الحنة الليبية ادخلوا وقولوا رايكم

:adore:بالنسبة لطريقتها تتفنن فيها سيديات وتختلف الاضافات مثلا في يلي بعد ماينزعها يحطله نشادر تولي سودا بس مش محبوبة لانو لما تبدا الحنة تزول تكون لونها ضارب على خضار:badly:
في يلي يضيف ماء السواك وهوا يشبه لحاف الشجر تستعمله المرا الليبية في تلوين اللثه وتطلع تجنن
وفي يلي يضيفو اعشاب .... ما اعرفها صراحه :o
اما انا لو ما اسعفني الوقت وشريتها من المختصات معجونة جاهزة احضرها بنفسي وطريقتي اني احط حنة التاج ظروف السودانية مطحونه جاهزة اعصر عليها ليمون حوالي 2 كبار او 3 صغار وشوي مي وطبعا احب اخلي كم بذرة من الليمون في عجينة الحنه واعجنها واغطيها واخليها من الصبح للمغرب تقريبا ولما اكشف واشوف بذور الليمون ادا صبغو داكن تكون العجينة جاهزة اضيف عليها السرتيه او زيت الشيح واستعملها بعدين ساعتين بس واشيلها تكون صفرا اغطيها بعد ما ادهنها يا بزيت زيتون يا اما بالفيكس والبس جوارب وقفازات وتاني يوم تكون تجنن لونها ضارب على نبيدي
حبيت اضيف لكم كم تشكيلة اخرى للحنة الليبية يلي تعتبر تقليدية في اهل طرابلس مو شرط الكل يحنو زيها
اترككم مع الصور

هدي حنتنا ياحلوات نعجنو فيها بالزيت والليمون والسواك بعدالطبخ

وبعيدن تتلصق اللصقة على التشكيلة الى تبيها
وتحنيها والافضل تعاوديها علشان تكون داكنة وكل ما كانت ادكن تكون عندنا افضل


وشكرااااااااااااا

نايس يسلمو

واااااو روعه عجبني
عاد كبيرة النقشات انه احب الدقيقة و الهندية والمتروسة هههههه
يعطيج العااافية
عادات حلوة

يسلموو..

حلوووو بس لو لوونه افتح من كذا شوي
والنقش اخف من كذا {{ حسيته ثقيل وايد

بيكون نااايس

يسلمووووووووو

يشبه حنا العجين عندنا

السلام عليكم
اولا هده الحنة تحنى بها العرايس فقط ولي مرة واحدة في العمر وتسمى حنة النيرة وهي تعمل بي خيوط وليس لصقة والخيوط تصنع من صوف الخراف وتشكل مربعات تم تحنى وهده الحنة للنساء من البادية فقط ليست لكل ليبيا

هلا ام مقدام نورتينا
بس الحنة هذي اللي معروضه مش النيرة ... النيره تغطي اليد كلها و زي ما قلتي تندار مرة وحدة في وقت العرس بس
ومعروفه عند مناطق معينة في ليبيا مش كل المناطق
بس هدي الحنة اللي عارضتها الاخت تشكيلات جديده للخطيفة بس ضايفين عليها حركات و هدي لصقة جاهزة تقريبا وفيه حنايات يحنن فيها باليد وماعندهاش وقت محدد عادي تندار في اي مناسبه بس مش للعروسه
"" العروسة عندها حنة خاصة يحنوها بطريقة تانيه وكل منطقه عندها تشكيله معينة في عاداتهم ""
ياريت نتعرفو بيك اكثر اختي ونورتينا مرة تانية

عجبنى ستايل الحنا

حلو الحنى بس وايد أسود مثل الحنى السوداني

حلووو مشكورة حبوبة

السلام عليكم
الله قداش حلوة ورائعة عاداتنا وتقاليدنا
حبيبتي
الموضوع رائع ولكن زي ما قالولك الاخوات هذه الحنة ديمة المرأة تحنيها مش شرط العروسة فقط ، ونحن الطرابلسية عندنا حنة العروسة عادية مش خطيفة ، بس تحني نصف اليد ، أي بمعنى تحني اليد لعند تحت الصوابع ( اي لعند الكرومات الاصابع فقط ) . وحنة الرجلين عادية

وشكرا على طرح الموضوع ، وان شاء الله نرجعوا لبلادنا الحلوة الجميلة ونحنوا ياربي
ا

مرج حمام;15128280:
السلام عليكم
الله قداش حلوة ورائعة عاداتنا وتقاليدنا
حبيبتي
الموضوع رائع ولكن زي ما قالولك الاخوات هذه الحنة ديمة المرأة تحنيها مش شرط العروسة فقط ، ونحن الطرابلسية عندنا حنة العروسة عادية مش خطيفة ، بس تحني نصف اليد ، أي بمعنى تحني اليد لعند تحت الصوابع ( اي لعند الكرومات الاصابع فقط ) . وحنة الرجلين عادية

وشكرا على طرح الموضوع ، وان شاء الله نرجعوا لبلادنا الحلوة الجميلة ونحنوا ياربي
ا