ابي رايكم اطلع من بيت اهل او لا............

بما إنج بحرينية ..,

وفي مجتمعنا

ما أحس في إشكالية بهالشي

رغم الحواجز والعوائق والعقبات

لأن 50% راح تتقبل هالشي

و50% راح تستنكر

لكن!..

بعد بقولج فكري

*

أعرف وحدة كانت زميلة لي في الشغل

بنت صغيرة ما تجاوزت ال 30 سنة

أرملة , وعندها ولد صغير في الروضة

عايشة في شقة قريبة من أهلها مع خادمتها

وتشتغل ,

والحمد لله محترمة وخلوقة

وعلاقتها بأهلها 100% ممتازة

*

إذا علاقتج بأمج وأبوج حلوة وممتازة

وما عندهم مانع تسكنين بروحج ..,

دوري على شقة أهم شي تكون قريبة من منطقة بيت أهلج

ويفضل تكون العمارة كلها عوائل

ويفضل توفرين لج خادمة

لأن الأنظار بتكون عليج

بروحها مع ولدها

وأظن ما يحتاج أوصف لج حجي وهذرة الناس الوايدة

*

أما إذا أمج وأبوج مب راضيين

فلا تعصين أوامرهم أبد

كل شي ولا رضا الوالدين

تمي في بيت أبوج وأستحملي

وحاولي تقنعينهم بحل يرضيج

*

بالنسبة لأخوج ..,

قعدي معاه بهدوء وبصراحة

قولي له إنتي تشوفني ألعب ؟!. ولا أشتغل

أنا قاعدة أشتغل وأعيش حياتي الطبيعية حالي حال بقية البشر

تبين أندفن هني في البيت , شنو إنت بتصرف علي وعلى ولدي ؟!.

وذكريه إنج إنسانة بالغة , ومطلقة , وتفهمين

مب طفلة !..

كلميه , مرة , مرتين , ثلاث

لين ما يقتنع

ويخفف ضغوطاته عليج

*

وأختج ..,

قلتي إن عمرها فوق 45 ومب متزوجة

يعني شنو تتوقعين شعورها

شي طبيعي بتعامل ولدج بدلال زايد ,

كلميها وقولي لها ما أبي ولدي يتربى جذي

بالهدوء والتفاهم لين ما تفهم

عمرها كبير , مب ياهل

وجيلها يختلف عن جيلج

أشرحي لها الطرق السليمة لتربية أبنج والشي إلي ودج تسوينه له

و وقفيها عن حدها

إذا شفتيها تمادت بأي شي

بس مثل ما قلت لج بطريقة حلوة , ولطيفة .. بعيدة عن التجريح