بسم الله الرحمن الرحيم
حبيت اكتبلكم حتى اريح نفسي من الهم اللي انا فيه .. الحمد الله انا ما عندي مشاكل بفضل من الله في حياتي الزوجية ودايما اشكر الله على النعمة ...
المشكلة مو فيا المشلكة لاتنين من صديقاتي الغاليات على قلبي ...صديقاتي الاثنين عشرة عمر من زمااااان لكنهم مايعرفو بعض الاولى صديقتي من المدرسة والتانيه كانو جيراننا زمااان وسبحان الله استمرت علاقتنا الى الان انا اتجوزت قبلهم بفترة وكانو دايما يواصلوني بالجوال والزيارات والمسجات على طول
انا ابغى احكيكم قصتهم والوضع اللي هم فيه كل ما اكلمهم كل وحدة تتشكي من زوجها وحياتها .. وانا اسمع لهم و واواسيهم وارفع من معناوياتهم وادور لهم على حلول لمشاكلهم وبجد يصعبوا عليا واول ما اقفل منهم اجلس افكر وافكر وازورهم احاول اسوي كل شي حتى يخرجوا من الضيقة اللي هم فيها ...
حاكتبلكم قصة كل وحدة من البداية لنهاية وانتو ساعدني في حلول لمشاكلهم حتى اقدر اساعدهم قد ما اقدر ... حتلاحظوا انه بينهم اشياء كتير مشتركة بس سبحان الله ما صدف اني جمعتهم ببعض لظروفهم ومشاكلهم . ..
الاولى صديقتي من ايام المدرسة ملتزمة ابوها وامها مفصلين عاشت مع مرت ابوها اخوانها برة السعودية بيدرسوا امها مو عريبة .. اتجوزت زواج تقليدي من زوج شافت فيه فارس احلامها ملتزم بس مو متعصب صارت الملكة والفرح بسرعة لانه كان عنده بعثة وكان لازم يخلص الاجراءات ويسافرو .. المهم سافرو من البداية لاحظت انه مسيطر نوعا ما يعني يبغى كل شي على كيفه ما يطلب رأيها في اي شي اهم شي اغراضه حتى غسالة ما اشترى لها هناك .. خلص الدراسة و كانت هيا حامل ورجعو كان رافض يفتح لها بيت لانه كان يقول لسه ماهو مستعد ولدت وشاء القدر انه ولدها جا مريض بالقلب يبغاله عمليات واهتمام .. لما عاشت مع اهله امه كانت تددخل في تربية الولد والاب كمان دايما ينتقدوها في لبسها وطريقتها في كل شي
كانت صابرة وماتتكلم انا اعرفها حكيمة وتبغى تعيش لغاية ما صار يحطمها زوجها ويقلها احترمي امي والله ما كانت تسوي شي انقطعت عني فترة 3شهور استغربت فينها ..الاتكلمني وتقول زوجها رماها بيت اهلها لانه مو طايقها ومو قادر يتقبلها وقتها خلاص فاض بيها واشتكته لابوها ابوها ماسكت وواجهه وقلها انو زوجها مو قد المسؤوليه وقلها انها لوتبغاه تطلب بيت لوحدها وبالفعل طلبت الطلاق واعطته الولد ورجعت تكمل دراستها جلست في بيت اهلها فترة 5شهور و الولد مابينهم رايح جاي زوجها مايبغى يطلق وصار مجلس رجال ورجعت لزوجها عند اهله تاني مرة وبدأ زوجها يقلها بطلي الجامعة وربي الولد هيا عارفة في قرارة نفسها انه زوجها ممكن في اي لحظة يطلقها فاصرت انها تكمل الدراسة عاد وراها الويل ورجعها بيت ابوها وابوها قلها يا بنتي ما اقدر استقبلك عندي لانه زوجتي تبغى ترتاح في بيتها ..كلمت امه وابوه وقالو لها عشان الولد بنفتح لكم بيت واعطوها شقة في املاكهم ومن وقتها هيا فرحت وبدأت ترتب وتفرش بيتها وزوجها ماهو متقبل فكرة انه يكون لها بيت ما كان يسوي ولاشي هيا تروح بسواق اهلها كل مكان ونقلو هناك عمل له غرفة باتلفزيون ولاب توب وما فرش ولاشي في البيت جالسين على مرتبه هيا فرحت في البداية انه صار لها بيت واتفكت من اهله ومرت ابوها بس صحيت على واقع انه زوجها مستحيل يتغير من ناحيتها حاولت تتفاهم معاه تعرف ايش فيه يقلها بالصريح انا سكنت هنا معاكي عشان نشوف اذا نحن نصلح لبعض ولا لأ ؟؟؟
لاصار يهتم بالولد ومراجعته ولايقضي للبيت يقلها انتي روحي انتي سوي !!!
كلمت اهله قالو لها ما بيدهم شي دي حياته وهو حر !!
كلمت ابوها قلها استني اخوكي يتجوز (هو حيتجوز قريب ) وعيشي معاه هو ومرته اذا اتطلقتي من زوجك!!!
منجد ماني عارفة القى لها حل
والتانيه ...... كانو جيراننا زمان نحنا نقلنا من جنبهم وانفطعت اخبارهم الا بالصدفة التقينا في فرح ومن وقتها رجعنا زي اول من زمان واصلتها هيا كانت متوظفة ابوها منفصل عن امها متزوج .. برضو اتجوزت زواج تقليدي وشرط عليهم تسيب الوظيفة و كانت خطوبتها عادية سافرت شهر عسل و سكنوا في مدينه تانيه عن اهلها ومن تاني شهر اكتشفت انه مريض نفسيا يكره الناس ماهو اجتماعي يحب الوحدة ويسئ الظن باي احد.. يقلها انا ما اودي ولااجيب دبري نفسك عامل غرفة لنفسه تحت البيت وتلفزيون ولاب توب بس يطلع ياكل وينزل تاني ويرجع ينام فوق مايرحب باي احدفي البيت من اهلها ولاحتى اهله .. جابت بنت ووراها ولد واكتشفت انه في نفاسها الاخير خانها مع شغالة اهله ومن وقتها هيا خلاص فاض بيها واشتكته لاهلها ولاهله ومافي فايدة صار بينهم طلاق عاطفي لاهيا قادرة تتقبله وتتحمله كلمت ابوها وقال لها انو ما اقدراستقبلك عندي عشان زوجته وفي نفس الوقت اخوانها مشغولين بحياتهم ماعندها مكان تروح له لو اطلقت صابرة وساكته عشان الاولاد بس احسها خلاص منهارة زوجها كل مالو بيتمادى في المعاملة السيئة لها ...
انا عارفة صديقاتي يبغو يعيشو حياة كريمة لا هم حقون مشاكل ولاقليلات اصل يبغو الستر لكن شاء الله وماقدر فعل
انا حاستهم بيعانو في كل شي صعب انه حياتهم في بيت اهلهم مأساة ولما اتزوجوا كمان مأساة كفايه غياب الاستقرار
انتو ايش رأيكم؟ وايش ممكن انا اسوي لهم لما يكلموني؟ انا بأواسيهم بالدعاء ودايما اقلهم انه ان شاء الله الفرج قريب
ان بعد العسر يسر
هذه سطوري لكم ان شاء الله القى عندكم الرد الشافي
حبيت اكتبلكم حتى اريح نفسي من الهم اللي انا فيه .. الحمد الله انا ما عندي مشاكل بفضل من الله في حياتي الزوجية ودايما اشكر الله على النعمة ...
المشكلة مو فيا المشلكة لاتنين من صديقاتي الغاليات على قلبي ...صديقاتي الاثنين عشرة عمر من زمااااان لكنهم مايعرفو بعض الاولى صديقتي من المدرسة والتانيه كانو جيراننا زمااان وسبحان الله استمرت علاقتنا الى الان انا اتجوزت قبلهم بفترة وكانو دايما يواصلوني بالجوال والزيارات والمسجات على طول
انا ابغى احكيكم قصتهم والوضع اللي هم فيه كل ما اكلمهم كل وحدة تتشكي من زوجها وحياتها .. وانا اسمع لهم و واواسيهم وارفع من معناوياتهم وادور لهم على حلول لمشاكلهم وبجد يصعبوا عليا واول ما اقفل منهم اجلس افكر وافكر وازورهم احاول اسوي كل شي حتى يخرجوا من الضيقة اللي هم فيها ...
حاكتبلكم قصة كل وحدة من البداية لنهاية وانتو ساعدني في حلول لمشاكلهم حتى اقدر اساعدهم قد ما اقدر ... حتلاحظوا انه بينهم اشياء كتير مشتركة بس سبحان الله ما صدف اني جمعتهم ببعض لظروفهم ومشاكلهم . ..
الاولى صديقتي من ايام المدرسة ملتزمة ابوها وامها مفصلين عاشت مع مرت ابوها اخوانها برة السعودية بيدرسوا امها مو عريبة .. اتجوزت زواج تقليدي من زوج شافت فيه فارس احلامها ملتزم بس مو متعصب صارت الملكة والفرح بسرعة لانه كان عنده بعثة وكان لازم يخلص الاجراءات ويسافرو .. المهم سافرو من البداية لاحظت انه مسيطر نوعا ما يعني يبغى كل شي على كيفه ما يطلب رأيها في اي شي اهم شي اغراضه حتى غسالة ما اشترى لها هناك .. خلص الدراسة و كانت هيا حامل ورجعو كان رافض يفتح لها بيت لانه كان يقول لسه ماهو مستعد ولدت وشاء القدر انه ولدها جا مريض بالقلب يبغاله عمليات واهتمام .. لما عاشت مع اهله امه كانت تددخل في تربية الولد والاب كمان دايما ينتقدوها في لبسها وطريقتها في كل شي
كانت صابرة وماتتكلم انا اعرفها حكيمة وتبغى تعيش لغاية ما صار يحطمها زوجها ويقلها احترمي امي والله ما كانت تسوي شي انقطعت عني فترة 3شهور استغربت فينها ..الاتكلمني وتقول زوجها رماها بيت اهلها لانه مو طايقها ومو قادر يتقبلها وقتها خلاص فاض بيها واشتكته لابوها ابوها ماسكت وواجهه وقلها انو زوجها مو قد المسؤوليه وقلها انها لوتبغاه تطلب بيت لوحدها وبالفعل طلبت الطلاق واعطته الولد ورجعت تكمل دراستها جلست في بيت اهلها فترة 5شهور و الولد مابينهم رايح جاي زوجها مايبغى يطلق وصار مجلس رجال ورجعت لزوجها عند اهله تاني مرة وبدأ زوجها يقلها بطلي الجامعة وربي الولد هيا عارفة في قرارة نفسها انه زوجها ممكن في اي لحظة يطلقها فاصرت انها تكمل الدراسة عاد وراها الويل ورجعها بيت ابوها وابوها قلها يا بنتي ما اقدر استقبلك عندي لانه زوجتي تبغى ترتاح في بيتها ..كلمت امه وابوه وقالو لها عشان الولد بنفتح لكم بيت واعطوها شقة في املاكهم ومن وقتها هيا فرحت وبدأت ترتب وتفرش بيتها وزوجها ماهو متقبل فكرة انه يكون لها بيت ما كان يسوي ولاشي هيا تروح بسواق اهلها كل مكان ونقلو هناك عمل له غرفة باتلفزيون ولاب توب وما فرش ولاشي في البيت جالسين على مرتبه هيا فرحت في البداية انه صار لها بيت واتفكت من اهله ومرت ابوها بس صحيت على واقع انه زوجها مستحيل يتغير من ناحيتها حاولت تتفاهم معاه تعرف ايش فيه يقلها بالصريح انا سكنت هنا معاكي عشان نشوف اذا نحن نصلح لبعض ولا لأ ؟؟؟
لاصار يهتم بالولد ومراجعته ولايقضي للبيت يقلها انتي روحي انتي سوي !!!
كلمت اهله قالو لها ما بيدهم شي دي حياته وهو حر !!
كلمت ابوها قلها استني اخوكي يتجوز (هو حيتجوز قريب ) وعيشي معاه هو ومرته اذا اتطلقتي من زوجك!!!
منجد ماني عارفة القى لها حل
والتانيه ...... كانو جيراننا زمان نحنا نقلنا من جنبهم وانفطعت اخبارهم الا بالصدفة التقينا في فرح ومن وقتها رجعنا زي اول من زمان واصلتها هيا كانت متوظفة ابوها منفصل عن امها متزوج .. برضو اتجوزت زواج تقليدي وشرط عليهم تسيب الوظيفة و كانت خطوبتها عادية سافرت شهر عسل و سكنوا في مدينه تانيه عن اهلها ومن تاني شهر اكتشفت انه مريض نفسيا يكره الناس ماهو اجتماعي يحب الوحدة ويسئ الظن باي احد.. يقلها انا ما اودي ولااجيب دبري نفسك عامل غرفة لنفسه تحت البيت وتلفزيون ولاب توب بس يطلع ياكل وينزل تاني ويرجع ينام فوق مايرحب باي احدفي البيت من اهلها ولاحتى اهله .. جابت بنت ووراها ولد واكتشفت انه في نفاسها الاخير خانها مع شغالة اهله ومن وقتها هيا خلاص فاض بيها واشتكته لاهلها ولاهله ومافي فايدة صار بينهم طلاق عاطفي لاهيا قادرة تتقبله وتتحمله كلمت ابوها وقال لها انو ما اقدراستقبلك عندي عشان زوجته وفي نفس الوقت اخوانها مشغولين بحياتهم ماعندها مكان تروح له لو اطلقت صابرة وساكته عشان الاولاد بس احسها خلاص منهارة زوجها كل مالو بيتمادى في المعاملة السيئة لها ...
انا عارفة صديقاتي يبغو يعيشو حياة كريمة لا هم حقون مشاكل ولاقليلات اصل يبغو الستر لكن شاء الله وماقدر فعل
انا حاستهم بيعانو في كل شي صعب انه حياتهم في بيت اهلهم مأساة ولما اتزوجوا كمان مأساة كفايه غياب الاستقرار
انتو ايش رأيكم؟ وايش ممكن انا اسوي لهم لما يكلموني؟ انا بأواسيهم بالدعاء ودايما اقلهم انه ان شاء الله الفرج قريب
ان بعد العسر يسر
هذه سطوري لكم ان شاء الله القى عندكم الرد الشافي