بموت من القهرررررررر

كلام الأخت ( قطاف ) صح!..

*

الرجل إذا جيتي معاه بأسلوب الدلع , والذوق , والذاربة

وعاملج بلا إحترام

عرفي إنه مو حاط لج أي قدر !..

*

لكن!..

إذا لهيتي عنه

أنشغلتي بتدليع نفسج و إهتمامج بأناقتج وبنفسج

أهتميتي بدراستج و بطفلتج

وأهتميتي في بيتج و ما قصرتي عليه بقاصر

رحتي وطلعتي

صدقيني هني بيحس !..

*

بيشوف كل شي من حوله حلو وجديد

إنتي كل شي شكل وكل يوم طلة

والبيت دوم نظيف ومرتب و الروايح الحلوة تفوح منه

مهتمة ببنته و مو مقصرة عليها

تطلعين ولاهية هنه بالدراسة

*

بيميل لج !..

بيحب يشاركج هالحياة

بيحب يكون معاج

بيحب تهتمين فيه وتدلعينه وتعطينه حنان

مثل ما أنتي قاعدة تهتمين بجميع التفاصيل من حولج

*

لا تبين له أنا أعرف ( سوالفك وخرابيطك )

لا !..

أبد لا تحسسينه

وسآلي نفسج هو شنو يستفيد من هالبنات إلي يكلمهم ؟!..

شي جديد ولذيذ بحياته

شي غريب و فيه كل الفضول يتعرف عليه

ويصيده ويتملكه

يعطي حبيبته الهدايا بس علشان رضاها , وعلشان يوصل لها

عرفي بعد !..

إنه بيسوي معاج بالمثل

لو صرتي له جديدة و غريبة , وشي ثاني ما تعود عليه

/
\

الرجال أنواع , وأصناف , وأشكال

وعرفي صنف زوجج والطريقة إلي توصلج لقلبه بسهولة

وتخليج تقعدين في هالقلب وما تطلعين

*

توكم في البداية

والمشاكل تصير وتتكرر

لكن !..

الشطارة منج

إذا كسبتي كل شي لصفج

ومن صبر نال!..

*

بالهدوء , والصبر

والذكاء والفطنة , تلقين كل شي

( إن كيدهم عظيم )

وكيد النساء ما ينقدر عليه