سفرتي للهند مومباي..قريبا11/7

ت

تراجي ام الزين كله

عروس ماسية

09-07-2009 | 11:19 PM

شخباركم فديتكم
ان شاءلله تاريخ 11 باذن الله متوجهه للهند تحديدا مومبي في منطقه كولابا
باسكن في ريجنت هوتيل بوسط السوق وهالمنطقة منطقه الخليجين

طبعا تجهيزاتي بحطها لكم بمختصر وبحط صور للقش اللي بوديه (y)وبنقل لكم الاحداث اول باول من اوصل الديره هناك رحلتي بتكون لي تاريخ 25 او 28 اهي علاج وشوبينغ وتغير جو
دعواتكم الله يشفي والديني:)(f)

بما انه هاي روحتي رقم 10 بس صار لي جم سنه مارحت واشيه وايد احس ناسيتها اني احطها البركه فيكم تساعدوني بعد كون امي تخاف تاكل هناك غير عني ويا اختي وابوي مانخالف نمد يدنه اي مكان ناكل ههههه

حطينه كارتون (1)
زيت للطبخ
اكل معلب من كل نوع ناكله
بهارات
ملاعق سكين قصدير صواني
طابي
وهناك بناخذ جدر
اكواب بلاستيك
صحون بلاستيك حق تقطيع الخضره <<استلموها للطبخ هناك ههه

كارتون(2)
جبن انواع
شاي اخضر
شاي عادي
اجباس منوعه لاختي
بسكويت ديسجتف ويا كورن فلكس رشاقه:o<<<<تسوي رجيم
كاتشاب
تمر
ماجي
لومي اسود ههه<<<<ميوده عليهم الا تحطونه لي المعكرونه ماتصير بدونه
معكرونه
بلاليط
عصير جريب فروت
اشيه ثانيه ماتخطر على بالي

كارتون (3)
ديتول
صابون
معجون
نعال ربل للحمام عزكم الله
صابون للغسيل للثياب
ماذكر بعد والله بس الاشيه التابعه لهم

شنطه(1)
هاي بس فيه الصوغات لربع ابوي هناك قطع وقمصان وشناط وعطورات

شنطه(2)
ثياب امي وابوي ويا الكريمات وسجاده صلاه والادعيه وقرآن
فوط
فوط نسائيه
اعواد للاذون

شنطه(3)
اغراضي ويا اختي
حطيت ثياب خفيفه قصيره للنوم
جم جلابيه بيت
برمودا وجم فانيله
ملابس داخليه
عبايه وشيله
ميكب
مشط
كليبات شعر
عطر
الاشعه
لعبه انو للتسليه
نعال وجوتي حق الجحته هناك
عطر واحد

جمتات هاي اجياس كبار مال السفر ثنتين
وحده عوده ووحده اصغر شوي

هاي سلمكم الله حطينه فيهم بس ثياب وشناط حق الفقاره وعقب مانفضيهم بنخليهم لمشترياتنه ان شاءلله

وخذينه مرقد لان حاجزين غرفه ب 3 اسره واحنه 4 مانبي نقعد الا ويا بعض وباخليه لي او لاختي

وحطينه الاب توب وكاميرا ديجتل وكاميرا عادي

كريم ترطيب الجسم وديودرنت

شنطه صغيره:
للادويه بس

شنطه اخيره بنحطها ويانه بالطياره فيها الاكل مانقدر نحطها وياهم :
فيها خبز ايراني لان هناك سبحان الله من حلاه جوهم سبوع يتم مايتغير ولا ييبس
خبز لبناني
وروتي
زنجباري

انزين بنات فيدوني شنو ناقص اخاف انسى اشيه مهمه وتفوتني

قبل لا اطلع دعواتكم دعوه الاخ لاخوه المسلم بظهر الغيب مستجابه
ان الله يسهل دربنه
ويشافي والديني وجميع المسلمين عاجلا غير آجل

وذكروا الله قبل الرد
لان احنه اقولكم مانعتمد بسفرنه على اللي بالديره نحب نحس انه احنه بديرتنه
غير ذي لان ربع ابوي ايونه فنحتاج نبرز لهم كلشي بيدنه

اي من تجهيزاتنه هناك:
اتصلنه بزميله هناك حجزت الفندق وطلبنه تكون غرفتنه مطله ع الشارع
حجزنه وحده تطبخ لنه كل مانروح ناخذها تسوي طباخ خليجي انما اييه عجيب
حجزنه شغاله تنظف الثياب
خذت رقم واحد من بنت اماراتيه الله يزيها خير اهو بيودينه للتسوق واي مكان نحب نروحه
حجزنه مواعيد للمستشفيات

رجت صرفت الفلوس وباقي باجر اخر دفعه اصرفها
ال 10 دينار تصير حول 12000 روبيه هنديه وسعر الصرف من يومين 8.226

بس اذا احد يفيدني بعد بالمحلات للشنط والنعل عزكم الله ويا شراشف الاسره ويا بطاقات دعوه للعرس
واي شي حلو شفتوه تفيدوني به

والله يوفقني وياكم
واي وحده تامر بشي لايردها الا لسانها(f)

ه

هنودة المسلمة

مشرفة سابقة

10-07-2009 | 12:25 AM

تروحي وتيجي بالسلامه حبيبتي
وبظن ام ماشاء الله كده الشنط كامله
ان شاء الله البنات يفيدوكي لو حد لاحظ نقص شئ
والله يووفقك حبيبتي
ويجعلها سفريه تقضون فيها وقت سعيد ياااآآآآآآآآآآآآآآآآآآرب

م

ماركة بحرينية

عروس مبدعة

10-07-2009 | 01:02 AM

ماشاء الله تباارك الرحمن ،، ربي يحفظكم ويسلملج واالدينج وتروحوون وترجعوون بالسلاامة ان شاء الله

ن

نجــــد

عروس ماسية

10-07-2009 | 02:29 AM

تروحين وترجعيني بالسلامة يارب

تصدقين انا محتارة الاجازة بدت ومدري وين أسافر زوجي يبي اوربا وانا مقترحه الهند

حلوة الهند كسياحة ؟!

شرايك , بما انك رايحه كثير

د

دلوعة حbيbها

عروس ماسية

10-07-2009 | 03:15 AM

الله يوفقك حبيبتي وتروحوا وترجعوا بالسلامة
ان شاء الله ماتكوني ناسية شيء
سلميلي على شاروخ خان واميتاب ههههههههه

ع

عروس مغتربة عن زوجها

عروس ركن أفكار وخبرات

10-07-2009 | 03:27 AM

يا سلام انا بكون هناااااااااااااااااااااااااك بس بروح بتاريخ 15-7 ان شاء الله اذا الله راد... بنروح بنغلور و كلكتا وكيرلا .. وناسه بشوووووووووووووووفج<<<< مصدقه عمرج ههههههههههههه

-

-%-سحابة حب-%-

عروس ماسية

10-07-2009 | 03:29 AM

تروحين وترجعين بالسلامه ..
ديروا بالكم على نفسكم ...

م

مشاعر بحرينيه

عروس برونزية

10-07-2009 | 06:50 AM

ربي يحفظكم تروحون وترجعون بالسلامه

ح

حلمـ .,

مشرفة سابقة

10-07-2009 | 12:40 PM

تروحون وترجعون بالسلامة إن شاء الله ..,

سفرة سعيدة إن شاء الله

والهند طبيعتها خلابة جداً وروعة

وفيها أماكن صج تشرح النفس

ولا عاد ( تاج محل ) مكان ساحر , وصج أتمنى أروحه

*

ننتظر العودة ..,

محملة بالتقارير الحلوة :wink:

تحملي بروحج زيييييييييييييين

ر

رموووو

عروس برونزية

10-07-2009 | 01:00 PM

ماشاء الله تروحين وترجعين بالسلامه

ت

تراجي ام الزين كله

عروس ماسية

10-07-2009 | 01:41 PM

هنودة المسلمة;9900362:
تروحي وتيجي بالسلامه حبيبتي
وبظن ام ماشاء الله كده الشنط كامله
ان شاء الله البنات يفيدوكي لو حد لاحظ نقص شئ
والله يووفقك حبيبتي
ويجعلها سفريه تقضون فيها وقت سعيد ياااآآآآآآآآآآآآآآآآآآرب

الله يسلمج من الشر يالغلا
تسلمين طمنتيني
ويوفقج وياي
ان شاءلله باذن الله تشرفت بمرورج(f)

ت

تراجي ام الزين كله

عروس ماسية

10-07-2009 | 01:42 PM

ماركة بحرينية;9900534:
ماشاء الله تباارك الرحمن ،، ربي يحفظكم ويسلملج واالدينج وتروحوون وترجعوون بالسلاامة ان شاء الله

آمين ياربي يحفظج لاهلج ياربي
الله يسلمج من الشر

ت

تراجي ام الزين كله

عروس ماسية

10-07-2009 | 01:46 PM

نجد;9900997:
تروحين وترجعيني بالسلامة يارب

تصدقين انا محتارة الاجازة بدت ومدري وين أسافر زوجي يبي اوربا وانا مقترحه الهند

حلوة الهند كسياحة ؟!ني

شرايك , بما انك رايحه كثير

الله يسلمج ابوي من الشر

انه الله يسلمج روحاتي كلها مومباي ماقط غيرت منطقه ثانيه هالمنطقه بس شوبينغ وعلاج
كسياحه ماتنفع
معنه الحين فتحت مولات وفيه الحديقه المائيه وملاهي

بس اقولج مناطق ثانيه مناظرها شي وشويات

جوا
كيرلا
بنغلور
ميسور
اوتي

وغيرهم ماشاءلله شوفي المناطق بقوقل تشرح النفس
عني اذا باروح بس بامر المناطق الجريبه اللي بس تبعد 3 ساعات بالسياره يعني اطلع الصبح وارجع بالليل

واي شي ثاني حاضره لج

ت

تراجي ام الزين كله

عروس ماسية

10-07-2009 | 01:47 PM

sweet 3ahhoda;9901221:
الله يوفقك حبيبتي وتروحوا وترجعوا بالسلامة
ان شاء الله ماتكوني ناسية شيء
سلميلي على شاروخ خان واميتاب ههههههههه

ويوفقج ابوي

اتمنى والله اني مانسى شي مهم واتوهق كل ماذكر شي حطيته هههه شكله بيقفوني بالوزن ههههههه

يسلمج الرحمن من كل شر

ت

تراجي ام الزين كله

عروس ماسية

10-07-2009 | 01:53 PM

عروس مغتربة عن زوجها;9901263:
يا سلام انا بكون هناااااااااااااااااااااااااك بس بروح بتاريخ 15-7 ان شاء الله اذا الله راد... بنروح بنغلور و كلكتا وكيرلا .. وناسه بشوووووووووووووووفج<<<< مصدقه عمرج ههههههههههههه

ياسلاااااااام مرتين اتمنى التقي بج ابوي
لقيت وحده اماراتيه بمنتدى ثاني بتسكن بنفس الفندق بس بتوصل يوم ثاني من وصولي معني ماعرفها بس وايد استانست (f)
تروحين وترجعين بالسلامه
ورحله سعيده ياربي

ر

رشة مطر

عروس ذهبية

10-07-2009 | 02:09 PM

واااااااااااااااي اتمنى اروح الهند بس اخاف من الحيايه ((الثعابين))

واخاف الفنادق مو نظيفه

اذا بتشجعيني وان شاء الله بفكر بجد اني اروح

ابيج تقوليلي على احسن فندق واسعاره والشوبنج

ووين تنصحيني للطبيعه واسرار التسوق

وناطرتج حتى اذا رديتي من السفر بالسلامه ناطره ناطره

ر

رشة مطر

عروس ذهبية

10-07-2009 | 02:44 PM

كارتون (3)
ديتول
صابون
معجون
نعال ربل للحمام عزكم الله
صابون للغسيل للثياب

ليش تاخذين بهارات

الهند ام البهارات

لا تكثرين اهم شي اخذي شراشف للسراير حق اول ليله ماتدرين يمكن المخده متروسه دهن

نحيسه عشان تهونين وتروحبن السنه الجايه والقاج هناك

ناطرتج لما تردين عشان توريني مشترياتج ما عليه ملقوفه
ليش تثقلين اهنا اكو بس اخذي احجام صغيره للايام الاولى

ع

عروس مغتربة عن زوجها

عروس ركن أفكار وخبرات

10-07-2009 | 02:59 PM

الترجيه;9902707:
ياسلاااااااام مرتين اتمنى التقي بج ابوي
لقيت وحده اماراتيه بمنتدى ثاني بتسكن بنفس الفندق بس بتوصل يوم ثاني من وصولي معني ماعرفها بس وايد استانست (f)
تروحين وترجعين بالسلامه
ورحله سعيده ياربي

المشكله اني بسافر سياحه مع امي وابوي يعني مرتبطه معاهم وما اروم اتكلم خخخخخخ

اما اذا كان مع زوجي فأكيد احلى لان اروم اتحكم بالسفره هههههههههههههههههههه:tongue:

ت

تراجي ام الزين كله

عروس ماسية

10-07-2009 | 05:25 PM

-%-سحابة حب-%-;9901275:
تروحين وترجعين بالسلامه ..
ديروا بالكم على نفسكم ...

الله يسلمج من الشر ابوي

ان شاءلله الله يسر الامور

ت

تراجي ام الزين كله

عروس ماسية

10-07-2009 | 05:26 PM

مشاعر بحرينيه;9901841:
ربي يحفظكم تروحون وترجعون بالسلامه

اللهم آمين
ويحفظج ابوي(f)