الرئيسية ركن العروس تجهيزات و استفسارات العروس تجاربكم مع ماكييرات ومصففات الشعر (البحرين)

تجاربكم مع ماكييرات ومصففات الشعر (البحرين)

ام حمودي555 10-07-2009 25 رد 1,377 مشاهدة
ا
ام حمودي555
عروس مشرقة
10-07-2009 | 10:11 PM
مرحبا عرايس

حبيت افتح هالموضوع لعرض تجاربكم مع الماكييرات ومصففات الشعر علشان يكون مرجع للحابين يتعاملون معاهم وعلشان نجوف الفرق بين تجاربكم الشخصية

بس ياليت نعرض التجارب بدون تجريح للماكييرة او المصففة اذا كانت التحربة سلبية الرجاء ذكر التجربة بس اكرر بدون تجريح

ومانبي نقطع رزق احد الهدف من الموضوع عرض التجارب والمقارنة بين التجارب(a)

- ذكر اسم الماكييرة المصففة؟
-ذكر السنة اللي تعاملتي معاها والمناسبة اذا ممكن؟
- مكان عملها صالون بيت وذكر المنطقة؟
-طريقة تعاملها معاج؟
- الوقت اللي خذته معاج وهل كان في التزام بالموعد المحدد؟
- الالوان اللي استخدمتها او وصف التسريحة؟
- رايج في شغلها (y) او (n)؟
-بتتعاملين معاها مرة ثانية؟
- ملاحظات اخرى؟

اتمنى اجوف تفاعلكم مع الموضوع والغاية من الموضوع تعريف البنات اللي حابين يتعاملون مع الماكييرات او المصففات بتجربتكم
M
MiSs-GuCci
عروس برونزية
10-07-2009 | 10:34 PM
انا شعري دائما في اي مناسبه اسوي سشوار عادي ما احب اسوي تسريحات او حركات

اما بالنسبه للمكياج جربت العفراء اللي في مدينة حمد بو من زمان سنه 2004 والمناسبه كانت حفلة تخرجي وخلصت مني بسرعه بس النتيجه كانت ماساويه ابدا ما عجبني شغلها رغم انه الالوان هاديه وبسيطه كان بنفسجي ورسمة العين بالكحل لاني كنت ابي بسيط بما انه حفلة تخرج بس ابدا ما عجبني وبودرتهم اللي يستخدمونها ماساويه احسها طحيين مو بودره ابدا ما تخلي اللون طبيعي ومستحيل افكر اروح لهم مره ثانيه شطبت هالصالون من بالي لاي مناسبه كانت رغم انه تعاملهم عادي يعني ما شفت منهم شي سيئ للأمانه من ناحية التعامل
*********************************
في سنه 2007 والمناسبه كانت ملجة اختي جربت زينب في صالون ايلاف اللي في الزنج واهي بنت الماكيرة فردوس الحلواجي وصراحه مكياجها عجيب وتعاملها اروع لدرجه قالت لي بتحط لي الوان معينه قلت لها لا اخاف ما يناسبني قالت مو مشكله لو ماعجبج امشه كامل وارد اسوي من يديد اهم شي تطلعيين راضيه وطبعا النتيجه روعه والكل مدح في مكياجنا وافكر اروح لها مره ثانيه بكل تاكيد
************************************
في سنه 2008 والمناسبه عرس ولد خالتي جربت هنادي في صالون اضاليا في الرفاع مكياجها زين بس حطت لي الوان ما كنت ابيها يعني النتيجه مقبوله بس مو ليهناك وطريقه تصغيرها للخشم فاشله يعني لو ما اصغره ابرك وتعاملها بعد زين بس ما افكر اروح لها مره ثانيه
****************************************
والحين بعد عندنا مناسبه وناويه افكر ناس يديده وبخبركم بالنتائج

مشكوره ع الموضوع صراحه مفييد وكل وحده تعرض تجربتها عشان الكل يستفيد
ل
لؤلؤة المحرق
عروس برونزية
10-07-2009 | 10:38 PM
والله خوش موضوع .. يعطيج العآفيه عليه يآ أم حمودي ..

- ذكر اسم الماكييرة المصففة؟

وحيده في التوب طبعآ ..

وصآلون لولو ..

-ذكر السنة اللي تعاملتي معاها والمناسبة اذا ممكن؟


صآلون لولو في ملجتي .. (( اتعآمل مع وحده فلبينيه )) أحسن وحده للشعر ..

كآن في شهر 5 هآذي اللي طآف ..




بالنسبه لوحيده .. تعآملت ويآهآ أخر مره

ذآك الآسبوع في حفل خطوبتي .. ووآيد

عجبني ذوقهآ وأهيه التوب في نظري ..




- مكان عملها صالون بيت وذكر المنطقة؟



صآلون لولو = في المحرق مجآبل حديقة الكآزينو ..


وحيده في صآلون الرونق في النويدرآت .. (( مآيضيع صآلونهآ )) ..



-طريقة تعاملها معاج؟

الآثنين تعآملهم وآيد اوكي ويآي ..

خصوصآ صآلون لولو لآني زبونه عندهم ..

ووحيده عجيبه .. طيبه .. اخلآق .. وأدب .. و

ابتسآمتهآ حلوه .. :D


- الوقت اللي خذته معاج وهل كان في التزام بالموعد المحدد؟

بالنسبه لصآلون لولو ..

مآيأخرون ..

بالنسبه لوحيده عند الموعد بالضبط ..

مآاخرت ولآ جدمت ..



- الالوان اللي استخدمتها او وصف التسريحة؟

في ملجتي في صآلون لولو = كآن ويف كآمل شعري مع بف

من وره ومن جدآم صآير كله خيوط شعري ..

يعني كشخه التسريحه ..

أمآ وحيده = يعني شآوصف وشآخلي من

حلآوة شعري اللي سوته ..

اهيه عبآره عن التسريحه مو نآزله كلش يعني

مرفوعه .. وطبعآ اسألتني قبل عن خطيبي

اشكثر اطول مني .. والكعب اللي بآلبسه .. مع التسريحه من جدآم سوت لي بف من جدآم

بس سوت لي حركه ان شعري مو البف العآدي .. خلت قذلتي فيهآ حركآت فوق البف امآ

من وره صآير شعري مثل ورود الروز وحطت على الورد كله فصوص .. وحطت كرستآلآت بروشآت

على شعري من فوق نفس عقدي بالضبط ..

يعني وآيد وآيد وآيد عجبتني تسريحتي وتنآسب لون شعري بالضبط والكل انعجب فيهآ ..

(( مآشآء الله )) ..

- رايج في شغلها (y) او (n)؟

(y)(y)(y)(y)(y)(y)(y)(y)(y) صآلون لولو ووحيده ..

عندي أحسن صآلونين لعمل الشعر ..

ويضبطون التسريحه بالضبط نفس اللي تبين ..

وحتى لو تودين صوره لهم بعد بيضبطونهآ لج

بالضبط ..:wink:

-بتتعاملين معاها مرة ثانية؟

اكيييييد .. ومفكره في حفل حنتي (( عرسي )) أتعآمل مع وحيده ..

- ملاحظات اخرى؟

اشكرج أختي على هالموضوع اللي أحلى من

الحلى .. مثلج .. ويعطيج ألف عآفيه ..

بالنسبة للمكيآج ..

تعآملت مع صآلون ايمآن من 3 سنوآت .. في هالفتره كآنت موضة الفرآشه ..

وكآن الميك آب وآيد روعه .. أمآ الحين ستآيلهم صآر قديم ..

والمفروض يتعلمون الشي اليديد ..

وبعد من سنه تقريبآ تمكيجت عند ابتسآم كمآل .. مآشآء الله

عليهآ .. يعني من نآحيه الذوق والنعومه والتعآمل نمبر ون اهيه ..

واهيه طبعآ سآكنه بمنطقة البسيتين في المحرق ..

وأختي الآسبوع اللي طآف مكيجتهآ والكل مدحهآ والحمد الله ..

أمآ في ملجتي تمكيجت بروحي .. لآني آعرف امكيج ودآرسه

الميك آب .. وكله عبآلهم رآيحه مكآن متمكيجه خخخ ..

أمآ في حفلة خطوبتي وأهيه الجمعه اللي طآفت .. كآنت

اللي ممكيجتني فردوس .. يعني مآبآقول حلوو بس مكيآجهآ ؟؟

الا بآقول ابدآآع بكل معنى الكلمه ..

وطبعآ كل وحده وعلى حسب ويهآ وشنو اللي ينآسبهآ ..

في نآس يحبون صفآء << واهيه من النوع اللي تحط الجلتر وآيد

مع الآلوآن الفآقعه أكثر شي .. (( طبعآ كمثآل )) ..

أمآ فردوس تميل للسموكي .. وآنه ينآسبني وآيد هالمكيآج ..

وآموت عليه .. والكل مدح ميكآجي .. والحمد الله ..


ثآنكيو مره ثآنيه حبيبتي على موضوعج ..
*
*شيخه*
عروس جديدة
10-07-2009 | 10:40 PM
بنات حبيت اسئلكم عن صفيه من البحرين تسوي مكياج

وشرايكم بمكياجها انا حاجزتها تجيني السعوديه

وماتقصرون

شيخه
و
وردة العشرين
عروس نشيطة
10-07-2009 | 10:47 PM
بنات، أنا مب عروس (إن شا الله قريب قولوا آمين) لكني حجزت عند يسرى (اللبنانية مادري السورية) إذا تعرفونها!

وسوت فيني دقة ووهقتني، مواعيدها كلش مب مضبوطة، أتمنى إنها تغير من طريقتها هذي

لان وايد يمدحون شغلها لكن للاسف بتخرب على روحها اذا تعاملها جذي، كلش مب بروفيشينال!
ا
ام حمودي555
عروس مشرقة
10-07-2009 | 11:06 PM
وببتدي اول وحدة غي عرض تجاربي:D

اولا الماكييرات:

1. نورة الكعبي - صالون اشرقت - الرفاع
رحت لها في خطوبتي سنة 2004 كانت ماعطتني موعد الساعة 3 العصر بس تاخرت علي
سالتني عن مكان الحفلة ولون باقتي ولون الفستان ومنت موديته معاي وجافته واذا كنت بسوي حفلة ثانية
بصراحة كانت حليوة معاي وواثقة من شغلها والسعر كان 50 دينار مع الشعر:rolleyes:
حطت لي ستايل سموكي كحلي ووردي كان وايد ناعم وحلو ورسمة العين ما شاء الله كانت وايد مرتبة بس البلاشر كان فاتح والحمرة وايد فاتحة وردية وتقريبا خذت ساعة وشي يعني كانت سريعة
بصراحة طلعتني حلوة وناعمة وكنت راضية من شغلها (y) واللحين اكيد شغلها تغير وتطور
وحابة اني اتعامل معاها مرة ثانية لاني جفت لها صور يديدة وكانو روعة:z_clap::up:

2. صالون العفراء - مدينة حمد
رحت لهم مرتين
المرة الاولى عند وحدة اسمها مريم حطيت بو عشرة دينار سنة 2005
وهم طريقتهم بالارقام وماعطلوني وايد وخصوصا كنت رايحة لهم بدون موعد وامناسبة كانت عرس بنت خالتي
المهم سالتني عن لون فستاني وكان اسود فقالت انها حابة تحط لي اسود وبرتقالي وقلت لها اوكي وايد عجبني شغلها كان مرتب وخلصتني بسرعة يعني نص ساعة وحليوة كانت
المرة الثانية رحت لهم بعد بدون موعد :21_195: وحطيت بعد بو 10 سنة 2008 بس ماعرفت اسمها اللي حطت لي وكان بعد حلو ذهبي واسود وحمرة اورانج فستاني كان ذهبي والمناسبة عرس ولد خالة ريلي
اللي ماعجبني فيهم الفاونديشن مالهم وايد تشقق واخترب وويهي دهن:down:
ومابتعامل معاهم مرة ثانية لاني جفت اللي احسن وخاطري اجرب يدد الا اذا توهقت بطب عندهم بدون موعد:poster_kewlpics:

3. فاطمة البستكي - صالون سيلينا - الرفاع
تعاملت معاها 3 مرات:sm215:
المرة الاولى: خطوبة صديقتي سنة 2005 بصراحة هي وايد حليوة ووايد تسولف وتتغشمر ووايد تمدح شغلها المهم حطت لي ب 25 دينار مع الرموش وصبغة الجسم لانها تعرف رفيجتي سون لي ديسكونت:bigsmile: حطت لي ستايل الفراشة اخضر ووردي وداخل العين تركوازي بس بصراحة كان وايد حلو والكل استخف علي وفي االعرس اللكل يسالني من حاط لج ووين بس عيبها انها بطيئة يعني فوق الساعتين ونص والله ظهري تكسر وياتني النودة:21_162: بس البودرة مالتها مب اوكي تتشقق بس من كثر ماعجبني ميكبها خذيتها حق عرسي

المرة الثانية عرسي سنة 2006 حطت لي تدرجات الوردي والبنفسجي وستايل الفراشة والحمرة وردية اللي ماعجبني انها كبرت حلجي بس بعدين عدلته وهي ماتحب انج تحاجيجينها في شغلها المهم سوت لي ب 25 ددينار عاد واسطة :D_smil1: لان هي تحط ب 50 حق العروس المهم كان حلو وعجبني وفي التصوير حده طلع روعة وسبيسيال بس والله اني تكسرت عدل هالمرة 3 ساعات ونص تحط لي ميكب وماكان عندها احد غيري فخذت راحتها

المرة الثالثة بصراحة كانت صدمة عمري سنة 2008 عرس رفيجة اختي وقلت لها خاطري في روج حمر كنت مب فاصخة الدفة وكنت حامل كل انواع التعب فيني اول شي ساعتين تحط لي واي تكسرت عدل بس يوم جفت روحي عقب ماخلصت كنت بصيح :sad: والله كنت اخرع حطت لي وايد ثقيل الشدو كان اسود على احمر على ازرق ومسحوب على سموكي مادري بس جنة بوكسات على عيني وروج حمر والله جني مهرج وهي وايد كانت تمدح وتقول حلو وتقولي ريلج اول مابيجوفج بيخليج كل يوم تيين عندي والله اول ماجافني ريلي قال بسم الله والله كان بيشرد :21_177: الحين انا ابي ارقع السالفة وانا بطبعب ماجب افشل احد وهي تعرفني وتعرف بيتنا مابي افشلها قلت لها غيري الروج سوي فاتح عصبت وقالت لالا حل قلت لها مابي وايد اوفر غيرته وسوته بطيخي بصراحة مادري اشصادها ماكان مرتب يعني الروج ماحطته عدل كلش مب مرتب انا بروحي عدلته بعدين ورسمة الحواجب غلط واحد غير والثاني غير يعني اشكرة يبين غير وغير ورشمة الكحل بعد حدها مب مرتبة واختي مسكينة قالت لها ابي ناعم كلش ومابي اسود حطت لها اسود ووردي ووايد غلتر طلعت حدها غلط

بصراحة مادري من تحليلي للوضع قلت يمكن هي ماتعرف تحط الاسود والسموكي او اهنا كانت تبي اطلعني واو بس انقل الشغل لان في المرتين اللي قبل كان شغلها غير :sm229:
واذا كنت بتعامل معاها في المستقبل اكيد لا:down::no:

4. فاطمة اللبنانية - صالون الرونق
المناسبة خطوبة حماي 2009 السعر 35 دينار وهي اللي يروح قبل تحط له بس لازم دافعة عربون معاملتها اوكي بس يعني رسمية سالتني شنو تحبين وشنو ستايلج ولون الفستان واللي عجبني انها فكل خطوة تسال تبين جذي او لا قلت لها ابي شي ناعم تعقدت من سالفة الاسود حطت لي وردي وستايل لبناني وحددت العين بالاسود وحمرة وردية وكخلصتني في 45 دقيقة بس كان وايد حلو وراقي وقلت لها لا تسمريني وايد بس طلعتني ناتشورال وبودرتها زينة تستعمل كانيبو بس على نهاية العرس دهن ويهي شوي بس وايد عجبني ميكبها وايد سالوني في الخطوبة عنها وقالو انه حلو
هل بتعامل معاها مرة ثانية لا مب لانه ماعجبني بالعكس عجبني بس ابي اغير

5. شيماء بوجيري - تمكيج في بيتهم - محرق
عرس حماي 2009 توه من اسبوع كان موعدي معاها ساعة وحدة وعلى الموعد وايد حليوة وطيوبة وتسولف وتتغشمر سالتني لون فستاني وشنو اللي في بالي وشنو احب واللستايل اللي ابيه
حطت لي تدرجات الوردي والبنفسجي بس صج صج روعة وهي تحط ب 25 بس انا قلت ابي بو 40 وصبغت لي يدي بعد ما شاء الله شغلها حده مرتب وراقي والاهم بودرتها ماتغيرت نفس ماهي ولا تشققت ولا اختربت حتى ماجستها ولا عدلتها لين ما وصلت البين الساعة 3 الفير والبودرة نفسها وهي تستخدم ماركة حنان دشتي وميكبها كله ماركات وخذت لها ساعة وشي بصراحة هي احسن وحدة من الماكييرات اللي تعاملت معاهم وفي العرس الكل يسال من حط لي وصج طلعتني عروس :up: واهم شي ريلي عجباه قال مب مثل ذيج المرة :21_133:
وهل بتعامل معاها مرة ثانية اكيد خاطري بعد احط عندها
لان انا اهم شي عندي كريم الاساس مايخترب متعقدة من التشقق والخطوط اللي تطلع

وبصراحة خاطري اجرب ابتسام كمال

ا
ام حمودي555
عروس مشرقة
10-07-2009 | 11:19 PM
ثانيا مصففات الشعر

1. صالون اشرقت - الرفاع عند وحدة هندية ماعرف اسمها
في خطوبتي 2004 سوت لي تسريحة رافعة شعري بس نازل ونزلت على ويهي خصلات ويفي
كان وايدحلو وراقي والاهم انها ماختربت وحطو لي حشوات والذي منه والسعر كان 50 دينار مع الميكب والله ايام زمان الاسعار حلوة مب الحين:ss:

2. صالون الرونق - الرفاع
تعاملت معاهم 3 مرات

اول مرة خطوبة صديقتي 2005 عند وحيدة ومايحتاي اوصف شلون تعاملها لانها معروفة يعني وايد عجبتني وسالتني عن فستاني وشنو حابة قلت لها سوي اللي يناسبني سوت لي ويفي على بف بس حده كشخة والكل استخف عليه والاحلى السعر 15 دينار :rolleyes: يس يس
على ايام الرخص اشوة لحقت عليها واكيد ابي اتعامل معاها بس الحين ماتسوي الا حق عرايس:(

المرة الثانية عند في الفليبينية في عرسي سوت لي ويفي مفلول بس كشخة ومرتب وانا ماقلت لها عروس علشان الحفلة عائلية فمايسوى الخساير بسشغلها مضبوط وكان 15 دينار سنة 2006

واخر مرة 2009 خطوبة حماي سويت ويفي مرفوع ونازل ماعرف اشرح عند فليبينية ماعرف اسمها بس شغل مضبوك وعدل مدل ومايخترب وبعد 15 دينار
واكيد بتعامل معاهم(y)

3. العفراء - مدينة حمد
سنة 2008 خطوبة ولد خالة ريلي سوو لي ويفي بس ماذكر بجم بس ماكان عدل شكلهم قطوني على اي وحدة لاني ماعرف اللي يسوون زين واذا بتعامل معاهم بروح عند المعروفين

4. لولو - محرق
عرس حماي 2009 سوت لي فليبينية اسمها فيرجي ويفي على بف بس صراحة شي راقي مستواهم نفس الرونق وايد استانست على روحي جني ملكة:21_195: وخذت علي 15 دينار
واكيد بتعامل معاهم مرة ثانية شغلهم وايد حلو ومايخترب
ا
ام حمودي555
عروس مشرقة
10-07-2009 | 11:34 PM
كمام الأمل;9904913:
انا شعري دائما في اي مناسبه اسوي سشوار عادي ما احب اسوي تسريحات او حركات

اما بالنسبه للمكياج جربت العفراء اللي في مدينة حمد بو من زمان سنه 2004 والمناسبه كانت حفلة تخرجي وخلصت مني بسرعه بس النتيجه كانت ماساويه ابدا ما عجبني شغلها رغم انه الالوان هاديه وبسيطه كان بنفسجي ورسمة العين بالكحل لاني كنت ابي بسيط بما انه حفلة تخرج بس ابدا ما عجبني وبودرتهم اللي يستخدمونها ماساويه احسها طحيين مو بودره ابدا ما تخلي اللون طبيعي ومستحيل افكر اروح لهم مره ثانيه شطبت هالصالون من بالي لاي مناسبه كانت رغم انه تعاملهم عادي يعني ما شفت منهم شي سيئ للأمانه من ناحية التعامل
*********************************
في سنه 2007 والمناسبه كانت ملجة اختي جربت زينب في صالون ايلاف اللي في الزنج واهي بنت الماكيرة فردوس الحلواجي وصراحه مكياجها عجيب وتعاملها اروع لدرجه قالت لي بتحط لي الوان معينه قلت لها لا اخاف ما يناسبني قالت مو مشكله لو ماعجبج امشه كامل وارد اسوي من يديد اهم شي تطلعيين راضيه وطبعا النتيجه روعه والكل مدح في مكياجنا وافكر اروح لها مره ثانيه بكل تاكيد
************************************
في سنه 2008 والمناسبه عرس ولد خالتي جربت هنادي في صالون اضاليا في الرفاع مكياجها زين بس حطت لي الوان ما كنت ابيها يعني النتيجه مقبوله بس مو ليهناك وطريقه تصغيرها للخشم فاشله يعني لو ما اصغره ابرك وتعاملها بعد زين بس ما افكر اروح لها مره ثانيه
****************************************
والحين بعد عندنا مناسبه وناويه افكر ناس يديده وبخبركم بالنتائج

مشكوره ع الموضوع صراحه مفييد وكل وحده تعرض تجربتها عشان الكل يستفيد

اتفق معاج عن العفراء بودرتهم جيب ومايضبطون الكل ومشكورة على المشاركة لحلوة
لؤلؤة المحرق;9904920:
والله خوش موضوع .. يعطيج العآفيه عليه يآ أم حمودي ..




ثآنكيو مره ثآنيه حبيبتي على موضوعج ..

اشكرج على المشاركة الحلوة :) ووحيدة ماعليها كلام روعة وصار خاطري اجرب فردوس بس باحطها في اللستة مع ابتسام كمال

*شيخه*;9904930:
بنات حبيت اسئلكم عن صفيه من البحرين تسوي مكياج

وشرايكم بمكياجها انا حاجزتها تجيني السعوديه

وماتقصرون

شيخه


بصراحة ماعندي فكرة
وردة العشرين;9904951:
بنات، أنا مب عروس (إن شا الله قريب قولوا آمين) لكني حجزت عند يسرى (اللبنانية مادري السورية) إذا تعرفونها!

وسوت فيني دقة ووهقتني، مواعيدها كلش مب مضبوطة، أتمنى إنها تغير من طريقتها هذي

لان وايد يمدحون شغلها لكن للاسف بتخرب على روحها اذا تعاملها جذي، كلش مب بروفيشينال!


انا كنت ناوية اروح لها بس خفت اتوهقني لان وايد بنات سوت فيهم دقة بس للامانة ماجربتها
M
MiSs-GuCci
عروس برونزية
10-07-2009 | 11:39 PM
بنات انا كل ما اتصل حق احد يقولي اقل شي للعادي 30 دينار ما تعرفون خيارات ثانيه ارخص وبنفس الوقت حلوه وراقيه؟
ا
احلام مبعثرة
عروس مبدعة
10-07-2009 | 11:48 PM
موضوع حلو تسلمين على طرحه وياريت كل وحدة تكتب ستايل الماكييرات
1-صالون ناريس - ناريس - السنابس
رحت لهم في جلوة بنت اختي قبل 3 سنوات , امم المكياج عادي يعني زوين
والشعر سشوار وطلعت روحي لما خلصت علما بأني رحت الساعة 2 وما رجعت
الا الساعة تقريبا عشر الا ربع . ما افكر اروح الصالون مرة ثانية لاني شغل اقل من العادي
وسعر عادي والمكان ضيق وما كان فيه حتى كراسي ! ان شاء الله تطوروا

2 _ صالون ظفاير - البديع
الشعر عند شهزلان وايد حلو ومرتب والسعر حلو
المكياج بو 5دينار وكان حلو والمناسبة كانت زواج بنت اخويي , ما افكر اروح مرة
ثانية لان المكان بعيد والصالون صغير وزحمة ومثل المشكلة وصلنا الزواج متأخرين

3_ صالون سلوى الصالون المعتمد عندي واللي احب اروحه دائما
جربت المكياج مروة والشعر وحدة تايلندية وكان قبل 3سنوات زواج اخويي
جربت منى والشعر وداد قبل اكثر من 3سنوات وكان حلو وناعم
جربت لمياء ووحدة فلبينية كبيرة شوي للشعر المكياج روووووووعة والتسريحة لابأس
واخدت عليي زيادة في سعرها لكن فاطمة اللي تشتغل عندهم رجعت عليي فلوس
وكانت لفتة حلوة منها وكانت المناسبة خطوبة حميي
4_ جربت كمان صفية للشعر ومروة للمكياج بو 7 دينار ناعم جدا لان المناسبة كانت
زواج حميي على الضيق في البيت
جربت مروة للمكياج وكان فعلا روعة المكياج حلو وغريب ازرق على ذهبي وصفية
سوت ليي تسريحة فخمة جدا وراقية ( كل تساريحها حلوة ) المناسبة خطوبة اخويي
الصالون حلو وكبير واللي يشتغلون حلوين ومتعاونين لكن الاستقبال لش عليه شوي
ومرة واني طالعة لقتهم يسألونس ويوقفوني انتي دفتي ؟ وعيبهم بعد انهم اذا خلصتي
المكياج ما تلقين اللي سوت شعرش علشان تظبطة !!

5_صالون نجلاء
رشا للمكياج وخديجة للشعر قبل سنتين ونصف يمكن والمناسبة كانت زواج اخويي
ما عجبني لا الشعر ولا المكياج الشعر كأن مومسشور عدل والمكياج حطت لي بسرعة ازرق غامق مع فضي من غير ما تسألني مع ان فستان في وردي , ووجهي دهن بسرعة
والحمرة طارت ما ضل الا الكحل !! ما افكر اروح مرة ثانية ابدا

خاطري اجرب مكياج شيماء بو جيري وابتسام كمال لانه رووووووووووعة
ا
.
.:.رجاوي البحرين.:.
عروس مشرقة
10-07-2009 | 11:51 PM
الصراحة الموضوع وايد حلوووو ومفيد

الماكيرات- جربت صفاء وميكبها حلوو بس وايد أوفرررررررر كبرت عمري 15 سنة زيادة رغم اني قايلة لها ماابي دفش وكان مكياجها بسنة 2006 بزواج اخوي - ماأفكر أتعامل معاها مرة ثانية عشان مكياجها اوووفر وتعرضت لموقف ماعجبني بصالونها وتنرفزت ومايناااسب إن أحد يحدد سعر المكياج او الشعر غير صاحبة الصالون- كانت تقول لي سعر ويوم بطلع أمها عطتني سعر غير والصراحة مالها حق لأن انا مااحب هالحركة وكأن الأم هي اللي تمكيج وتوووووووووووبة وقطيت عليها المبلغ اللي تبيه ومشيت

تمكيجت عند فاطمة شويطر بخطوبتي بسنة 2007 وكان ميكبها حلو والكل شهد بهالشي ماخليتها تحط لي وايد كان ناعم ومرتب ولآخر الوقت مااخترب مكياجي ومعاملتها من أحسن مايكون وكان المكياج سعره 50دينار - شعري سوته فاطمة فكري وكانت التسريحة حلوةةةةةةة ومرتبة وسعرها 50دينار - طبيعتي أحب التغييير ومرة ثانية بغيرررر نشوف ماكيرات ومصففات جدد

تمكيجت عند إبتسام السويدي مرتين - مرة بزواجي بشهر 11 اللي طاف وكان المكياج لايعلى عليه قمت وانا راضية عن نفسي ومقتنعة 100% ومكياجها مرتب وومواعيدها مضبوطة ووكان المكياج ب60دينار

وتمكيجت عندها بشهر 5 بزواج ولد حماتي وكان ناعم وحلو وحطيت عندها بسعر 25 دينار- ستايلها يدمج بين اللبناني الأنيق والناعم وبين الخليجي الزاهي - أفكر اتمكيج عندها لأن تعاملها ومكياجها عجبني

والشعر سويت شعري عند سميرة الشكر والتسريحة تيننن كانت بعرسي وخذت مني 80دينار مع الإكتانشن بشهر 11 اللي فات






ا
ام حمودي555
عروس مشرقة
10-07-2009 | 11:56 PM
كمام الأمل;9905173:
بنات انا كل ما اتصل حق احد يقولي اقل شي للعادي 30 دينار ما تعرفون خيارات ثانيه ارخص وبنفس الوقت حلوه وراقيه؟


حبيبتي شيماء بوجيري تحط ب 25 مع الرموش وايد راقي وحلو(y) ابتسام كمال عندها كذا سعر وبعد شغلها حلو وراقي بس بالنسبة للبودرة شيماء بودرتها احسن من ابتسام

الغاضبة;9905217:
موضوع حلو تسلمين على طرحه وياريت كل وحدة تكتب ستايل الماكييرات
1-صالون ناريس - ناريس - السنابس
رحت لهم في جلوة بنت اختي قبل 3 سنوات , امم المكياج عادي يعني زوين
والشعر سشوار وطلعت روحي لما خلصت علما بأني رحت الساعة 2 وما رجعت
الا الساعة تقريبا عشر الا ربع . ما افكر اروح الصالون مرة ثانية لاني شغل اقل من العادي
وسعر عادي والمكان ضيق وما كان فيه حتى كراسي ! ان شاء الله تطوروا

2 _ صالون ظفاير - البديع
الشعر عند شهزلان وايد حلو ومرتب والسعر حلو
المكياج بو 5دينار وكان حلو والمناسبة كانت زواج بنت اخويي , ما افكر اروح مرة
ثانية لان المكان بعيد والصالون صغير وزحمة ومثل المشكلة وصلنا الزواج متأخرين

3_ صالون سلوى الصالون المعتمد عندي واللي احب اروحه دائما
جربت المكياج مروة والشعر وحدة تايلندية وكان قبل 3سنوات زواج اخويي
جربت منى والشعر وداد قبل اكثر من 3سنوات وكان حلو وناعم
جربت لمياء ووحدة فلبينية كبيرة شوي للشعر المكياج روووووووعة والتسريحة لابأس
واخدت عليي زيادة في سعرها لكن فاطمة اللي تشتغل عندهم رجعت عليي فلوس
وكانت لفتة حلوة منها وكانت المناسبة خطوبة حميي
4_ جربت كمان صفية للشعر ومروة للمكياج بو 7 دينار ناعم جدا لان المناسبة كانت
زواج حميي على الضيق في البيت
جربت مروة للمكياج وكان فعلا روعة المكياج حلو وغريب ازرق على ذهبي وصفية
سوت ليي تسريحة فخمة جدا وراقية ( كل تساريحها حلوة ) المناسبة خطوبة اخويي
الصالون حلو وكبير واللي يشتغلون حلوين ومتعاونين لكن الاستقبال لش عليه شوي
ومرة واني طالعة لقتهم يسألونس ويوقفوني انتي دفتي ؟ وعيبهم بعد انهم اذا خلصتي
المكياج ما تلقين اللي سوت شعرش علشان تظبطة !!

5_صالون نجلاء
رشا للمكياج وخديجة للشعر قبل سنتين ونصف يمكن والمناسبة كانت زواج اخويي
ما عجبني لا الشعر ولا المكياج الشعر كأن مومسشور عدل والمكياج حطت لي بسرعة ازرق غامق مع فضي من غير ما تسألني مع ان فستان في وردي , ووجهي دهن بسرعة
والحمرة طارت ما ضل الا الكحل !! ما افكر اروح مرة ثانية ابدا

خاطري اجرب مكياج شيماء بو جيري وابتسام كمال لانه رووووووووووعة
ا


مشكورة على المشاركة الحلوة وصار خاطري اجرب لمياء ومروة
وانا بعد خاطري اجرب ابتسام كمال
وشيماء بوجيري جربتها وصج صج رووووووعةمن قلب(y)

واما صالون ناريس بووووووووو من 2 الى 10 الله يعينج واااااااااااااااايد تعذيب احسه:ss:
ه
هذيان عاشـقة
عروس رائعة
11-07-2009 | 12:38 AM
اول شي مشكورة يا ام حمودي على الموضوع الحلو .. ان شاء الله يكون مرجع حلو للبنات و [MARK="FF6699"]يتميز اهم شي بالموضوعية في الوصف و ابداء الرأي بطريقة حلوة ومافيها تجريح[/MARK] ..:)



ثانيا بنقل لكم تجاربي اللي اتذكرها طبعا ..


جربت[MARK="FFFF33"] ناريس[/MARK] في سنة 2000 او يمكن قبلها .. كانت في بيتها بعدها ما افتحت الصالون .. شعري عادي سشوار و مكياجي كان ترابي ناعم لان فستاني ترابي ...



[MARK="FFFF00"]مكياج سلوى[/MARK] وشعر الفلبينية .. المناسبة خطوبة صديقتي .. كنت لابسة فستان اسود سادة و اكسسوار سيلفر .. حطت لي سلوى وردي مع اسود .. وروج وردي..تقريبا 2001



جربت [MARK="FFFF33"]صفاء[/MARK] بصالون سلوى كنت لابسة تركوازي فاتح وغامج .. حطت لي تركوااااز غامق و فاتح مع لمعة بيضا .. وروج وردي .. وشعري عند نورية .. كان فاااقع بس حلو .. ايامها سلوى كانت بعدها في صالونها القديم ..المناسبة زواج صديقتي ..2003



جربت مرة [MARK="FFFF33"]صالون العفراء [/MARK]في خطوبة بنت اخوي .. شعري كان عند وحدة اسمها بشرى ما ادري موجودة او لا من زمااااااااااااااان سنة 2001 يوم اروح .. نفس الشي كنت لابسة تركواز .. وحطوا لي تركواز مع وردي و روج وردي .. وكبروا برطومي مع انه مايحتاج وماحبيت الحركة .. الصالون زحمممممممممممممة حده .. وما احب الانتظار هالكثر ..



اول مرة جربت [MARK="FFFF33"]شيماء بوجيري [/MARK]لي انا طبعا سنة 2006 لانها من قبل حطت لبنت اخوي في ملجتها و في زواجها .. كان حفل زواج صديقتي .. ولبست اخضر زيتوني مع ذهبي .. حطت لي مكياج رووعه تدرجات الاخضر مع الذهبي و روج اورانج على بني كان نايس علي والكل في العرس يقز فيني .. وشعري يومها كنت مسويته في صالون آن في مدينة عيسى ..شسوار مع بف ستايل نانسي عجرم



بعدها 2007 حطيت عندها في زواج صديقتي .. حطت لي دمج بنفسجي مع وردي مع روج وردي ..كنت لابسة اسود وسيلفر و شعري بعد كان في صالون آن ..ستايل نانسي عجرم ..




وفي 2008 بعد حطت لي [MARK="FFFF33"]شيماء[/MARK] في ملجة ولد اخوي سموكي اسود مع احمر وروج احمر .. و حطت لي في خطوبة بنت اخوي ذهبي و بني مع اسود شوية وروج مارون انا كنت طالبته .. الكل حسب اني العروس يوم دخلت الصالة .. كنت لابسة اصفر (شعري مسويته لي غلوريا في صالون لولو) .. و هم حطت لي في نفس السنة سموكي ناعم مع فوشي انا طالبته لجلوة بنت خالتي كنت لابسة بنجابي اسود مع شك فوشي وذهبي (شعري عند الهندية في لولو)..وحطت لي لحنة بنت خالتي رمادي مع وردي لاني كنت لابسة فستان رمادي وفيه احجار سودة (شعري شسوار مع بف بسيط في لولو)..وفي ملجة بنت اختي بعد حطت لي فوشي ووردي مع ذهبي .. (شعري عند في في الرونق)




في ملجة بنت خالتي 2008 رحت عند وحدة اسمها [MARK="FFFF33"]ندى المنصوري[/MARK] تمكيج في صالون اماني بالمحرق .. حطت لي سموكي اسود مع احمر لاني كنت لابسة هاللونين .. ووجهي الاساس كانه مصبوغ ببويه بيضا او مغطس في طحين كلش ما ناسبني اللون ولا عرفت تضبط شفايفي رجعت البيت معصبة منقهرة على طول غسلته و تميت في الملجة بس بكحل وغلوس وتنرفزت على الاوادم مع ان الملجة في بيتنا ..طبعا بتقولون ليش تجومكين وتروحين بقولكم شفت مكياجها على بنت اختي كان حلو لانها سمرا و بنت اختي سمرا الظاهر تضبط السمر اكثر من البيض ..




في خطوبة بنت خالتي 2008 تمكيجت عند [MARK="FFFF33"]ميساء القلاف[/MARK] بصراحة المكياج ماحبيته ماكان سيء بس مو هو ذوقي .. و ماحسيته يستاهل 35 دينار .. كنت لابسة اصفر و حطت لي اصفر وعالطرف في كسرة العين اسود و روج وردي .. ما حبيت ستايلي ذيج الليلة بس ماكان في فرصة اغير او ابدل او امسح او غيرو .. بالعربي انصميت ..شعري سويته في الريجنسي كان مرتب و حلو بس بعد ما عرفوا انا شنو ابي .. فما حبيته ..



في خطوبة بنت اختي اضطريت اروح [MARK="FFFF33"]لعايشة البلوشي[/MARK] عشان ابي شعر ومكياج في نفس المكان لان كلنا رايحين بسيارة وحدة ومافيني عالتنقل .. مكياجي ومكياج العروس بالضبط نفس الطريقة .. رمادي مع بني ترابي و اضاءه سيلفر و روج احمر على اورانج للعروس و انا نفس الالوان و نفس التدرجات بس بدل الرمادي اخضر لان فستاني كان لونه بني مع اخضر وحطت لي روج يشبه روج العروس .. وماعجبني انها كثييير سمرتني .. سوتني لون العروس و اصلا الواننا غير هي سمرة غامقة شوي و انا بيضااا .. شعري سوته لي بدرية ناصر تسريحة عروس .. يومها الكل فالصالون يفكر ان انا بعد عروس بسبب الشعر و المكياج واكسسوار شعري كان كبير و مميز ماخذته من السعودية..



ويوم 12-7-2009 .. يعني بعد بكرة بروح لشيماء لزواج بنت خالتي و شعري فالرونق عند في ..




اي صج نسيت اقولكم في خطوبة بنت عمي في شهر 5 ..رحت لوران بسوي شعري في مدينة عيسى لان ما كنت ملاقيه حجز في الرونق .. سو لي شعري ويف بس ما حبيته كلش .. وخذوا مني 17 دينار و اشتغلو في الويف 3 ساعات بدون مبالغة .. طلعت منهم متغصصة ورحت صالون سمى غسلته وسشورته وحطيت اكستينشن طويل .. و طلعت [MARK="FFFF66"]لصالون وصال حاجزة عند شهيناز[/MARK] .. حطيت مكياج بو 10 بس واااااااايد اوفر مكياجها و ماضبطت لي شفايفي .. اصلا قبل ما اقعد عالكرسي قلت لها ابي شي نااعم مكياج يصغرني ما يكبرني .. و عينكم ما تشوف الا الاسووود و السموكي .. اقولها يوم طالعت روحي في المنظرة مصدومة قلت لج ابي ناعم الا تقولي انتي انعم مكياج بو 10 حطيته اليوم .. قلت لها لو ادري جذي حطيت بودينار يمكن نفس اللي ابي .. وانقهرت وتعكر باقي المزاج .. رجعت البيت قلت ما بروح الخطوبة وراحوا عني كلهم .. عقب قلت عشان خاطر عمي بروح ومرة عمي تحبني فشلة ما اروح .. قمت عدلته ومسحت منه و خصوصا رسمة العين والبراطم وعقب رحت .. كنت لابسة يومها اوف وايت مع فضي..


وبثثثثثثثثث تعبت والله ..:D
و
وصــايــف
عروس برونزية
11-07-2009 | 12:42 AM
الموضوع حلووووو

انا دائما احط لروحي مكياج بعروسنا احس محد يعرف لوجهي غيري

الشعر اخر مرة رحت عروس البحرين اللي عند السلمانية ،اايام التسعينات كان شغلهم حلووووو ، اخر مرة كلش ما عجبني


ق
قمرة_14
عروس مشاركة
11-07-2009 | 12:47 AM
ذكر اسم الماكييرة المصففة؟
ناريس:في ملجتي 2005 الشعر عندأميرة ب20دينار كان ويف مرتب وتوه نازل موضه ذيك السنة والمكياج ناريس حطت لي أحمر ب20 دينار كان نااااااعم بس البودرة... شوي صار وجهي دهني في الصور وطبعا ناريس تكبّر الشفايف ورحت الساعة 3 الضهر أول الزباين وخلصت على اذان المغرب.
صفية شويطر :في خطوبتي 2005 حطت لي ألوان ترابية ناعم صراحه تعامل أوكي والوقت أوكي رغم إني رحت لها متأخرة يمكن دخلت الصالون الساعة 7 المغرب حق اليك اب.وللحين إذا أطالع في صور الخطوبة أحس المكياج موقديم بالعكس حلو ومرتبعلى ما أظن ب 40 أو45 دينااااار بس .
سميرة الشكر:شعر حق خطوبتي2005. وايد سريعة وكان شغلها حلو ومرتب سوت ليي تسريحه صراحة كشخة ب45 دينار أو50 على ما أظن ، شفت نفس التسريحة على وحدة في خطوبتها عقب سنتين مسويه شعرها عند وحيدة.
فردوس الحلواجي:في البداية حبيتها لأن حجزت عندها حق خطوبتي وفصلت فستاني على أساس ألوان المكياج اللي يناسب بشرتي وكنت مستانسة فيها بس بعدين صار ظرف خارج عن إرادتي وغيرت وقت الحفلة صراحة وما عجبني تعاملها أبدا أبدا يوم قلت لها تغير لي الموعد وما رضت أغير حجوزاتي وما رجعت العربون . وبعدين حجزت عندسميرة الشكر وصفية شويطر ... ويوم حفلة الخطوبة بالصبح الساعة 10 تقريبا إلا هي متصلة تعالي ألحين .... الله يسامحها بس هل كانت تتوقع أنتظرليوم الحفلة وما أحجز غيرها؟؟؟
العفراء:العفرااااااااااااااء ويلي عليهم زحمة زحمة أحس روحي في السوق من كثر الناس والأرقام وناس فوق وناس تحت وعفسة الزباين .مكياجهم اوكي بس على ناس وناس
الرونق : وحيدة عجيييييييييبة حبوبة وطيوبة وستايلها يعجبني بس أحس هاليام مو الكل تضبطه
واختها قدرية بعد مثلها صراحة تعاملها والشعر تسويه أوكي مرتب
صفاء :رحت لها في زواجيحطت لي مووووف رغم إن ناس واجد خوفوني من تعاملها لكنها بالعكس طيبة لازم تروحين من وقت علشان تخلصين من وقت تاخذ يمكن ساعة على العروس وساعة إلا ربع على العادي. عرسي سوتني ب60 وعادي ب20 .
وما ترضى تسوي مكياج وبعدين تروحين تسوين الشعر.اول روحي حق الشعر وبعدين المكياج( ما أدري ليش)؟؟
وبسسسسسسسسسس
ا
ام حمودي555
عروس مشرقة
11-07-2009 | 01:16 AM
.:.رجاوي البحرين.:.;9905226:
الصراحة الموضوع وايد حلوووو ومفيد

الماكيرات-







مشكورة الغالية على المشاركة المفيدة

هذيان عاشقة;9905454:
اول شي مشكورة يا ام حمودي على الموضوع الحلو ..


ما شاء الله عليج حقل تجارب للماكييرات:tongue: وصج شيماء روعة وننتظر تقريرج للعرس باجر

وصايف;9905475:
الموضوع حلووووو

انا دائما احط لروحي مكياج بعروسنا احس محد يعرف لوجهي غيري

الشعر اخر مرة رحت عروس البحرين اللي عند السلمانية ،اايام التسعينات كان شغلهم حلووووو ، اخر مرة كلش ما عجبني



شكرا على المشاركة
قمرة_14;9905503:
ذكر اسم الماكييرة المصففة؟
ناريس:في ملجتي 2005 الشعر عندأميرة ب20دينار

مشكورة الغالية والعفراء حده زحمة وصج مب كل ناس يضبطونهم
m
miss sh
عروس ماسية
11-07-2009 | 01:19 AM
ام حمودي555;9904819:
مرحبا عرايس



حبيت افتح هالموضوع لعرض تجاربكم مع الماكييرات ومصففات الشعر علشان يكون مرجع للحابين يتعاملون معاهم وعلشان نجوف الفرق بين تجاربكم الشخصية


بس ياليت نعرض التجارب بدون تجريح للماكييرة او المصففة اذا كانت التحربة سلبية الرجاء ذكر التجربة بس اكرر بدون تجريح


ومانبي نقطع رزق احد الهدف من الموضوع عرض التجارب والمقارنة بين التجارب(a)


- ذكر اسم الماكييرة المصففة؟
-ذكر السنة اللي تعاملتي معاها والمناسبة اذا ممكن؟

العفراء ..قبل 3 سنوات وكان اوكيه بس البودره لج عليها
ام علي ماكيره من المالجيه تمام بس سمرتني شوي صار لوني على اصفر ف ما ناسبني
صالون الحبايب الي مكيجني راعيه الصالون وكان حده عجيب وناعم
صالون سلوى مكياج مروه حده روعه وفخم

- مكان عملها صالون بيت وذكر المنطقة؟

بس ام علي بيتها اما الباقي صالونات وذكرتها
-طريقة تعاملها معاج؟

وايد تمام
- الوقت اللي خذته معاج وهل كان في التزام بالموعد المحدد؟

يعتمد على كل ماكيره بس من ساعه الا ربع الا ساعه
- الالوان اللي استخدمتها او وصف التسريحة؟

حسب كل مناسبه ولونها او لون الفستان او اللون الي اخترته
- رايج في شغلها (y) او (n)؟
(y)
-بتتعاملين معاها مرة ثانية؟

باختار شي جديد


\/QUOTE]



[QUOTE=*شيخه*;9904930]بنات حبيت اسئلكم عن صفيه من البحرين تسوي مكياج

وشرايكم بمكياجها انا حاجزتها تجيني السعوديه

وماتقصرون

شيخه


اذا تقصدين صفيه شويطر روحي وانتي مطمنه بتطلعين واو
د
دهـن العـود
عروس فضية
11-07-2009 | 02:05 AM
خووووش موضوع

أم حمودي (f)

أن شاء الله باقي البنات يستفيدون منه

ببتدي بالشعر

مرة من زمااااااان
يمكن سنه 2000

رحت العفراء
حق عرس ولد عمي تحسفت من كل قلبي شعري كان عادي بكل معنى الكلمة

والفرق عوي وكل ما أشوف صوري أتحسف أني رحت عندهم
اللي كان محلي التسريحة الأكسسوار لا غير
والله كأنهم سووا لي شعري كبابة من وره فيها جم عجفة خخخخخخخخ قصوا علي
:tongue:


صالون أشرقت الرفاع

جربت أشرقت بعد مرة من زماااااان سنه 2002
المناسبة عرس ناس
بس كان خاطري أكشخ عدل لعرسهم

سوتلي بف من جدام بس كان مب مرتب

كلش ومو حلى على ويهي من قدام بس من ورة كانت حلوة التسريحة





بعد مرة من زماااااان سنه 2000

رحت الريجنسي
عرس ولد عمي

كانت التسريحة مو ذاك الزود واللي خلاني يصديني أحباط من قلب
أن امي وأختي العودة كانوا رايحين يسوون شعرهم بصالون أشرقت

وتسريحتهم أحلى من تساريحنا

(n)
ما أفكر أروح لهم مره ثانية



صالون الرونق

أنا زبونة عندهم من زماااااااااان

والصراحة هم التوب بنظري

وحيدة جربتها 4 مرات
قبل على ايام تسوي للعادي وب10 دينار فقط

الله يرحم ايام الرخص

وبعدين شوي شوي زادت الأسعار

وآخر مرة سوت لي في خطوبتي

أنسانة طيووووبة وحبوبة وأنا فعلا أحب أحط

قمة شعري عندها وانا متطمنة

لأني ما قط رحت لها وسوت لي شي معفس والا مب حلو

وأكيد أفكر أروح لها أو لأي وحدة من صالونها في كل مناسبة
غالية علي :15:

لأني ما اروح الرونق الا لي حطيت ببالي اني بكشخ من قلب


وترة كل الفلبينيات اللي في الرونق
فنانات بكل معنى الكلمة

(y)(y)(y)



يسرى السورية
تسوي الشعر بأسعار رمزية بالبيت

سويت شعري عندها مرتين مرة
المناسبة عرس ولد عمي قبل 3 أشهر وكل من قالي صايرة
واااااااااايد مميزة وفعلا التسريحة كشخة من قلب

سوت لي أنا وخواتي وأمي

وأسعارها حلوة بس ب8 دينار سوت لنا تساريح بف على ويفي كل وحدة فينا تسريحتها غير

وترة طريقتها جدا بروفيشينال

تطلع الشعر ويفي مبطل بطريقة جدا رااااااااقية

أحلى من أي مكان ثاني

:wink:



أفكر أروح لها مرة ثانية ليش لا لأني جربتها مرتين وفي كل مرة أروح لها وتخلصني من وقت

وهي ما شاء الله عليها سريعة (y)




اللحين دور


المكياج

أنا ما احب أتمكيج وايد برة
لأني أعرف اتمكيج الحمد الله


تمكيجت عند فاطمة البستكي
المناسبة عرس خالتي

سنه 2003

كان فستاني فوشي وسوت لي مكياج وردي على فوشي وكااااان حده ناعم

طلعت ملامحي بطريقة كلش غير
وصرت على قولتهم ناعمة وحلوة

وعيبها مثل ما قالت أم حمودي تتأخر وايد وهي تتمكيج

يعني ترقدين وهي تحط لج مكياج

وعلى فكرة أمي وخواتي راحوا لها بعرسي

وسوت لهم ميكب وااااااااايد حلو طلعت ملامحهم حلوة وحتى بالتصوير طالعين كشخة

ويفكرون يروحون لها في عرس اختي ان شاء الله
مرة ثانية



نورة الكعبي

صالون أشرقت المناسبة ملجتي

بالنسبة للمواعيد رحت لها شوي متأخرة لأن ما كان عندي سيارة تاخذني من صالون لصالون

نسوني هههههههههههههه بس مسكينه كانت تنتظرني

وممكيجتني في ملجتي ب30 دينار مكياج عادي
تركواز
كان وااااايد حلو وغير عن مكياجي أنا لأني أعرف أتمكيج بروحي

حسيت أني فعلا غير :o

بس البودرة كانت ما تناسب لي وايد (n)

يعني لون جسمي طالع بالتصوير غير عن ويهي بواااااايد مع انها حطت لي بودرة ولمعة بالجسم




مكياج


نوال الحسن
تمكيج ببيتها في عراد عرفتها عن طريق يسرى اللي تسوي الشعر

اهي نصحتني بها

المناسبة كان عرس ولد عمي قبل 3 أشهر

المكياج بو 15 دينار مع الرموش

صراحة عجبني الميكب واااااااايد وكل من قالي وااااااايد متغيرة ومحلوة
ووايد بنات خذوا رقمها من عندي

وعلى فكرة كنت رايحه لها مع خواتي وأمي

وكل وحدة عجبها المكياج الحمد الله حتى أمي شوي مللتها كل شوي تقولها غيري لي
لون الحمرة وتغيرها لها مسكينه

خخخخخخخخخخخخخخخ

واللحين أي أحد يشوف صور مكياجنا لعرس ولد عمي يسألنا وين متمكيجين

ما شاء الله طريقة رسمه الكحل وايد تسويها حلوة


والصراحة أفكر اروح لها مرة ثانية(y) بس المشكلة أن بيتها بعيد علينا درررررب


صفيه شويطر

مكيجتني بعرسي
الصراحة من ناحية المواعيد (y)(y) كانت بالفندق تنطري وأنا للحين ما رجعت
من صالون الرونق للشعر

وعلى طول بدت في خواتي وبدعت فيهم ما شاء الله

وآخر شي تفرغت لي وكانت واااااااايد طيبة وحلو التعامل معاها

وسألتني شنو لون الباقة
ولون ديكور القاعة


وسوت لي مكياج ناعم بنفس الوقت رااااااقي وحلو

وأهي تمكيجني كانت خالتي معاي وكل شوي تأشر علي تسوي نفس هالحركة (y):wink:

ههههههههههههههههه تضحك خالتي يحليلها

كانت تطمني

ولما خلصت قالت لي أشوف روحي بالمنظرة وأي شي موعاجبني

أقولها وبتعدله لي

ردت عليها خالتي

لالالالالالالا شنو تغيرين ما شاء الله عليج تسلم يدج ما قصرتي

ههههههههههههههههه


رحت أشوف روحي بالمنظرة


ما توقعت شكلي هلون أنعجبت بروحي الحمد الله

كل من قال حق أمي بنتج ماشاء الله تبارك الله
حلوة وجميله :tongue:

خخخخخخخخخخخخخ يقصون على أمي طبعا

هههههههههههههههههههه

وأكيد أفكر أروح لها بالمناسبات الغالية

أن شاء الله بروح لها بعرس اختي (y)
ن
نور رائد
عروس مبدعة
11-07-2009 | 08:03 AM
السلام عليكم مشكوره اختي على الموضوع الحلو وعن تجربتي
كنت على طول اروح حق نوره الكعبي صالون اشرقت حق مكياج وطبعا مكياجها ماعليه حجي حلو صج اهي راعيه مزاج واذا كنتي اوكي وياها بتفنتق لج زود لين سنه 2005 سوت فيني دقه
وعقب كلش مارحت لها لان انا كنت حاجزه عندها مع امي، امي راحت قبلي لان سوت شعرها اهناك
لكن انا كنت باسوي شعرف في صالون ثاني لاني كنت قاصه شعري عندهم قبل بيومين وكنت ابي اللي قصت لي شعري
تسويه علشان اطلع القصه، ولما وصلت حق نوره الصالون طلعت عني وقالولي انها تقولي اني تاخرت
مع اني ماتاخرت بس ماكان عندها كستمر كلش في ذاك اليوم بس انا وامي وثنتين تقريبا خلصت منهم ومشت
خلتني اصيح وكان عرس اختي، وفي اخر لحظة كلمت وحده من بنات خالتي وقالت لي اروح لها الصالون اللي اهي فيه
لان اللي بتمكيجها وافقت تمكيجني والحمدالله طلعت شي.
والدقه الثانيه منها كانت سنه 2008 خطوبتي في امي من نوره الكعبي حطت لها كريم اساس خلت امي مأساه
وكل الناس سالتني ليش حاطين حق امج جذي المشكله مو في رسمه العين المشكله في لون الاساس
كلش غلط اول مره يصر في امي جذي وماصار الا في خطوبتي انا، وعليه لين الحين محتره.
صفيه شويطر جربتها في خطوبتي مكياجها ناعم وحلو واحلى شي الاساس مضبوط يعني حق اللي تحب الناعم
ماتحط اللوان وايد مقط مره جفتها حطت دفش يعجني شغلها.
صالون مس وان في الرفاع عند زينب مكياجها حلو حق العادي واسعارها حلوه مانصحكم بالشعر في صالونها
بس المكياج اينن بس اجوفها هاليومين كله بزي لان انشهرت واسعارها رخيصه اغلى شي 25 دينار
فضيله ام علي مدينه حمد في بيتها تسوي شعر ومكياج انا اروح لها اذا معزومه ومالي خلق اسوي حق روحي
بالنسبه حق الشعر عندها اينن ماشاء الله عليها تعرف تسوي ويف فظيع والمكياج بسيط وحلو
انا اكثر شي اسوي شعري في الرونق وايد فنانات ومايحتاج اتكلم اما عن وحيده فسويت عندها في خطوبتي
بصراحه كانت اول مره اسوي فيها تسرحه كبيره لان ماحب التسرحات لكن من عقبها خلتني كله اسويت تسرحات
صج صج صج شغلها حلو واينن اينن طلعتني بشكل يديد كلش التسريحه وايد غيرتني اكثر من المكياج
كنت منصدمه من تسريحتي ماشاء الله لان وايد كانت فخمه وراقيه وستايل.
وجربت من قبل صالون نجلاء اللي في عالي مكياجها حلو وايد، واللي يسون الشعر عندها بعد شغلهم حلو.
جربت فاطمه بهبهاني حق المكياج بصراحه احسها غاليه شوي لكن مكياجها حلو.:)
ا
ام حمودي555
عروس مشرقة
11-07-2009 | 05:38 PM
حبيبة عزوزي;9905639:
[QUOTE=ام حمودي555;9904819]
مرحبا عرايس




حبيت افتح هالموضوع لعرض تجاربكم مع الماكييرات ومصففات الشعر علشان يكون مرجع للحابين يتعاملون معاهم وعلشان نجوف الفرق بين تجاربكم الشخصية





شكرا على المشاركة الحلوة(y)



دهن العود;9905932:
خووووش موضوع



أم حمودي (f)


أن شاء الله باقي البنات يستفيدون منه


ببتدي بالشعر


مرة من زمااااااان
يمكن سنه 2000





مشكورة الغالية على المشاركة وصج وححيدة روعة وزين لحقنا عليها على ايام بورخوص:D وفاطمة البستكي اخر مرة ماسوت لي عدل بس من قبل كان شي(y) بس صج تكسر الوحدة
نور رائد;9907093:
السلام عليكم مشكوره اختي على الموضوع الحلو وعن تجربتي
كنت على طول اروح حق نوره الكعبي صالون اشرقت حق مكياج وطبعا مكياجها ماعليه حجي حلو صج اهي راعيه مزاج واذا كنتي اوكي وياها بتفنتق لج زود لين سنه 2005 سوت فيني دقه
وعقب كلش مارحت لها لان انا كنت حاجزه عندها مع امي، امي راحت قبلي لان سوت شعرها اهناك
لكن انا كنت باسوي شعرف في صالون ثاني لاني كنت قاصه شعري عندهم قبل بيومين وكنت ابي اللي قصت لي شعري
تسويه علشان اطلع القصه، ولما وصلت حق نوره الصالون طلعت عني وقالولي انها تقولي اني تاخرت
مع اني ماتاخرت بس ماكان عندها كستمر كلش في ذاك اليوم بس انا وامي وثنتين تقريبا خلصت منهم ومشت
خلتني اصيح وكان عرس اختي، وفي اخر لحظة كلمت وحده من بنات خالتي وقالت لي اروح لها الصالون اللي اهي فيه
لان اللي بتمكيجها وافقت تمكيجني والحمدالله طلعت شي.
والدقه الثانيه منها كانت سنه 2008 خطوبتي في امي من نوره الكعبي حطت لها كريم اساس خلت امي مأساه
وكل الناس سالتني ليش حاطين حق امج جذي المشكله مو في رسمه العين المشكله في لون الاساس
كلش غلط اول مره يصر في امي جذي وماصار الا في خطوبتي انا، وعليه لين الحين محتره.
صفيه شويطر جربتها في خطوبتي مكياجها ناعم وحلو واحلى شي الاساس مضبوط يعني حق اللي تحب الناعم
ماتحط اللوان وايد مقط مره جفتها حطت دفش يعجني شغلها.
صالون مس وان في الرفاع عند زينب مكياجها حلو حق العادي واسعارها حلوه مانصحكم بالشعر في صالونها
بس المكياج اينن بس اجوفها هاليومين كله بزي لان انشهرت واسعارها رخيصه اغلى شي 25 دينار
فضيله ام علي مدينه حمد في بيتها تسوي شعر ومكياج انا اروح لها اذا معزومه ومالي خلق اسوي حق روحي
بالنسبه حق الشعر عندها اينن ماشاء الله عليها تعرف تسوي ويف فظيع والمكياج بسيط وحلو
انا اكثر شي اسوي شعري في الرونق وايد فنانات ومايحتاج اتكلم اما عن وحيده فسويت عندها في خطوبتي
بصراحه كانت اول مره اسوي فيها تسرحه كبيره لان ماحب التسرحات لكن من عقبها خلتني كله اسويت تسرحات
صج صج صج شغلها حلو واينن اينن طلعتني بشكل يديد كلش التسريحه وايد غيرتني اكثر من المكياج
كنت منصدمه من تسريحتي ماشاء الله لان وايد كانت فخمه وراقيه وستايل.
وجربت من قبل صالون نجلاء اللي في عالي مكياجها حلو وايد، واللي يسون الشعر عندها بعد شغلهم حلو.
جربت فاطمه بهبهاني حق المكياج بصراحه احسها غاليه شوي لكن مكياجها حلو.:)


مشكورة الغالية على المشاركة الحلوة(y)
X