طقت فى دماغى فكرة ليله وووووووووووووووواو روعه

السلام عليكم ورحمه الله وبركاته

كيفكم يا قمرات انا النهارده طقت فى دماغى (على راى يوسف معاطى) فكرة انما ايه روعه وهى
المفروض ان بكرة عيد زوجى رحت قمت بسرعه على هوتيل فخم وحجزت غرفه لليله ويوم

وبعدين رحت اجرت فستان فرح رائع وكمان رحت الكوفير اه نسيت اقولكو انى وديت الاولاد عند ماما وانا فى الكوفير بعت رساله لزوجى قلتله انو يروح على البيت يجهز نفسه لان اخويه عازمنا على العشاء فى الهوتيل وانا فى الكوافير واخويه هيعدى عليا وهنسبقك هناك
وارجوك ما تتاخر بس كده
وطبعا ان فى البيت مجهزه له البدله ولان طبعا بدله زوجنا مش هتيجى على مقاسه دلوقتى انا اشترتله بدله جديده

وبعدين بعد الكوفير لبست فستانى الجميل

وفى تمام الساعه التاسعهجلست فى الرسبشن بس فى مكان مش مكشوف وطبعا كنت بتابعه على الموبيل علشان اعرف كل خطواته واول ما قرب من الخول ولسه بيسال على المطعم اتفاجاء بمن يقول له حضرتك فلان الفلانى قاله ايوه قاله اتفضل معايا طبعا زوجى فى اندهاش الى ىان وصل ووجدنى عروسه بفستان الفرح بانتظاره وطبعا اتصدم لمده دقيقه مش عارف يعمل ايه وبعدين مسك يدى وقبلها وهو فى قمه الاندهاش وبعد كده اخذنا الى بيعمل فى الهوتيل للترابيزه الى فى المطعم وطبعا عليها كل ما لذا وطاب وفسفورى هههههههههههه
وده كله من ترتيبى واتفاقى مع العاملين فى الهوتيلواهم حاجه ان الحساب خالص يعنى دفعت كل الحساب عشان زوجى يستمتع بقضاء الليله ههههههههه
واتعشيناا بالهنا والشفاء وجاء دور الحفله هى مش حفله مخصوص بس احنا روحنا الكازينو التابع للهوتيل وقضينا وقت جميل مع البند الى تبعه وطبعا كنا قدام الناس كلها عريس وعروسه بجد محدش يعرف الى فيها ههههههههههه
وكل ده مفجات لزوجى وهو مش عارف يعمل ايه من كتر السعاده والدهشه والجراه المهم ننتقل للمفجاءه الى بعد كده وهو بيقولى انتى هتروحى بالفستان ده كده قرديت وقلتله طبعا مش عروسه وقمنا ووجدنا العامل يقول لنا اتفضلوا غرفتكم فى انتظاركم والف مبروك


وانا كنت اتفقت معاهم انهم يوضبو الغرفه بالشمع والورود وكمان الحمام بس ما حبيت انى انا الى اعملهم علشان اتفاجاء مثل زوجى برده متعه وبصراحه هما ما قصرو وكانت الغرفه والحمام فوق الخيال

واكيد ما نسيت احلى قميص نوم للعروسه وهو ابيض وكمان بيجامه العريس

وبرضو الهديه مع احلى تتغليف رومنسى
وهى كانت عباره عن طقم زراير دهب
وهو ما قصر شالنى من على الباب زى كل العرايس ودخلنا الغرفه وانا خجلانه جدا بجد نسيت انى متزوجه من 8 سنين وقضينا سويا ليله من اجمل ليالى العمر وتانى يوم فى الصباحيه ههههههههههههههههههههه فطرنا فى الغرفه وما خرجنا منها طول اليوم زى اى عرويسين لا احلى عروسين
اه نسيت اقولكم هو جابلى خاتم هديه بس طبعا مفاجاتى له كان ليها طعم تانى وانا استمتعت لانى عشت احساس العروسه لتانى مرة مع اغلى انسان عندى يارب يخليه ليا
.
يارب يكون الموضوع عجبكوا وادعولى انه يتحقق لانه كان مجرد فكرة خطرت فى بالى ويمنعنى عن تنفيذها ان ابنى لسه بيبى ما ينفع اسيبه عند ماما وكمان الليله مكلفه جدا بس ان شاء الله خلال سنه باذن الله اقدر احققها دعولى

ملاحظه : انا حاولت انزل صور بس كل ما احملها يقولى فشل فى التحميل اسفه للاطاله