حبيبتي بنتي كبرت .. متى اوكلها

1- في اي شهر اكلتي طفلك ؟

4 شهور بس لمن كمل 4 شهور مو ال3 شهور وبديت اوكله عشان قام ما يشبع من الحليب و كل ساعة يبي يرضع بس ناوية اوكل حلا على 6 شهور اذا ماطلعت مثل اخوها

2- ما هو نوع الاكل او شنو اكلتيه بالضبط بالتدريج ؟

انا وكلته اول شهرين بس خضار و سيريلاك القمح و لمن تعود عليها بديت اعطيه فواكه

3- اذا عندج صور للماكولات للاطفال لصغار ياريت ترفقينهم

القسم مليان مواضيع اكل الاطفال بس سوي بحث

بالتوفيق

1- في اي شهر اكلتي طفلك ؟

بصراحة اول ماتم 3 شهور وبدأ الرابع بدأت ادوقه زبادى وكل يوم ازود شوية لحد ما وصلت انه ياكل علبه كامله وده فى نهايه الشهر الرابع

2- ما هو نوع الاكل او شنو اكلتيه بالضبط بالتدريج ؟

بدأت معاه بالزبادى وبعده شوربة الخضار والعصائر المخففة بحيث يكون النصف عصير والنصف التانى ماء

3- اذا عندج صور للماكولات للاطفال لصغار ياريت ترفقينهم

معلش يا حبيبتى مش عندى صور بس ممكن تعملى سيرش وان شاء الله تلاقى

1- في اي شهر اكلتي طفلك ؟
لمن خلصت الشهر الخامس ودخلت بالشهر السادس اكلتها فعليا ووجبات..
- ما هو نوع الاكل او شنو اكلتيه بالضبط بالتدريج ؟
ابتديت بالخضار بطاطا مسلوقه كوسا جزر قرع عسلي قرع عادي بطاطا حلوة نشاء الذرة مع الحليب
مهلبية شوفان بعدين ابتديت بالفاكهة المهروسة عندك موز تفاح وجميع الانواع وبالتدريج بتكون دخلت شهرها السادس وابتدي بالسريلاك الرز وانتبهي من القمح اذا تتحسس منه لا تعطينها حتى بسكويت الا لمن تكمل السنه... انتبهي من الطماطم يمكن يحسس البشرة والبيض لا تعطينها بعد..
ياريت قدرت افيد ولو بالقليل..

1- في اي شهر اكلتي طفلك ؟

أكلت ولدي بنص الرابع.. وبنتي للحين ما أكلتها لها 3 ونص بس يقولون الحين الأطباء ينصحون من السادس..



2- ما هو نوع الاكل او شنو اكلتيه بالضبط بالتدريج ؟

بدأت بمليوبا الأرز المبشور لمدة أسبوع وبعدين فواكة مهروسة.. وبنهاية الخامس دخلت الخضروات..




3- اذا عندج صور للماكولات للاطفال لصغار ياريت ترفقينهم

لا والله ماعندي الحين أي صورة ولدي ماشاء الله بيكمل الخمس وأكيد الحين المنتجات أختلفت بإذن الله الشهر الجاي آروح أشتري لبنتي وآجوف مانزل في الأسواق حديثا..

عزيزتي شوف هالرابط وان شاء اله يفيدك

http://forums.3roos.com/t469574.html

السلام عليكم .. افضل عمر توكلين طفلج فيه 6 شهور لأنه منظمه الصحه العالميه تمنع الامهات انه يوكلون اطفالهم قبل هذا السن .. وسألي كل الدكاتره وكلهم نفس الكلام ... ابتدي بالرايس .. عطيه رز مسلوق او بالجمعيه تحصلين ميلوبا رايس .. ابدتي فيه وبعدين ابتدي بالخضروات .. جربي الخضار البطاط والجزر والكوسا وبعدين واخر شي ابتدي بالفواكهه و وتأكدي انه طفلك مايتحسس من اي شي بعدين خلطي بالخضار مع الفواكه ... او خلطي الخضار إلي لونه اخضر مثل الكوسا او السبانخ مع الجزر او الكوسا مع البطاط

اممممم قريت كل ردودكم خواتي و توصلت الى نظام معين
اذا كملت بنتي الشهر الثالث و تناصفت الشهر الرابع ابدا اعطيها الاكل الجاهز مثل الي في السوبرماركت و الصيدليات
و لما تتعود عليه بعدين اسوي لها خضراوات او فواكه في البيت

اذا فيه خطا في رايي ياريت تنصحوني اهم شي عندي مصلحة بنتي حتى لو قلتو عني قليلة خبره او حتى معدومه الخبره مو مشكله

1- في اي شهر اكلتي طفلك ؟

بعد ما خلص اربع شهور بالضبط


2- ما هو نوع الاكل او شنو اكلتيه بالضبط بالتدريج ؟


بنصحج نصيحة في الاكل .. الياهل ما يتذوق الطعام مثلنا في هالعمر ابتعدي عن الملح والبهارات
لانه اذا عودتيه راح يكره ياكل الخضار وراح يتعود على الاكل قوي البهار

اول شي عطيه الخضار المسلوقه وحبذا لو تخلطينه مع القرع العسلي لانه حلو واليهال يتقبلونه

بعدين بديت اطبخ له رز بالخضار وشريت له الاكل الجاهز بس ما يعجبه يحب المطبوخ اكثر

العصيرات مثل البرتقال ممكن تعطينها من 3 شهور ونص طبعا مخففة بالماء
وعصير التمر المنقوع بعد ممتاز

و6 شهور دخلي الخبز او البريد يعني الحبوب مع المرق والشوربات

وهكذا تدرجي لبعد ما يخلص 7 شهور دخلي الدجاج والسمك بشكل خفيف



3- اذا عندج صور للماكولات للاطفال لصغار ياريت ترفقينهم

مب في جهازي هذا بس تلاقينه وايد في قوقل

بديت اعطي طفلي الاكل في الشهر الرابع طبعا سيريلاك وبسكوت اطفال

والحين هو في الشهر السابع اسوي له غداء وهو رز مصري مع بطاطا وجزر

وافكر اني ازيده وجبه العشاء لاني اشوفه يجوع مسكين والعشاء رز مع حليب

وبس اتمني اكون ساعدتج حبيبتي

1- في اي شهر اكلتي طفلك ؟

انا وكلته لما كملت 4 شهور ..

2- ما هو نوع الاكل او شنو اكلتيه بالضبط بالتدريج ؟

بديت بروب و عصير المخفف و خضار مسلوقه كل يوم صنف ولما اكلت ك انوع خضار صرت احطهم كلهم مع بعض و اسويهم مرق و احطهم مع العيش و فواكه و عيش مع روب و تمريه ماي تمر

انا أقولك سمعي كلام ريحانتي .....

لانها طريقته هي الاصح بالنسبه لكلام الاطباء من ناحية تغذية الطفل..

التغذيه الصحيحه تبتدي من الشهر السادس..

انا وكلت بناتي في عمر الاربعه الاشهر
ودخلوا الشهر ال5
واول شي وكلتها مهروس تفاح
ومهروس خضار كل نوع لحده
وماعطيتها لا سيريلاك ولا بيض قبل ال6 اشهر

حبيبتي انا توي رايحة لاخصائية تغذية عشان بنتي ضعيفووونة وانا كنت توي مأكلتها من سبوعين تقريبا وقالت لي ما ياكلون الياهل الا بداية السادس عشان تصير عنده مناعه ولان الاكل بالبداية ما يستفيد منة بس يشبعه وعطتني نظام غذائي
اول شي ابتدي معاها بالحبوب مثل الرز و الشوفان و الذره وقالت لي لاتبتدين تعطينها بسكوت وسيريلاك الا بالثامن مع ان كنت عاطية بنتي هالاشيا قبل ما اروح بس ما كنت اعرف
ولا تعطينها ماي الرز لان فية املاح خلية لبعد الثامن وحتى الروب

كليها بداية السادس حرااااااااااام ماصاروا يأكلونهم بسبب الفشل الكلوي المبكر وتلبك المعده ..

مايتحملون الا بعد الست شهور ..

انا كنت محتاره مثلك لكن سويت مثل ماقال الدكتور .. الحين بنتي دخلت الشهر السادس عطيتها موز .. ومنقوع التمر وعصير برتقال مخفف .. وتفاح وجزر وعنب ... جاهز من الصيدليه ..
عاد بالقوه عطاني الصيدلي يقول بعد ماتتم السادس .. شربيها ..

انا بنتي بتكمل ان شالله سنة وحاسة بالذنب نفسج ودي اعرف كل شي عشان اغذيها
لانها ضعيفة وانا ماعندي خبرة >>> ام جديدة

الله يعطيهم العافية هالنتوفات ويحفظهم يارب

بنتي بديت معاها من تقريبا الخامس قمت اعطيها ميلوبا بالرز وبالخضار واحيانا اهرسلها موز يعني اشيا بسيطة وبالتدريج دخلت لها الروب والفاكهة المهروسة والخضروات
والحين يوم قربت سنة قمت اعطيها البيض والاجبان والخبز احيانا
اللهم صلي على رسول الله

طبعا انا مثلج ماعندي خبرة بتغذية الاطفال والخبرة اللي اكتسبتها كلها من الكتب والمنتديات ومن خلال قرائتي لمثل هالامور توصلت ان افضل سن لتغذية الطفل تبدا من الشهر السادس ...
بس اللي صار يوم ولدت وقمت بالسلامة وخلصت فترة النفاس امي قالتلي اعطيه بالضبط:
-تمر+خبز منقوع في ماء حار ثم يخلط بالخلاط حتى يصبح كالسائل ثم يصفى ويضاف له حليب الطفل .
-تمر +شوفان +حليب الطفل +ماء يطبخ على النار ثم يخلط بالخلاط ويعطى للطفل .
-كاسترد +حليب الطفل +سكر يطبخ على النار ويعطى للطفل .
_شراب الورد يضاف إلى حليب الطفل .
في البداية كنت متخوفة اني اعطيه الاكل لان ولدي للحين صغير ومعدته صغيرة وما اتحمل الاكل في هالسن ...
بس مثل مايقولون اسمع مجرب ولا تسمع طبيب عطيته والحمد لله ...
ولدي امس كمل الشهرين والدكتورة مستانسة من وزنه الحمد لله وزنه 6كيلو بس ما قلتلها اني اعطيه الاكل (قلتلها بس اعطيه حليب)
اختي العزيزة لاتخافين امي ربت سبع عيال بنفس النظام وكلنا كبرنا وتزوجنا وما صار فينا شيء للعلم ان امي كانت تعطينا واحنا صغار (اي في سن ولدي اللحين)الارز والجزر والكوسا والسمك بس آنه اجلت هالاكل لين يكمل ولدي ثلاث شهور ..
مع تحيااااااااتي