رولات البسكويت المخططه .. لعيونكم ^_*

..................صباح الخير.....................

جبت لكم تجربتي مع [FONT=Arial]هالرولات [/FONT]
[FONT=Arial]وهي من انواع البسكوت
على شكل رقائق مقرمشه
[/FONT]خذت الطريقه هذي من كتاب Martha stewart's cookies

هذي أول مره اسويها ..كانت تجربه جيده جدا ..


















الكميه تكفي 20 قطعه..



المقادير :
بياض 4 بيضات حجم كبير
كوب واحد سكر عادي
كوب واحد طحين جميع الاستعمالات(منخول)+رشة ملح
5 ملاعق زبده غير مملحه ..مذوبه وتترك لتبرد على جنب
1\8 كوب دبل كريم بالاضافه الى ملعقة اكل منه
نص ملعقة صغيره فانيلا مركزه
لون أحمر




والطريقه:
1- يحمى الفرن على درجة 400 درجه فهرنهايتيه


2- يخفق بخلاط الكيك البياض مع السكر على سرعه متوسطه الى ان تصبح مثل الرغوه البيضا ..تخفض السرعه الى البطئ ويضاف الطحين مع الملح بالتدريج, يخلط الى ان تمتزج المقادير ..واخيرا تضاف الزبده مع الفانيلا والدبل كريم ويخلط الى ان يمتزج الخليط ..مع مراعاة عدم المبالغه فالخفق.













3- نأخذ من الخليط مقدار نص 3\4 الكوب في مله (طاسه) ثانيه(مع الاحتفاظ بباقي الخليطعلى جنب) ونضيف اليه نقاط من اللون الأحمر ويخلط بالملعقه ثم يصب في كيس الحلويات ويترك جانبا (قياس فتحة حديدة تشكيل الحلويات 2 والفتحه دائريه).






























4- نأخذ كرتونه نقصها مستطيل بالمووس قياس 3X6 انش












5- في قالب مستطيل مسطح نضع السيليكون (اذا كان متوفر ) او يمكن استخدام ورق زبده كبديل ونضع المستطيل ونصب فوقه مقدار ملعقه كبيره من الخليط ويسوى السطح بالسباتيولار (حجم صغير) الخاص بالكريمه..وتزال الكرتونه ويرسم خطوط بالاحمر على المستطيل مثل الصوره ويدخل الفرن لمدة 5 دقايق ..انا استوا عندي في 3 دقايق مجرد تتحمر الأطراف اطلعه على طووول ..(في كل قالب نسوي 2 او 3وندخل الصينيه فالفرن ..راح تسوينهم على دفعات).




















6- وأول ما نطلعه من الفرن وبحركه سريعه نشيل قطعه بالسباتيولار او بملاس مسطح ونقلبه ونلففه بالعرض على طوول ونخليه على جنب ..اذا تأخرتي فاللف راح تبرد القطع الباقيه ومابتقدرين تشكلينهم..(انا لفيت بعضهم عصايه ضعيفه عندي حدادة السكاكين وطلعوا وايد مرتبين اما اول القطع كانوا معفسين وبعضهم تحمرووا وايد وصاروا شيبس).











7- نخلي القطع تبرد عدل قبل حفظهم ببرطمان محكم الاغلاق ..ويمكن تخزينه لمدة اسبوع كامل..


والحين اترككم مع الصور النهائيه