اللهم صلي على محمد وآل محمد
طبعا بعد حيرة من أمري..قررت اخلي اول موضوع لي هوون بعد فترة غياب طويله دامت سنين وادري فيكم محد يذكر اسمي لاني غيرته من عسل الروح الى الحياة امل <<<صارت قصة:D
طبعا كنت خلف الكواليس اراقب المنتدى من دون مشاركه وحبيت اشكر جميع العرايس على المجهود الرائع الي يبذلونه لافادة الجميع
ومنها قررت اني افيد مثل ما استفدت من اركان هالمنتدى الراقي واولهم ركن المطبخ الي تعلمت على يده الطبخ وصارو يمدحونيي بفضله :o
بعد هالمقدمه الطويلة العريضه راح اعرض لكم حلاوة الcinnamon من صنع ايديااا ,,طبعا كل واحد له طريقته الخاصه وعلى الرغم من اختلافها الا ان النتيجه النهائيه وحده تقريبا وهذي الطريقه كانت من عند صديقتي الله يحفظهاا
وهي كالتالي
المقادير:
1 ك سكر
1\2 ك ماء
استكانة زيت
بيضة
رشة فانيلا
ملعقتان قرفة(دارسين)
قطعتان من جبن كيري
الطريقة:
نخلط المقادير السابقة كلها مع بعض بالخلاط وبعدها نجهز قالب بايركس مدهون بالزيت
وناخذ عدد كافي من الصمون ونقطعه شرائح بحجم 1 سم تقريبا ونغمس الشرائح في الخليط السابق ومن ثم نصف الشرائح في البايركس
الحين نجهز الصوص
المقادير:
6 قطع من جبن كيري
1\2 حليب مركز
نخلطهم بالخلاط ونضع نصفه فقط فوق شرائح الصمون وندخله الفرن لمدة 20 دقيقة
بعد اخراجه من الفرن نصب المتبقي من الخليط ونزينه بالكاكو السائل وممكن نرشه بالمكسرات على حسب الرغبه
وهذا تطبيقي للوصفة وانتظر تطبيقاتكم
" alt="" loading="lazy">
" alt="" loading="lazy">والقادم اكثر ان شاء الله ولكن بعد التشجيع