منو ولدت وهي فيها خمول بالغده الدرقيه !!

عروس انا الحمدلله وبفضله انا ولدن مرتين وفيني خمول بالغده ولا تخافين ااهم شيء انج تتوكلين على رب العالمين :) وفحوصات يسونها للطفل يجوفونه اذا بخير اولا من خمول الغده

جزاج الله خير يالنوري ،،
بس حبيت اعرف يحتاج الجنين الى الحضانه بعد الولاده !!
وانتي ولدتي بمستشفى خااص !! وكم كلفت الفحوصات اذا مستشفى خااص ،،

وكم قعدتي بالمستشفى طولتي علشان هالفحوصات والا عادي !!

ادري اني ازعجتج بسس اعذريني حيل احاتي ربي يعافيج ويرزقج ردي علي بأسرع وقت ،،

سبحان الله وبحمده عدد خلقه ورضا نفسه وزنة عرشه ومداد كلماته ،،

ما أدري خواتي...خوفتوني...لاني أعاني من خمول في الغده الدرقيه...أبغي أعرف شنو مضاعفاتها سلبا على فترة الحمل...وما بعد الولاده؟؟؟

علما أني قاعده آخذ حبوب (الثايروكسين).....وللحين الله ما كتب لي وحملت من عقب أصابتي بالخمول...


أفيدوني أفادكم الله.....

اهلين اختي عادي دام تاخذين العلاج شيء طبيعي ان شاء الله تحملين
والله يرزقج يارب ،،

حبيبتي ولدت عيالي ثلاث الله يحفظهم و انا فيني خمول في الغدة بس المهم تاخذين حبوبج بانتظام و الحين انا شلت الغدة و حامل و قريب بولد باذن الله و اموري و لله الحمد اوكي
بس لازم الحبوب باستمرار علشان ما يقصر الهرمون على البيبي
و الله يشافيج

السلام عليكم

حبيبتي ان شاء الله تقومي بالسلامة

انا قبل الحمل الغدة كان فيها التهاب يسبب مرة نشاط ومرة خمول
لكن لما حملت الغدة خملت
وقبل ما كنت اخذ علاج فقط عمل تحاليل

ولكن اول ما حملت رحت الطبيب وقرر اخذ علاج حبوب ثيروكسين طول فترة الحمل ولغاية الاربعين و
انا شخصيا قال لي وقفي الحبوب بعد الاربعين لمدة اسبوعين واعملي التحاليل

TSH --FT4

لانه الغدة طلعت بعد ولادتي بابني الاول وهيني ولدت الثاني في 3/6 وابي اعمل التحاليل كمان اسبوع بعد ما وقفت العلاج واشوف

اما البيبي ما شاء الله وان شاء الله ما يكون بي شي
اطمني ولا تقلقي كتير نساء مثلنا

ودمت بخير