكى شره

لاتعطينه ولا شي خله يزعل من اليوم لي باجر

انتي سواء كان راضي ولا زعلان ماسوى لج شي

هالدور يمد البوز.. قلعه تقلعه ~

اللي سويتيه صح 100000000 بالاميه

هو لازم يعطيج فلوس فوق فلوسج مب ياخذ منج

..

أكيد لاتعطينه ,, دام مايصرف عليكم فااحفظي الفلوس لك ولعيالك :)

الله يسعدك ويهديلك زوجك ,, وعليك بالدعاء أختي ....

حبيبتي الغاليه
عنده بالبيت اربع جدران يضرب راسه بأي واحد يختاره
وخله يمد بوزه لين ما يوصل لحضنه وماعليك منه لانه انسان وقح بصراحه
فوق شينه قواة عينه.
بالنسبه لك انتي علشان تفتكين من هالاحراجات الي تصير منه ادعي انك
خسرتي فلوسك بالاسهم مثلا او انك اشتريتي فيهم ذهب لك.
واقطعي الامل منك وخليه ينسى يطلب منك مره ثانيه.
تحياتي

الله يقويك عليه يارب

الي سويتيه صح ميه بالميه لانه مايستاهل دامه يعاملك كذا وشو له تسلفينه من زين تعامله ؟

لا تحزنين عليه :)

nodoo;9914575:
وقال انتى مو خوش زوجة لو احتاج لك ما تساعدينى

قوليله فعلا أنا مو خوش زوجه...هو أنا زوجه أصلا ؟

يعني وين مقومات الزواج اللي تتكلّم عنه ؟!

مطلوب مني أكون خوش زوجه...و إنت ما تفعل أي شيء أبدا علشان تكون خوش زوج !

خلّي فلوسك معاكي أختي...إنتي الحين ما تشتغلي...و ما تعرفي الزمن إيش فيه...

انا مع الاخوات ، انتي ما عندك مصروف واولادك محتاجين الفلس وهو ما سائل عليكم ولا مهتم، ومثلما فهمنا منك زوجك مال سهرات وسفرات وسوالف ، والله اعلم شو بيسوي بهالفلوس يروح يلعب بهم .

اذا هو مصمم قولي انك صرفتي الفلوس وما عندك .

ونصيحة اختي انك ترجعي تشتغلي اذا تقدري عالاقل الشغل يخليج تشغلين نفسك وتعتمدي على نفسك لأني وبكل اسف اقولها مثل هالزوج ما تأمني شره ، باكر يمكن يقولك روحي بيت اهلك او يروح يتزوج وحدة ثانية وما اسهل زواجهم من الاسيويات والاجنبيات. عالاقل تضمنين مستقبلج ومستقبل اولادج.

الغاليه ..

انا الصراحه سيكلوجيه زوجك مب قادره للحين افهمها...

يعني خليني احط الصور جدامك على حسب كلامك طبعا..

انتي قلتي هو ولد عايله وعايش بخير ويصرف على عيالج وحاطهم بمدرسه خاصه ..

- نص وقته عايش برع البيت صاره على هالحاله شهور طويله ما منه عدال...

- ولا حق من حقوقك الشرعيه ماعطج اياها ...

- كلمتي اهله ما انصفوج ومحد وقف في صفج بما فهيم امه ..

- طلع من البيت اول ما عرف انج حاجيتي اهله .. وذليتي عمرج .. عشان يرجع..

طيب الحين حاجته للفلوس هي حق شنو ... مايقدر يطلب اهله ..لان يمكن يلعب فيها بالحرام..

دامه محتاج ليش ما ياخذها قرض .. من اي بنك .. ( الف دينار ) مب مبلغ عود بالنسبه حق شخص بخير صح !!

يعني مو غريبه شو طلبه ان يطلبج .. هالمبلغ وهو داري انج ما تشتغلين وماعندج .. الا اذا حاط بباله ان يبي يخليج على الحديده عشان ما تفكرين تتخلين عنه وما عندج.. منفذ..

سمعيني الغاليه .. لو كان زوجك صالح ... جان بقولج معلش وشعاد .. لكن زوجك مب عدل اختي .. وللامانه انا مادري على شنو متمسكه فيه ..

فياليت .. تشيلين فكره انك تسلفينه حتى دينار لانج لو سويتيها ما بتلقين الا وجع القلب ,, زوجك قالها من قبل هذي حياتي وما بغيرها ... الحين بغيرها عشان 1000 دينار ( صدقت )

اذا الشي ما جا من نفسه وحس ان هو اصلا مقصر وترك اصحاب السوء .. هني .. الواحد شوي يمكن يفكر..

خله يزعل ,,, ويسلفونه ربعه الي خامر عندهم..خل يعطونه مب هم .. الي يسهر عندهم ليل نهار .. وين راحو ..!!

صح ولاغلطانه

ام جنى

طبعا هو من انا ما عطيته الفلوس من يومها يكلمنى ويعاملنى بغضب وكأنى حشرة ولا يعطينى ريج حلو ويقول لي انتى مو زوجة سنعة الوحدة اذا زوجها احتاج مبلغ زوجته ما تقصر عليه وانا تسلفت من الغير الله لا يحوجنى لج... انا سكت وقلت له انا مو زوجة سنعة لا انت الزوج اللي طول اليوم تاركنى وما تدرى عنى الا يقول بس هاي اللي هامج وذابح طلعة ومعاشرة وقعدة معاج ...... حسبي الله عليه دنيا وآخره قبل كنت ادعي له بالهداية بس احين ادعى له ان يدخل غرفة الانعاش عشان يعرف بقدر وقدر عيالي المسكاكين اللي اضرب ولدى المسكين ضرب عمره 3 سنوات من حرتى على ابوه المنحط عمرى ما ندمت على شي بحياتى كثر زواجى من هالمتخلف......

اختي ...

تحملي تمدين ايدج على ولدج ....

اذا ما تبين ريلج ..لا تقعدين تحطين حرتج بياهل مسكين لا يدري ولا يوعى .. بشي ...

الحل من البدايه بيدج.... بدل ما تاخذين عيالج وتعوضينهم عن ابوهم الي مايدري عنهم .. تحطين حرتج في هالمسكين..

ليش عشان ابوه مقصر معاج ... ,والله انا ما بيدي شي ولا احد بيده شي يسويه لج ... رجاء اخت نودو ... عيالج لا تمدين يدج عليهم امانه برقبتج ... وحرام الي تسوينه.... وحطي حرتج بشي ثاني رجاء...مخده ولا طوفه .. اي شي ..

مب هذا الي تعبتي فيه ووطلعت عينج عشانه.. مات في يدج .. شنو بتسوين .. ولا سويتي له عاهه مستديمه.. تحملي بس . ومسكي يدج

وبالنسبه حق ريلج .. ترى ما يبتي شي يديد يعني الحين انتي مب زوجه واول انتي الزوجه .. مو انتي بكل الحالتين .. اصلا.. تمثال بالبيت .. اسمه زوجه... ما اضاف لج شي ولا نقص والمفروض انتي تصيدج مناعه منه ...

ام جنى